اليابانيون في القصيم بريده السويلمية (الغف)

[ابوتركي666]

يوم الأربعاء تاريخ 26-8 أتاء ثلاثة من اليابانيون من شركة نيسان لأيأخذو اراء المواطنين ومعهم موضف من شركة الحمراني حيث عرض عليهم المشاكل التي تحصل في النيسان وأخذو الأراء رأو كيف يسقط المسمار الي في الثلاجه ورأو الكسور التي تحصل في البيبان الخلفيه والرفارف وراء وعزم الباترول الضعيف في الغف استعرض امامهم باترول وركبهم معه وطعس بهم يوريهم عزم الموتر وعرض عليهم سبب عطل الكتاوت وسبب الرجه الي تحصل دائم وسجلوكل المشاكل التي تحصل في الباترول ويقول الموضف الي معهم إنه سوف يعدلون الأخطاء في 2009 واعتقد انه غلط يبي يقول 2010 لان شكله سوف يتغير عن الاول وان الربع 2009 سوف ينزل بمكنة 4800 ونفسه الحوض أعتقد قصده2010 والصالون تبي تغير مكينته الي 5200 هذا ماذكر لي من نفس الموضف مع كلامه مع الياباني عاد كلامهم صحيح اولا مادري لا كن انا حاضر معهم اتو بع صلاة الظهر وذهبو الساعة الواحد والربع الي حضروقليل حيث ان الموضف تمنى انهم اكثر لاكن يقول اتو بفجئه ولا حصل تنضيم لملاك النيسان يأتون لوضع وقت محدد واصحاب الربع التايوتا ليوروهم نشاط التايوتا عند النيسان
نعيش ونشوف

[m200m]

الله يعطيك العافيه على الخبر
النيسان معاليه كلام بس المشكله كله في البدي خفيف هذا راي فيه

[الكونترولCONTROL]

اليابانيين ما عندهم قسم خاص .. بمصنعهم لعمل اختبارات طويلة المدى على الأجزاء المذكورة ؟؟؟
و بعدين يعطوننا إيميلاتهم و نوصل لهم كل المشاكل ... مهب لازم يجون عن
طريق الوكيل أو الموزع ..حتى لو كان الايميل hinshanwon نفهم كيف نرسل له !!
و الله أعلم ...!
أخي أبو تركي 666 لك رسالة على الخاص ... تحياتي ,,,

[عاشق النفود 111]

بصراحه سيارات نيسان ماعليها كلام بس لو ينتبهون للهرقله وبعض العيوب البسيطه

كل الشكر اخوي على نقلك للموضوع

[ابوتركي666]

السلام عليكم

اولا أهنيكم بشهر رمضان اللهم أجعلنا من صوامه وقوامه
ثانيا ياشباب ابغى اعرف لكم الغف ممكن الي خارج البلد مايعرفونه وهو مكان تطعيس في غرب بريده وبالتحديد الخبوب غرب نفود السويلمية
اما عن تصحيح عزم الباترول الضعيف يعني عزمه في التطعيس ليس قوي واستعرض امامهم باترول ربع
اعذروني على العجله وعدم التفصيل الممل لاني مشغول هاليام عارفين قدوم رمضان الله يشرفه وترى الصدر مفتوح لكم

[آل علي]

أخي الكريم
أنيسان من أريح سيارات البر
بس العزم لك علية والهر قله في هيكل السيارة
وتقبل مروري

[أبو مسفر]

متى يجي الباترول شنطة ؟

اعد ان هالميزة لو يحطونها يبيحول معظم ملاك التويوتا على الباترول

[أبو مسفر]

متى يجي الباترول شنطة ؟

اعد ان هالميزة لو يحطونها يبيحول معظم ملاك التويوتا على الباترول

[ابونايف الروقي]

قل لهم يحطون الباترول شنطه خلفيه .. واستبنه علاقي .. وونش

[ساري 111]

إذا لك تواصل معهم
قلهم يشوفون حل للإديتر حق المكينه يكبر شوي لأن الحالي صغير
والشي الثاني يعزلون رديتر تبريد المكينه عن رديتر تبريد زيت القير لأني سمعت كثير منهن يخبط قيره من الحراراه او من دخول ماء الرديتر الى القير

[هـدد]

سلم لي عليهم وقل متى تكبرون

[سيف الظفير]

لو صار الباترول شنطة ماعاد هو من الجيوب


اللاندكروزر الشنطة ما يحسب من الجيوب ابداًً


الجيب الحقيقي اللي كفر علاقـــــــي فقط


والباترول يبي له ونش مثل الخليجي فقط

[البرًي]

اخوي ابوتركي خالي الله يغفرله كان عندة معرض سيارات ببريدة وكان يقول يجون ناس من الخارج ويصير معهم واحد معه حقيبة ورابط حبل برقبته (( يقصد الكرفتاء )) وكان يسألوننا عن المشاكل النواقص الي بالسيارات الجديدة يقول وكنا نعلمهمم وكان معه ادفيتر يكتبه الي نقول وحد يحكي عنه (( يقصد المترجم )) .غفر الله لك ياخالي العزيز ابشركم انه كان من اهل الخير ومشهودله

[صقر أمه 506]

ماعدلو شي ..
الى هالحين والمشاكل موجوده ..