ارتفاع البانزين ((ايجابياته&سلبياته))

[ابونقاء]

السلام عليكم ورحمة الله وبركاته


اخواني سمعت ان بشهر واحد من السنه الجديده بيرتفع البانزين


ويصير نوع واحد يعني ماراح يصير 91 و95..


برايكم هل هذا راح ياثر على اسعار السيارات..


والى راح يبقى الغلا مستمر حتى بعد الارتفاع..:(


تحياتي

[بدوي جنوبي]

عليكم السلام ورحمة الله وبركاته

اللي سمعته ان البنزين بيصير مثل اول نوع واحد وهو 95
ويلغون بنزين 91

والسعر يبقي علي التسعيره الاوله وهي 60 هلله للتر

[نيار]

لاحول ولا قوة إلا بالله إن كان هذا الخبر صحيح!!!!!

[ابونقاء]

وعليكم السلام ورحمة الله وبركاته..

هلا بك اخوي بدوي جنوبي..

انا هذا اللي سمعته .. بس الكلام هل التغير هذا بيأثر على

اسعار السيارات يعني بتنخفض..

لان مثل ماحنا خابرين اول ايام ماكان البانزين مرتفع

كانت اسعار السيارات معقوله..على قد صرفية السياره للبانزين..

بس الكلام الحين بعد الارتفاع هل بيتغير شئ او بتيقى الامور

على ماهي... ونواجه الغلا من الجهتييين..

تحياتي

[بدوي جنوبي]

شي طبيعي بيأثر علي قيمة السيارات وخاصة ال 8 سلندر

[سيف الظفير]

الله يرحم الحال



بدل ما يوسعون علي المسلمين بيضيقون عليناااااااا

[shaheenshah]

اتمنى ان الكلام هذا مهوب صحيح
السنة اللي راحت طلعت نفس الاشاعات ان البنزين بيرتفع

[ابونقاء]

اشكر جميع الاخوان على مرورهم العطر...

بس والله بيني وبينكم هذا اللي سمعته من الناس..

وحبيت اطرحه هنا بمكشات يمكن نلقاء احد عنده علم اكثر..

ونتمنى انه هالخبر ماهو صحيح..

تحياتي..

[غضنفر]

اظن القرار الي صدر
بتخفيض اسعار البنزين
مدته سنة واحدة
سالفة الغاء البنزين 91 مستبعد جدا
لأن اصحاب المحطات خسروا الكثير بانشاء خزانات اضافية وغيرها
لكن المتوقع ان تستمر الاسعار على ما هي عليه الآن.

[سيف الظفير]

اتوقع ان هذا الشئ صعب جداً


لأن القرار ملكي ومن الملك عبدالله ومستحيــــــــل ان الملك يرجع بقراراته!!!

[باوزير]

اعتقد اذا الحكومة خلت البنزين 95 فقط ستخسر كثيراً لأنه البنزين 91 تكلفة انتاجه اقل من انتاج البنزين 95

[المميـز]

اتوقع ان هذا الشئ صعب جداً


لأن القرار ملكي ومن الملك عبدالله ومستحيــــــــل ان الملك يرجع بقراراته!!!









انا مع كلام اخوي غضنفر واخوي سيف الظفي

فعلا المحطات خسرت على تضبيط الخزانات وطرمبات البنزين

وثاني شي هذي مكرمة من الملك عبدالله الله يحفظه لنا

ومن المستحيل يغيرون قرار من قراراته او يسحبون مكرمه اهداها الى شعبه

[alsarem]

انا اظن ظن الجزم انه اشاععة مثل ماتفضلوالأخوان :no:

[وبل نجد]

ما أقول الا الله يستر يعني الواحد وش يسوي ؟؟؟

الحديد .. نار
الرز ..نار
المواد الغذائيه ..نار
أسهم شفطت فلوس الناس
وسيارات غاليه
وإيجارات في ارتفاع

لكن ((( إلى الله المشتكى )))

أخوكـ:وبل نجد

[بـدر]

خلوه يرتفع ويوصل اللتر الى 3 ريال بس ترجع الاسعار كما هي

العقار والمواد الاستهلاكية و.....

ولكن الله يستر من القادم

[مخاوي الكشات]

يا ابن الحلال خلها على ربك دخل المواطن لا يتناسب مع مستوى المعيشة المفترض أن المواطن السعودي يكون أترف مواطن في العالم نعلبوا بليس العالم كله محتاج لنا عشان النفط شفط كم وصل سعر برميل النفط وصل دبل الدبل وحال المواطن من ردي لأردى >> الله يعدل الحال ..

[ابونقاء]

خلوه يرتفع ويوصل اللتر الى 3 ريال بس ترجع الاسعار كما هي

العقار والمواد الاستهلاكية و.....

ولكن الله يستر من القادم
^^
^^
انا رائيي من راي اخوي بدر..خله يرتفع بس الاسعار ترجع

مثل اول ماهي مشكله اعاني من ارتفاع البانزين..بس الاشياء الثانيه

تكون رخيصه مثل اول..

تحياتي

[abu rami]

مساكم الله بالخير جميعا ومبروك عليكم الشهر
ودى اقول شى بها الموضوع وهو ان البنزين رخيص مقارنه بأى دوله بالعالم انا عايش بكوريا الجنوبيه لى اكثر من سنه وعندى جييب ديزل والله العضيم اعبيه فل بحدود خمسمية ريال
احمدو الله على النعمه وسلامتكم

[صبي غلباء]

مسيكم بالخير
هم بيرفعون البنزين عشان محد يطلع كثير وتصير زحمه بالمدن الكبيره هذا يمكن حل طارحه احد المفكرين هههههههههههههههههههههههه

[ابوالعز4800]

ماتوقع لان بنزين 91 ماشي سوقه وتكلفته اقل عليهم ولو تحسبها تلقاهم هم الربحانين من كون ان عندهم نوعين من الوقود وبعدين صعبه يشيلونه وهم متكلفين في الاعلانات التوعوية للناس ولو تلاحظ اغلب الدول عندهم نوعين وثلاثه .
وهذا ما لدي تقبل مروري اخوك ابو العز...

[ألتيما]

يبقى مرتفع وزياده سوف ترتفع السيارات
وشكرا

[المميـز]

خلوه يرتفع ويوصل اللتر الى 3 ريال بس ترجع الاسعار كما هي

العقار والمواد الاستهلاكية و.....

ولكن الله يستر من القادم
^^
^^
انا رائيي من راي اخوي بدر..خله يرتفع بس الاسعار ترجع

مثل اول ماهي مشكله اعاني من ارتفاع البانزين..بس الاشياء الثانيه

تكون رخيصه مثل اول..

تحياتي


اما يوصـــــل 3 ريااااااااااااااااال وووووووووين حنا عايشين وش هالاقتراح اللي عليكم

شكل مواتركم كورلا والا تيرسل 20 لتر فل :D

ترا فيه ناس معهم جموس وجيوب على تانكيين

ودخلهم على قد حالهم ماصدقوا يرخص البانزين

[dr_chart]

اذا ارتفع لايوجد اي ايجابيه وفل سلبيات

[اسير الغضا]

يمكن يكلف عليهم وش وراكم ياشنبات

[محب الغيم]

أظنها إشاعة

لأنه لو صار معنى هذا

خلاص

راحت على هالشعب .

وفي الأخير

نسأل الله أن يدفع عنا وعن المسلمين الغلا والوباء .

[روافد]

يا جماعه كلها اشاعات

[EFI.4500]

ياجماعة الخير اشكر النعم تزود الحمد لله والشكر
ترا دولتنا ارخص بنزين بالعالم بالعاااااااااااااااااااااالم
وهل تعلمون ان فيه ناس من سكان الأردن يدخلون حدود السعوديه عشان يعبون ارخص لهم عندهم غاااالي مره
اسئلو سكان الشمال عنهم ومأساتهم
ومن يأيدن ياجماعة الخير!!؟

[البرحه]

الخبر غير صحيح.......



ترا دولتنا ارخص بنزين بالعالم بالعاااااااااااااااااااااالم


اذا ما صارت ارخص دوله .. من يصير ارخص دوله .؟؟؟

اكبر انتاج نفط في العالم واكبر احتياطي عالمي والسياره هي وسيله التنقل الوحيده !!! لاباصات منظمه ولا قطارات

[سطام vip]

مع كل الاحترام لكم

يا اخوان لا تصدقون شي ما له مصدر

والناس فاضيه والاشاعات بالهبل

وهذي قرارات ملكيه ماهي لعبه كل واحد يغيرها على مزاجه

وبعدين لو التخفيض لمدة سنه ما كان فيه ولا محطه غيرت توانكها ومكاينها

والكلام ببلاش واقولها لكم اشاعة وخرابيط

دمتم بكل خير

[مغلي]

اتوقع ان هذا الشئ صعب جداً




لأن القرار ملكي ومن الملك عبدالله ومستحيــــــــل ان الملك يرجع بقراراته!!!







:good2: :good2: :good2: :good2: :good2:

[AMAZ]

اتمنى انه يزودون على غير السعوديين معامله بالمثل . لان الاجنبي معاه سياره خاصة وينافس فيها السعودي واكبر مثل على ذلك الافغاني (اصحاب الدينات) والباكستانيين (ويتات الماء ) والهنود (ميكرو باص توزيع بضايع ) .... الخ ........ والسعودي ماهو لاقي شي لانه هولاء عنده اسعداد ينام بالعمل ماعنده اي اشغال و ارتباطات .

[مخاوي الكشات]

ياجماعة الخير اشكر النعم تزود الحمد لله والشكر
ترا دولتنا ارخص بنزين بالعالم بالعاااااااااااااااااااااالم
وهل تعلمون ان فيه ناس من سكان الأردن يدخلون حدود السعوديه عشان يعبون ارخص لهم عندهم غاااالي مره
اسئلو سكان الشمال عنهم ومأساتهم
ومن يأيدن ياجماعة الخير!!؟

كلامك صحيح بس من قال أن السعودية أرخص دولة .. السعودية ثالث أرخص دولة بعد نيجريا وفنزويلا ..

[مخاوي الكشات]

الخبر غير صحيح.......



اذا ما صارت ارخص دوله .. من يصير ارخص دوله .؟؟؟

اكبر انتاج نفط في العالم واكبر احتياطي عالمي والسياره هي وسيله التنقل الوحيده !!! لاباصات منظمه ولا قطارات
والله حرام أن أسمك البرحة .. أنت المفكر الممتاز من جد إذا ماصرنا أرخص دولة من يصير .. ولفت إلى نقطة مهمة محد قد ذكرها أنه أننا دولة نعاني الامرين في قطاع النقل البري الذي يرتكز على نوع واحد من النقل ألا وهو عن طريق السيارات .. >> ولا أحد يتكلم ويقول قطارات أي قطارات أبلشونا بقطار بين الرياض والدمام قطار واحد .. ويحوم الكبد .. في ماليزيا وهي ماليزيا القطارات موجودة للتنقل في المطار إذا بغيت تروح من المطار الدولي للمحلي او العكس ..