نداء الى خشيمان وغنضفر وجميع الاعضاء

[RUMAIHA]

السلام عليكم ورحمة الله وبركاته
صبحكم الله بالخير / مسائكم الله بالخير
ابي مشوره وش افضل لكفرات والجنوط على ربع باترول 2007م خاصا للخط والنفوذ والشعبان
افضل طريقة ترفيع السيارة من الخلف والامام يكون يايات او مساعدات هل تويدني على تغيير ام شد البلد افضل
هل يوجد تعديلات ضرورية على السيارة
الصراحة مليت من الشكل ودي ابي اجدد شيئ جديد ، تقبلوا فائق تحياتي واحترامي

[مربط القعاسي]

لا يوجد كفر بالمواصفات هذي ولا كن انت انظر للكثريه انت في الاستخدام


1 - عندك الكوري والهنكك والدنلب كلها تجي سلك يعني موب سيم وافضليه الاستخدام للنفود الرمل والخط بعد بس في الخط تبي زياده هواء
2- عندك اليوكوهاما والبرجستون وميشلان هذي اخلبها تجي سيم للخط افظل شي وللتحميل بعد بس في النفود يبيلك تنسم الكفر الى 2 او خمسه
هذا بالنسه للكفرات اما الجنوط ماعندي خلفيه والترفيع كذالك

[خشيمان]

يالله حيه
والله اني خفت يوم شفت النداء قلت وش السالفة:confused::confused:

عاد يوم قريت الموضوع .. :o

سم يا بعدهم هذي خلاصة تجربة سنه مع البواترل (جمع باترول)
الجواب على سؤالك الأول :
هذا الأمر راجع لك
اذا كنت ممن يحبون النصب (تجميل الموتر) لا تفهمونه غلط
فعليك بجنوط الوكالة مقاس 17 ولكنها لن تكون بالشكل المطلوب في النفود والشعبان
أما اذا كان ما يفرق معك فعليك بجنوط الوكالة مقاس 16
وبالنسبة للكفرات أفضل ما جربت هو الهانكوك كفر صح
خط - بر - بحر - شعيب - جبل
ما يقول لا
ومن واقع تجربة 3 انواع جنوط وكفرات:
17 كفرات مشلن
16 هانكوك
16 جنوط باجيرو كفرات بالون

كان أفضلهم 16 هانكوك (حقت سوبر سفاري)

هذا بالنسبة للجنوط

أما بالنسبة للرفع
فأنصحك أن تسأل غيري
أنا عن نفسي رفعت الموتر لغرضين
1- شكل
2- ما ينشب بالسيوف

وكان ترفيعي عبارة عن كعكات 5 سم
ثم صار صوت العمود ازعاج
فقمت بتنزيل القير
صار يطلع عندي صوت بالكرونه قدام
فإني أرى أن تسأل غيري عن الرفع

هذا ما عندي وإن بغيت اي شيئ لا يردك الا لسانك

أخوك
خشيمان

[جال الربيعية]

على طلب الفزعة قلت الله يستر لا يصير متعلق له بجرف

اثاري الدعوى كفرات

عليك باليوكوهاما وانا اخوك

[ابو شهد جدة]

يكوهاما لوسط البلد وللسفر في حدود سرعة 120

برجيستون للبر والشوارع والخطوط الطويلة.

بس في كل الاحوال انتبه لا ينقص الهواء في الاطارات.

وبالنسبة لصوت العمود في ناس متخصصة تقوم بأمالة الدفرنس الخلفي الى الامام عشان ينوزن العمود وماتخرب الصلبان - انا مجرب هذي الطريقة في بليزر موديل 88

[أبو فهد11]

أخوي الغالي

أنا مجرب برجستون بصرراحه يابسه لكن في البر والشعبان والخطوط ما يحتاااااااج

وأنا الآن مركب هنكوك لينه مره حتى وأنا خوك من الليونه اللي فيها زحفت بي كم مره

في الشارع على سرعة 100 كـ

وحتى في البر تزحف بسرعه لكن البرجستون إلى سرعة 120 في البر ما تزحف بسرعه فيها ثبات لكن العيب

زي ما قلت أنها يابسه وحط فيها 15 إذا جيت تدخل النفود طبعاً جنط 17


وأي خدمه آمر وحنا نطامر