الى الخبراء فقط ،، مشاكل وعيوب تفجير ( الزرزره ) على الموتر

[ولد العويني]

السلام عليكم




انا عندي اف جي 2008



وبصراحه الموتر عزمه يهيض وتقريبا ماعمري طلعت مشوار الا دعست عليه لييييييييييييييييييييين اشبع



هل فيها مشاكل على القير او المكينه او على مانع الانزلاق <=== ماشاء الله من قوته يشتغل المانع



تكفون ياخبراء ساعدوني

[GMC79]

تيوتا ماعليه بس ترا الصوف بتتاكل صوف المكينة والقير والقير بالذات

[ولد العويني]

هههههه


الله يريحك ان شاء الله


ضمانه 4 سنوات

بعد الاربع يحلها الحلال




اذا شفت اف جي مقلع اعرفه انه انا

ههههههههههه


سلام ومامقصرت

[GMC79]

هو ذاك الاسود؟؟؟؟؟؟؟؟؟

[سليمان911]

وعليكم السلام
ياهلا والله بولد العويني
انتبه وانا اخوك لا تفجر وتزرزر ومانع الانزلاق مشبوك

[ولد العويني]

^^^^ ليييييييه ؟


علمني عشان اعرف السبب

[ولد العويني]

اخوي Gmc 2009<=== الله يعطيك 2009


لالا مب اسود ههههههههههه

قصدك الابيض

[سليمان911]

^^^^ ليييييييه ؟


علمني عشان اعرف السبب
يعدم الموتر
وسمعت سمعت انه يفرط الكارونه :D

[ولد العويني]

يؤ يؤ


ههههههههههه


حرام عليك الكارونه مره وحده فال الله لا فالك ،،


يعطيك العافيه

[سليمان911]

يؤ يؤ


ههههههههههه


حرام عليك الكارونه مره وحده فال الله لا فالك ،،


يعطيك العافيه
وش جاك بسم الله عليك
زرزر خذ راحتك بس فك المانع
هذا قصدي :D

[ولد العويني]

اهاااا



زين زييييييين الله يعطيك العافيه

[B.A]

معي لومينا 2008 والله لو ابي اروح للبقاله ماعرف امشي الا ورجلي بالتانكي وشابك السياره على وضع السبورت على طول بالاول ياصل معي الrpm على 6000 وماشي الان معي 55 الف كيلو متر والحمدلله ماطبيت على الوكاله من يوم طلعته بالعربي الفصيح العن والدين الموتر مدام انه على الضمان ان كان فيه ريحة خراب خلها تطلع من هالحين ماهو اذا انتهى الضمان تروح تزر عليه وبعدها لو تبي تصلح فيه شي على حسابك

[ولد العويني]

الله يعافيك ويعطيك خيرها ويكفيك شرها

[ولد العويني]

للرفع


,,,,

[ناوي نيه]

الترفق وانا اخوك زين

[ولد العويني]

^^^

اكيد ياخوي


لكن احيانا اذا كرشت عليه يعورني قلبي اخاف يجيه شيء<=== ياقلبي حساس آآآآآآآه بس هههههههههه

[طارق الحربي]

وش رايك بواحد معه 2008 كابرس اس اس ويزر عليها دايم بعد 15 الف كيلو دخلها الوكاله بسبب تخبيط القير :)

انت كذا تلعب بالسياره

[ناصر الدهمشي]

السيارة ماهي اداة لعب
الغرض منها الحاجة
لاتعطلت سيارتك تتحسف
والسرعة ماهي زينه
منت ملحوق ...
وماقول الا الله يستر عليـــك
والسيارة تخرب سواء كانت جديدة ولا قديمة
ولكن الواحد قدر المستطاع يداريها علشان تخلص مشاوريه
وكانك عايف الجيب عطنياه :)

[سيف الظفير]

خل الجور عليه كل فترة ماهو كل يوم

[shaheenshah]

اي مجهود زايد على المكينة شي طبيعي وانه بيأثر عليها
الصوف عندك تخرب وبعد فترة الشنابر تضعف ويبدا يدخن ويمكن تنفرط عليك السبايك ويمكن ينكسر عندك عمود التيمن او الكرنك
و....الخ هذا في المكينة بس غير الاجزاء الثانية من السيارة

فنصيحه لوجه الله
لو جربت يوم واحد بس انك تدقها رجليه بدون سياره بتعرف نعمة الله عليك اللي عطاك هالسيارة فلا تحرم نفسك منها لمجرد المتعه

[ولد العويني]

جزاكم الله خير


وان شاء الله مانب كارشه خلاص

حبه حبه



يعطيكم العافيه

[GMC79]

شوف يا الحبيب خل المزح الان على جنب خذ الجد

الان عندك في طبلون السيارة عداد ضغط من واحد الى سبعة تقريبا او ثمنية او سته

هذا وش معناه؟

معناه ياطويل العمر ان فيه في المكينة صحن اسمه الحذاف يقع في مؤخرة المكين من جهة القير يدور مع تشغيل المكينة وهو نتيجة جهد المحرك

هذا الحذاف يدور بسرعة كبيرة جدا تزيد السرعة مع دعسة البنزين

كم سرعة الحذاف

وكيف تعرف سرعته؟

تعرفها عن طريف عداد الضغط

اذا كان عداد الضغط عند واحد معناه ان الحذاف يدور الف مرة في الدقيقة

واذا كان عند سته معناه ان الحذاف يدور بسرعة ستة الاف دورة في الدقيقة وهكذا

معناته عمر المكينة وجهدها يتضاعف مع الضغط عليها بغض النظر عن المسافة المقطوعة

وهذا من شانة تقصير عمر المحرك وعلى هذا فقس القير والدفرنس

ان شاء الله اكون اضفت لك شي مفيد

[ولد العويني]

^^^^


الله يعطيك الف الف عافيه على المعلومات القيمه ،،

[بواسامه]

ماكان الرفق في شيء الا زانه
هذا حلالك فارفق عليه
الله يحفظك من الشر

[ابو شهد جدة]

والله انا من رأيي اجلد السيارة جلد بس في السنة الاولى:cool: عشان لو في خلل يبان من بدري:j . مو لمن يخلص الضمان.:(

بعدين نصيحة لك ولكل شباب المنتدى انتبه لاتمشي بالسيارة الين تسخن. واحذر الدعس بالسيارة وهي باردة.:no2: :no2: :no2:

واكبر غلط انك تشغل السيارة و على طول تدعس بنزين اعط الزيت وقت يدور في المحرك.:good: