اللي له خبره في جيب الباجيرو (متسوبيشي ) يدخل ويشارك xx [الأرشيف]

مشاهدة النسخة كاملة : اللي له خبره في جيب الباجيرو (متسوبيشي ) يدخل ويشارك xx

بن عيد1

30/08/2008, 01:22 AM

السلام عليكم ورحمة الله ...
يالربع ودي استفسر عن جيب الباجيروا ... السياحي الابيض طبعا..
خاصة الموديلات من 2000 وطالع وش رايكم فيهن ؟
وهل فيه مشاكل ؟
وهل عزمه طيب ؟
وقطع غياره وش علمها نار والا مثل باقي الجيوب ؟ وهل هي متوفره ؟
وش اطيب الموديلات ؟
وأشوف كل القطاعات العسكريه يستخدمونها ؟؟ هل هي كد ومد ؟
وش المميزات والعيوب؟
وكم أسعار النضيف منهن مع ذكر الموديل ؟
وكل عام وأنتم بخير ...

PAJERO

30/08/2008, 03:03 AM

كد ومد واسعارة مثل غيرة واذا دريهماتك واجد فالتايوتا والنيسان ازين

المميـز

30/08/2008, 05:11 AM

وهل فيه مشاكل ؟
من ناحية المشاكل مافي مشاكل
وهل عزمه طيب ؟
عزمه حليل ولكن عزم الـ 2003 وطالع احسن لأن المكينه تغيرت الى الافضل
واانا مجرب واحد موديل 2005 عزمه ممتاااااز جدا
وقطع غياره وش علمها نار والا مثل باقي الجيوب ؟ وهل هي متوفره ؟
القطع تقدر تقول غاليه شوي بس من مميزات قطع الميتسوبيشي عااامةَ انك تغير القطعه اليوم وكن متأكد انك ماراح تغيرها الا بعد خمس سنوات بالقليل
لانها قطع يابانيه 100% ومتوفره
وش اطيب الموديلات ؟
مثل ماقلت لك من 2003 وفوووووق
وأشوف كل القطاعات العسكريه يستخدمونها ؟؟ هل هي كد ومد ؟
كد ومد وعلى كيفك
وش المميزات والعيوب؟
المميزات لاتعد ولا تحصى ومن وجهة نظري مافيه عيوب
وكم أسعار النضيف منهن مع ذكر الموديل ؟
موديل 2003 من 30 الف وانت طالع وعلى حسب النظافه
قبل فتره لقيت واحد موديله 2006 ماشي 20 الف حاده راعيه بـ 55 الف
وكل عام وأنتم بخير ...
وانت بخير وصحه وسلامه

بن عيد1

30/08/2008, 01:29 PM

مشكور يالمميز وبيض الله وجهك ...
وأنا لا سؤالي عن الباجيرو الابيض السياحي طبعا ...
لا هنت يالميز ولاهنت ياباجيرو ...
وننتظر اراء المكشاتيه ..

ولد العويني

30/08/2008, 03:03 PM

والله انا جربت الباجيرو 2005 مكينه 3000 سي سي

السياره حلوه وراسيه

لكن العزم صفر

فااااااااااااااشل يالله يتحرك والله على ما اقول شهيد

اتذكر مره ونيت متسوبيشتيl200 تقاومت انا وياه والله ما اشوفه من ضعف مكينه الباجيرو

وغير كذا قطعه نااااااااااااااااااااااااااااااااااااااااااااااااا ار

لي رجعه

بن عيد1

31/08/2008, 01:22 AM

بيض الله وجيهكم .... ماقصرتوا ...

بواسامه

31/08/2008, 11:29 AM

اعرف مكنيكي في قطاع الامن يقول انه دايم يطلب ديسق وكلتش
اما التويوتا والنيسان فهو افضل

المميـز

31/08/2008, 11:44 AM

ابو شهد جدة

31/08/2008, 12:21 PM

كيفكم شباب.

انا من عشاق الباجيرو وانصحك اتوكل على الله ولا تتراجع خصوصا ان كنت راعي بر وتطعيس.

حاليا انا عندي باجيرو 2005 3000cc بصراحة ممتاز بس مشكلته العزم.

صدفة كان واحد معاه باجيرو وسألته عن العزم وضعفه وأعطاني الحل وبالفعل تحسن شوي وكان غفي ريحة تطلع من الشكمان بعد قطع مشاوير طويلة بالسيارة.

والحمد لله اختفت تماماً.

الطريقة هي ان تلغي دبة الرصاص الموجودة تحت مقعد السائق وتركب ماسورة بدالها.

وبإذن الله تحس بالفرق.

أبو فهد العيد

31/08/2008, 12:26 PM

انا معي باجيروا ,,,ربع ,,سياحي ,,,2002
والسياره على كيف كيفك,,لا من ناحية عزم ولا من ناحية تحمل,,
وانت ادرى مقناص اهل الطيور وش يسوي بالسياره’’
والله العظيم اذا حال بيننا وبين الطير عقم ولا نقا,,مايهده الا الباجيرو,وانا من الناس اللي اذا شفت الصيد انهبل!!!,الله من عقم ظربته والله من جرف اكلته والله من قلبة قلبتها عليه,, على فكره تراي منقلب عليه ثلاث مرات,, ونفس الموتر ولا طلب شي غير السمكره,,,,

ناصر الدهمشي

31/08/2008, 12:33 PM

انا ماجربت الا موديل 99 الدرجة الاولى
كديته خمس سنوات ولا تأذيت منه صراحه
وماغيرت الا الاشياء الاستهلاكية
فحمات بواجي ... الخ
لكن عيبه ثقيل شوي ويصرف بانزين يعني فل التانكي
يمشيك 500 كيلو ممشاك 140
ويقولون الجديد ماتغير بالنسبه للعزم
ولكنه يكد معك كد ولا يهرقل
وعيوبه صراحه اللي لاحظتها البانزين يصرف شوي
وان مسكت بريك ينزل من قدام تقول يبي يحفر الارض او يقلب على خشته
ولو تحول للنيسان افضل لك :)
وكانه عاجبك خذه وانت مرتاح

زعفران1

31/08/2008, 12:35 PM

ماشاء الله الرحمن

ولد العويني

31/08/2008, 01:03 PM

ايه ياخوي انا قصدي ابو اربع ابواب

تكفى تكفى

اذا قصدك ابو اربع ابواب

تكفى لاتاخذه

والله تندم قد شعر راسك،،

وانت بالخيار

القبقب

31/08/2008, 01:42 PM

ايه ياخوي انا قصدي ابو اربع ابواب

تكفى تكفى

اذا قصدك ابو اربع ابواب

تكفى لاتاخذه

والله تندم قد شعر راسك،،

وانت بالخيار

لاتقرب من 3000 سيسي أربع أبواب (أسال مجرب ولاتسال طبيب) ..

ايه نعم راح تندم وأنا أخوك ندم شديد لدرجة راح تقطع شعر راسك :D

ابو شهد جدة

31/08/2008, 03:12 PM

لاتقرب من 3000 سيسي أربع أبواب (أسال مجرب ولاتسال طبيب) ..

ايه نعم راح تندم وأنا أخوك ندم شديد لدرجة راح تقطع شعر راسك :D

حرام عليكم وش فيه 3000 سي سي الاربعة ابواب؟؟؟؟؟:confused:

القبقب

31/08/2008, 03:18 PM

موتر ماعليه كلام بس العزم مكانك سر (تعبان).

ملاحظة الموتر موديل 2008 ولم أجرب الموديل القديم

ابو شهد جدة

31/08/2008, 03:25 PM

والله مافيه شي صح انه عزمه شوي مش ولا بد بس مايعيبه

زور الرابط: هذي الباجيرو حقي.. طبعا الموقع ( اليوتوب )

http://www.×××××××.com/watch?v=qEg1Obiaroo

وهذي بالريوس:

http://www.×××××××.com/watch?v=RNDVYUDhbrE

نيساني

01/09/2008, 05:02 AM

وعليكم السلام ورحمة الله وبركاته
اخوي الباجيرو سيارة عملية و سعرها جدا معقول وعليها عروض حلوة هذا عندنا بالكويت طبعا ما تتقارن مع النيسان والتيوتا لكن بالنسبة لسعرها جدا مناسب
وبالنسبه للعزم هي تجي مكينتين وحدة 300 سي سي وعزمها جدا تعبان والثانية 3800 وعزمها معقول وليس ممتاز
والسيارة ترى كد عمي عنده باجيرو موديل 2001 ماشي 400 الف كيلو عند سواق ومو محافظ عليها
ومن عيوبها الحنه الزايدة والمميزات كثيرة اهمها السعر المعقول
وسامحني على الاطالة واتمنى اني قدرت افيدك