مشكله ارجو المشاركه في حلها في الفي اكس ار

[مشهور001]

السلام عليكم ورحمة الله وبركاته

اخواني الاعضاء

معي جيب في اكس ار 2004 فيه مشكله اتمنى ان الاقي حلها .

عند السرعات العاليه البدي يرج كله تحس انك منت مرتاح المقاعد القير البدي بشكل عام يرج ولما احط سي ديو او شريك بحيث يكون اغلبه خارج المسجل او القارء تلقاه يلعب فوق تحت تقول ماشي مع بطناج طبعا الكفرات جديده ومرصصه وما فيها مشكله مع العلم ان السرعه فوق 125 وفوقها احس بالرجه الى 180(تجربه بس). اما في السرعات الخفيفه اشوف عصى القير مهي بثابته مر يمين ومر يسار وترج على السرعه العاليه والواطيه
ارجو من مرت عليه ها لمشكله او يعلم وشهي منه يخبرني وله مني الدعاء في الغيب

[فارس مكشات]

هلا اخوي مشهور
* شيك على الكفرات ولو انها جديدة صارلي معي نفس الموقف مرتين مرة بكامري ومرة بالباترول.
* شيك على ربلات البدي وكراسي القبر وكراسي المكينه .
* شيك على العمدان ( الدبل و الدفرنس الخلفي ) ولا تنسى الصلبان .

[ضوء]

شيك على الجنوط صار معاي نفس الشي

[ABO AL-HESH]

شيك على كراسي المكينه.. ترا حتى لو صار فيه عفط او ميول ترج السياره

[أبو فهد11]

أخوي العزيز مشكلتك لا تخلوا من ثلاثة أشياء

1/ تأكد من الكفرات تكون محببه ( فيها ورم )

2/ الجنوط لا يكون فيها طعج أو ضربه قويه

3/ تأكد من عمود الدبل

[مجتهد***]

شيك على العمدان ( الدبل و الدفرنس الخلفي ) ولا تنسى الصلبان .
عند المخرطة يبين عندك

[مشهور001]

لاخوان الاعزاء
فارس, ضوء ,ابو الهش, ابو فهد ,مجتهد

جزاكم الله خير على سرعة التجاوب معي وان دل ذلك فانما يدل على حبكم للخير

بعد ما قريت ردودكم توجهت للمخرطه وفكيت العمدان ولقيت ان العمود الطويل حق الدفرنس مدري وش اسمه فيه رجه عند تجربته ورجه مهي بسيطه وعمود الدبل كذلك بس على خفيف

يعني المشكله في العمدان

لاكن عند ما رحت للشركه ذهلت من اقيامها 1600 ريال للعمود الواحد يعني فوق 3 الاف الثنين
ابي شوركم اشتري واتجبر بالله سبحانه ولا فيه حل ثاني ممكن اسويه .

وجزاكم الله خير على النصح

كل عام والجميع بالف خير ويجعلنا من صوامه وقوامه يارب

[ديرتي]

امين يارب ............

يامشهور فك القديم ورح لاهل المستعمل في الصناعية وتلقى مثله كوووووووم ان شاء الله مع التأكد منه في المخرطة بانه مايرج مثل القديم ,,,,,,,او
تصلح العامود القديم في المخرطة .........وشكراُ.........

[مشهور001]

الاخ ديرتي

ونا اخوك انا بالغربيه بينبع وما خليت ولا بقيت مخرطه ولاصناعيه اليوم مارحت ا لها وكلهم ما نعرف ما يجي بابا لازم كمبيوترالمهم الظاهر لازم اروح يم القصيم ولا جده وربك يحلها

لاكن يالربع ان كان به احد تشيرون علينا نروحله فمكثورين الخير.

[al-nashmi]

الاخ ديرتي

ونا اخوك انا بالغربيه بينبع وما خليت ولا بقيت مخرطه ولاصناعيه اليوم مارحت ا لها وكلهم ما نعرف ما يجي بابا لازم كمبيوترالمهم الظاهر لازم اروح يم القصيم ولا جده وربك يحلها

لاكن يالربع ان كان به احد تشيرون علينا نروحله فمكثورين الخير.

الاخ مشهور
مثل ما قالوا الأخوان الكرام المشكلة عندك من العمدان والصليبات

قد صارت معي في فكسار 2001 ولعبوا علي الورش وغيرت الدبل وهو برئ ماله ذنب:D وخسروني بدون فائدة الله يخسرهم واخرتها غيرت عمود كردان اللي ورى وضبط الموتر.... غيرته جديد ب 800 ريال الكلام هذا قبل 5 سنوات
... وترى فيه مخارط جيده تسوي ترصيص للعمدان بالرياض اما القصيم ما عندي خبر ..

وسلامتك

[البيـرق]

انا صار لي نفس المذكور تقريبا

ووزنت العامود و و

واخرتها غيرت الكفرات وظبط الموتر لاندكروزر 2006 وهذا الكلام قبل سنتين

[ديرتي]

مثل ماقالوا الشباب كلها ترصيص ومنتهية مشكلتك يالغالي ,,,,,,,
لكن سير علينا بالرياض وتنحل مشكلتك .

[الوعب]

السلام عليكم

تفاعل طيب من الشباب الله يجزاكم خير ,, الجميع

شوري لك 3000 ريال لاحول ولا قوه الا بالله ,, دافع بلا
ولا تضرب لك مشوار عشان تروح لورشه ولا تشليح و يمكن يمشي معك يومولا شهر ماتدريبه
ركب جديد اذا كانت الماديه تسوح و توكل على الله ,, على الاقل فيه ضمان
وماتشوف شر ان شالله


وعلى الجميع مبارك عليكم الشهر و تقبل الله طاعاتكم

[شامخ ألهيلا]

اخوي عمود الدبل غيره لانه مايرصص

اما عمود الكردان يرصص

[مشهور001]

تحيه طيبه للاخوان الاعزاء

رحت يا اخوان لجده يم واحد متخصص في العمدان وفكيت العمدان وعنده ميزان كمبيوتر لاكن قالي العمدان ممتازه ولا فيها شي وكان كله الشغل كمبيوتر ونصحوني ارصص ارضي
وفعلا رحت ورصصت ارضي لاكن مع كل اسف كل من العمود والترصيص بريئ من الرجه ولازالت المشكله قائمه

ونسيت قام واحد من الشباب جزاه الله خير واعطاني موتره وغيرت كفراته بكفرات موتري عل وعسى يكون البلا من الكفرات مع ان الكفرات جديده لاكن مع كل اسف لازال الوضع على ماهو عليه..

يتراوالي ان فيه صوت ورا يوم اسرع صوت مثل الونه الان .

[ابو فيصل 635]

السلام عليكم ورحمة الله وبركاتة

اخوي انا صار معي هالشي اكثر من مره

الاولى ان في وسط الكفر رمل
والثانيه ان صواميل الكفر مرتخيه والحمد لله فكني الله
والثالثه ترصيص ماضبطه زين

وتقبل تحيات اخوك ابو فيصل 635

[alkongrs]

يمكن يبيله تربيط

[المميـز]

الررررجه اللي عندك من عمود الكردان اكثر من عمود الدبل

انا معي باترول وفيه نفس المشكله

ورحت امس لواحد بالمدينه المنوره وقالي الخلل من عمود الكردان

ويبي له ترصيص بس وللأسف مافي احد يرصص بالمدينه أعمده

وقالي انه يعرف واحد بجده متخصص بترصيص ووزن وتعديل الأعمده

بس مابعد عطاني رقمه

وواعدني اليوم بعد العشاء ان شاء الله تعالى يعطيني الرقم

وراح اتصل على الورشه واشرح لهم وضع موترك واعلمك باللي يصير معي

انتظر ردي بعد التراويح ان شاء الله تعالى

[برنس 2007]

انصحك غير الكفرات

[mmgarni]

اول شي تاكد من العمود خلة يحطة لك على المكينة وشف الرجة في العمود والا لا وثانيا تاكد ترا بعض الاحيان تتهمل الصواميل من عند الكرونة يمكن تكون السبب
او الجنوط اللي مركبها ايمكن تكون تجاري

الله يعينك انا صار معي نفس الكلام في في اكس ار 2002 ولاكن في الرياض التشاليح طب وتخير من 300 ومن 400 والله يوفقكك
والنصيحة خذ من التشليح لان الاصلي اللي بالوكالة مايجي بنفس الجودة حق شد البلد وغير الصلبان لانها عيب مصنعي في الفكسار وشكرا لكم

[بواسامه]

عن زود الخساير
شف من يعز عليك
ومعه اخو موترك
بدل الكفرات والجنوط معه
وجرب
كلها ب20 ريال ويتبين لك وس الخلل منه
ولا تستعجل في العمود
الغالب ان الكفرات محبله

[المميـز]

الررررجه اللي عندك من عمود الكردان اكثر من عمود الدبل

انا معي باترول وفيه نفس المشكله

ورحت امس لواحد بالمدينه المنوره وقالي الخلل من عمود الكردان

ويبي له ترصيص بس وللأسف مافي احد يرصص بالمدينه أعمده

وقالي انه يعرف واحد بجده متخصص بترصيص ووزن وتعديل الأعمده

بس مابعد عطاني رقمه

وواعدني اليوم بعد العشاء ان شاء الله تعالى يعطيني الرقم

وراح اتصل على الورشه واشرح لهم وضع موترك واعلمك باللي يصير معي

انتظر ردي بعد التراويح ان شاء الله تعالى






للأسف اللي بجده

مايشتغل بالجيوب

والله اننا منكوبين حنا ياسكان المنطقه الغربيه

نصيحه لمن يمتلك راس مال وخبره بالميكانيكا

يفتح له محل بالمدينه اختصاص جيوب

بإذن الله ناجح

لأن المدينه مليانه عالم من اهل نجد ويمتلكون جيوب

وراعين تجهيز وراعين امور كثيره

ودايما يروحون للقصيم وانا منهم على شان شغلات بسيطه نفتقدها بالمدينه

[مشهور001]

والله يا اخوان انكم ما قصرتوا
يشهد علي الله اني يوم اشوف ردودكم اني ادعي لكم ان الله يوفقكم بدون ذكر اسم شخص او معرف للجميع
انا يا اخوان سويت كل شي رحت للمخرطه وفكيت العمدان ولا فيهن شي ابد بالعكس كان المخرطه كمبيوتر يعني قرائه صحيحه وعملت ترصيص ارضي وبدلت كفرات مع واحد من الشباب
ونصحوني اشوف المروحه لا يكون الريش شي منها منكسر او قاعدة المروحه وكلهن سليمه . ولا لقيت السبب ابداا

لاكن انا الان قمت اشك في الدفرنس من له خلفيه شلون اعرف ان الدفرنس خربان او فيه عله يقولي ولا عليه امر نكد علي الموتر وانا مزهب اموري ابي بعد العيد اتوكل على الله مع شرواكم للمقانيص والتمشيات والعلوم الزينه .