أجمل صورة في المنتدى

[مشغول]

السلام عليكم ورحمة الله وبركاته

مراحب بالجميع

الأيام هذي أيام أمطار الله يجعل فيها البركة وأيام ربيع ومكاشيت .. وكل منا طالع بالكاميرا وخذ يا تصوير

طيب وش رايكم نسوي مسابقة أجمل صورة بشرط يكون العضو هو اللي مصورها ويكون أخر موعد لإدراج الصورة قبل بداية الدراسة يعني بعد الحج .
طبعا نحط شروط ونحط لجنة للتقييم .. الخ .

وش رايكم عشان نبدأ طبعا إذا جازت لكم الفكرة .

[خرمان ربيع]

الحقيقة فكرة ممتازة وتخلي الاعضاء في امنتدى في المستقبل إلى بغى يصور يتذكر هالمسابقة ويطلع كل خبرته وانشاء الله سوف اشارك بها بس عندي مشكلة بالسكانر اصلحها وأبشر

[لوحة التحكم]

فكرة تستحق التنفيذ


عااااااااااااجل


ويوضح صاحب الصورة المكان و تاريخ ووقت التصوير

[Ra7aL]

ليش لا

فكره جداًً ممتازه ....:good: :good: :good:

تحمس الشباب أنه يصورن ومو اي صور وبس لا !!!! يصور حرصاًً على الفوز وبكذا نكون كلنا استفدنا من الصور الي راح تكون خياليه وروعة في نفس الوقت وعشان الواحد يعرف قيمة الصوره الي صورها.

وانا راح اشارك بالصور ولو اني عارف ان تصويري عادي بس عشان الشباب يتحمسون.

[مشغول]

هلا بك خرمان ربيع

اسمع خل عنك السكنر .. اشتر كاميرا دجتل وفك عمرك من عوار الراس .
وشكرا لك

[مشغول]

لوحة التحكم مرحبااااابك

وانا أوافقك على اقتراحك ..

وتسلم

[مشغول]

Ra7aL حياك ربي

كلامك صحيح ويكون عندنا في نهاية المسابقة ألبوم من الصور الجميلة من مبدعين مكشات .

اتمنى لك الفوز :D

[صقر]

فكرة ممتازة ويالله نبدأ الفكرة.

أولا يتقدم الاعضاء المتسابقون بإدراج صورهم.
ثانيا تشكل لجنة من الاعضاء والمشرفين لتقييم الصور.
ثالثا تظهر النتائج.

وياليت يكون هناك جائزة تشجيعية مثل ساعات اتصال أو غيره.

ودمتم.

[شاهد عيان]

أنا أستعديت بكمرتي والله يوفق ..

[وضح النقا]

~



فكره كذااااا:good: :good: :good:

[فـ(الجـوف)ـتى]

فكره رائعه مشكوووووووور 0

[حفرلوجيا]

أخوي مشغول على إعتبار انك صاحب الفكرة ( والمشغول يشغل ) :D .. لعلك تستحسن ان تطور الفكرة وتضعها في قالب عملي جاهز للتنفيذ .. بعدها تزبن أحد الخيام ( وأقترح العامة ) ..
خذ عندك بعض المحددات أو الشروط :
--- طبعا لاشك ان موضوع الصورة سيتعلق ( فقط) بإهتمامات منتدى مكشات .
--- تكون الصورة ( قبل دخولها المسابقة ) تم طرحها أولا ضمن موضوع ( خاص) بالمنتدى ( من الشروط ) .
---ألا يتجاوزالموضوع الخاص الذي تم طرحه عدد معين من الصور( خمس أو أقل أو أكثر قليلا ). ومن بينها الصورة التي ستدخل المسابقة بإختيار العضو .
--- يحدد مشرف الخيمة اللي زبنتها ( أعضاء ) خارج المنافسة ( ليكونوا ) لجنة تحكيم .. وأقترح خارج المنافسة .. وبدون زعل ;) ( نفل , راعي عنيزة , فرد حمزه , نقا هشال , صقر ) .. وأرجح أنهم سيتقبلون ( الإستبعاد ، ومهمة اللجنة ) بصدر رحب .
--- تحدد فترة لدخول المسابقة ( من ..... إلى ...... ) بعدها يتم التراسل بين أعضاء اللجنة ( الخمسة ) خلال فترة ( من..... إلى....... ) ليتم ( الفرز ) وإعلان ( الصورة الفائزة ) ..
--- يعلن راعي عنيزة ( الصورة الفائزة ) .. متضمنة دعوته الشخصية للإحتفاء بصاحبها في حفل عشاء أو غداء :good: .. ( على حسابة الخاص .. وإذا هو مشغول يصير العشا بعنيزة ;):D ..) ماحنا مختلفين ..:cool:
------------------
-------- عن نفسي أنا سأتواجد مع فريق المشجعين للي يبي ( يعشينا ) .... أحلى ( راعي عنيزة ) :good:

[abos3d]

الله يهديك يا حفرلوجيا و هقت الرجال من وين بيقدر يعزم 5000 واحد (مخصوم منهم الحريم بس ممكن يكون فيه قسم لهم) <<==== يبي يقهره عشان يعزمهم جد خخخخخخخخخخ لكن الله يهديك حطيت المصورين حقين المنتدى وماخليت احد ولايهونو الاخوان الثانين بس مع احترامي لهم الا ان الاخوان (نفل راعي عنيزة نقا هشال فرد حمزة صقر يعتبرون) يعتبرون من افضل المصورين ولكم جزيل الشكر وآآآآآآآآسف جدا على الاطالة

[abos3d]

نسيت اقول لكم ان الفكره جدا عائله ونشكر اخوي مشغول على الفكره

[صقر]

اخي abos3d

حفرلوجيا يقصد ان الاشخاص اللي ذكرهم يستثنون من لجنة التحكيم والمعروف ان لجنة التحكيم لايحق لهم دخول المسابقة...

[راعي عنيزة]

فكره ممتازه وتنمي روح المنافسه الشريفه والحماس بين الاعضاء لتقديم كل جميل لمكشات

وعندي تعقيب على اقتراح ابو سليمان حفرلوجيا
اتشرف ان اعزم الفائز وكل الشباب ولكن فيه مشكله
بما اني اتوقع بنسبة 99% ان الجائزه لن تخرج عن نقا هشال او نفل وكلهم من الرياض فماله داعي نعنيهم ونضربهم مشاوير للقصيم
لذلك يعتمد نقل مراسم التتويج وحفل العشاء الى اقرب عضو بالرياض ومن حسن الصدف ان اللجنه اختارتك بالاجماع لشرف استضافة الحفل ياحفرلوجيا :D
الف الف مبروك ولا اوصيك كثر لنا من المفاطيح وان حصل فيها كوزي تراها مب شينه :D

[مشغول]

:D :D :D
: :D
:)
:D

في الحقيقة ما قدرت اصك فمي من الوناسة لأن الفكرة جازت لكم .

الأخوة :
صقر
شاهد عيان
وضح النقا
فتى الجوف
حفرلوجيا
ابو سعد
راعي عنيزة

هلا بكم والله وشكرا لتفاعلكم مع الموضوع .

أخي الحبيب أبو سليمان بالنسبة للمسابقة وتنظيمها يبغالها راعي خبرة في هذا الموضوع
والمنتدى يعج بالمتميزين أمثالك ولا يهونون الربع . والمنتدى راقي ويبيله مسابقة على مستواه
لذلك اقترح ان المشرفين بحكم خبرتهم الطويلة في المنتدى .. أن يختاروا لجنة للمسابقة وللجنة هم
اللي يحطون بنود المسابقة .

وعلى فكرة أنا مشغول على اسمي :D

واقترح ان الواحد يبدأ يصور من الآن ويختار الصور اللي بيدخل بها المسابقة لين تشكل اللجنة ونبدأ المسابقة
إن شاء الله .

وأنا أوافق راعي عنيزة ان العشاء يكون في الرياض ;)

وهلا بكم

[عروان]

فكرة حقاً رائعة.

ننتظر بداية المسابقة.

[بركان]

فكرة حلوة

واقترح ان يتبنى المشرف هذه الفكرة لانه بعد نهاية المدة المحددة لوضع الصور
سيكون من الاهمية تصميم برنامج للتصويت على الصور بارقامها. واقترح ايضا
وضع جائزة ولو رمزيه. وكما يقولون الشيوخ ابخص اقول انا المشرف ابخص.

[شاهد عيان]

طيب وشرايكم لو نوسع العملية شوي .. بحيث تكون الصور المختارة نتقسم إلى عدة أقسام منها :
1- أحسن صورة لمنظر طبيعي .
2- أحسن صورة مضحكة .
3- أحسن صورة غريبة .
4- أفضع صورة لحادث .
5- أحسن صورة .......... ( لوضع أي مقترح آخر )

آمل أن يحوز هذا المقترح على آرائكم ...
ولكم حرية الاختيار ..


بالتوفيق ..

[بن قطر]

فكرة حلوة أنا أستعديت بكمرتي

[ابوصالح*]

فكرة جيد لتحرك المنتدى وتنشيطة وانا مع الاخ شاهد عيان في وضع جوائز لعدد من الموضوعات ويحدد لكل موضوع مركزين او ثلاث مراكز ..

[ابو شكاع]

انا اعترض




انا اعترض



انا اعترض

قولوا وراه

انا اقول لكم






انا عندي كاميره ........... لكنه كسره ........... يعني 2 ميقا بكسل ,,,,,,,,,,

يبي يجي مثلا نفل او مكشات وتلقون كاميراتهم مثلا 5 ميقا بكسل او اكثر <<< الله يهنيكم بهن قولوا آمين

لذلك يبي يكون هناك فرق كبير في الصورة

حتى ما يمدين اروح اشري كاميره لان الراتب هذا موزع وقاضي عى الديانه وحق شهر 12 تبي تقضي المسابقة وانا ما شريت كاميره هههههههههههههههههه

عموما

انا معكم

والهرج اللي فوق مع اني اشوف ان فيه الكثير من الصحة لكن اللي دفع مبالغ كبيرة في كاميرته يستاهل انه يفوز بالجائزة


وانا من هالحين مولم صورة ولا اجمل وكنت ابنزله قبل شوي لكن بطارية الكاميرة خلصت

ولعله صارت خيرة

ومشكور يا مشغول

[ابو شجاع]

بسم الله الرحمن الرحيم
صراحه الفكرة جميلة جدا جدا (واتمنى من المشرفين ان يضعوا خيــــــــمة خاصة ) للصور وتكون ثابتة المسابقة فيها على طول وتحمى الصور سوآباسماء صاحبه او بالتوقيع عليها ويكون فيها خانة للتصويت اما با
لردود من المشرفين والاعضاءاو(بالتصويت الاكتروني) مع انها متعبه في تنفيذها لكن اتمنى ذلك وانا اوفق اخوى شاهد عيان حتى ولو كانت الصور قديمةمن كم سنة المهم اضهار افضل الصور من جميع النواحي البرية ودمتم سالمين اخوكم الصغير ابو شــــــجاع

[مشغول]

للرفع


ولي عودة

[مشغول]

هلا بك عروان

شكرا لتأييدك

هلا وغلا بركان

اقتراحك جميل بس وين المشرفين

شاهد عيان تسلم والله على الاقتراح
الله لا يهينك

المرعب شكرا على استعدادك وهلا بك

ابو صالح شكرا على المداخلة

والله يجيب المشرفين

ابو شكاع مراحب

كلامك صحيح لكن المسابقة على جمال الصورة موب على دقة الصورة .

هلا بك ابو شجاع
خل المشرفين يعطونا وجه وابشر بالخير

[مشغول]

نداء ... نداء ... من المركبة ون إلى القاعدة رن

نداء ... نداء ... من مشغول إلى المشرف المسئول :)

ترانا قعدنا فيها الحقوناااااا ... يمااااااااه

هلا والله بالمشرفين بصراحة مبطين عنكم من زمان ماشفناكم .. ودنا تحركونا شوي وتعطونا رايكم

في هذا الاقتراح اللي مجموعة من الاعضاء موافقين عليه .

والأعضاء ودهم يبدون ويحترون رأيكم .

لعلكم ما تتأخرون علينا وعليهم .

وهلا بكم جميعا

[شاهد عيان]

إلا وين المشرفين ولا واحد منهم رد ؟؟

يمكن إنهم .... كاشتين !!

[abos3d]

فيه اقتراح يا اخواني عندي وهو ان كل واحد بيدخل بصوره يحطها في توقيعه ويحط تحتها عدد الاشخاص الي صوتوا لها

[الملثم]

السلام عليكم ورحمة الله وبركاته
فكره حلووووة لكن الاحظ أننا مانتبهنا لمسئلة مهمة وهي شرعية هذه الجائزة . نعم ذهب بعض العلماء كالحنابلة أن الجائزة المعدة لغير الرمي والخف والحافر ميسر للحديث : لاسبق إلا في نصل أو خف أو حافر . رواه أبوداوود
وفي ما أذكر ( الكتابة ترجلا ) أن شيخ الإسلام وتلميذه ابن القيم تجوزا في مافيه مصلحة شرعية كمسابقة القرآن ونحوها . أقول اللي فيه شبهه الواحد يتجنبه أسلم وللجميع تحياتي
محبكم الملثم

[مشغول]

هلا واهلين بكم انتم الاثنين

شاهد عيان
ابو سعد

شكرا لتفاعلكم

هلا وغلا بالملثم

احتمال كلامك يكون صحيح لكن الاعضاء ما تهمهم الجائزة كثر ما تهمهم الصور الجميلة

والمشكلة الحين ان المشرفين ما عطونا وجه وش السوات

أيها المشرفون اين انتم ؟؟؟

[بن قطر]

وعليكم السلام ورحمة الله وبركاته

[صقر]

يا خوي مشغول ... مهوب لازم يشرف المشرفون على المسابقة

يعني انت صاحب الفكرة ... توكل على الله ونفذ وأول خطوة يقوم الاعضاء بوضع الصور وأنت الراعي

وأعتقد ما نبغى جائزة مادية ... الجائزة معنوية .... وممكن نخليها شهرية علشان تكبر وتكون رسمية....

نحن ننتظر مبادرتك بالتنفيذ...

والسلام عليكم..

[حفرلوجيا]

نعم أخوي مشغول .. أتفق مع صقر يمكن أن ينظم ويبدأ الأعضاء المسابقة .. ويمكن أن تنجح إذا وافق الأعضاء وكان التأييد عمليا .
لذلك ألفت الإنتباه إلى الذي ( أظنه ) إطارا تننظيميا وعمليا لتنفيذ هذه المسابقة وذلك في ردي على مشاركتك :
متى نبدأ مسابقة أجمل صورة (( وين المشرفين (http://www.mekshat.com/vb/showthread.php?s=&threadid=16141)))
وأولها .. لاتتهرب عن مسؤليتك :mad::confused: حتى يوافق غيرك.

[مشغول]

هلا بك اخوي صقر

لو كانت من عند المشرفين بتكون المسابقة اقوى وبيكون لها دعاية قوية في جميع الاقسام

احرجتوني :cool: :rolleyes:

مراحب حفرلوجيا

والله ما اتهرب لكن فيه من هو اقدر مني في هذا المجال والمسألة ما هي حكر على صاحب الفكرة

لكن اللي تأمرون به انا حاضر نبدأ المسابقة غدا الثلاثاء إن شاء الله

[مشغول]

عندي اقتراح


نخلي المسابقة الأولى تجربة

يعني الكل يشارك بأحلى صورتين عنده واناظر مدى نجاح المسابقة .

والمسابقة الثانية في الشهر الثاني تكون بتنظيم اكثر وإدارة ومنظمين ومشرفين مثل ما قال اخوي حفرلوجيا

وش رايكم ؟؟