سيارتي خربانة

[ابو سلطان ؟؟؟؟؟@]

السلام عليكم عندي مشكلة في الباث 2003 كنت في القصيم من الاربعا ء بدات من الاربعا ء المشكلة وانا في الطريق عبيت بانزين ثم وقفت اصلي وطفيت الموتر وبعد الصلاة شغلت الموتر اشتغل لكن ما يدعس بانزين ادعس الى الاخر مايدعس ولمبة المكينة والعة ثم طفيتة ودعست وهوطافي ثم اشتغل بدون اي مشاكل مسيتة الى 160 مافية مشكلة وعى هالحالة تتكرر ثم شغلتة الجمعة ياله اشتغل ثم مسيتة الى الرياض و على الطريق مافي مشكلة يعني المشكلة اذا طفيتة وجيت شغلتة ترجع المشكلة ودي اعرف هل الطرمبة تسوي كذا ساعدووووووووني يا جماعة:no:

[أبو عقل 1403]

السلام عليكم اخوي ابو سلطان.....
هذي المشكلة صارت لخالي معه باترول 2003 زي مشكلتك يشغل مايدعس ومن ورشة لورشة هذا يقوله غير البواجي نظف الصفاية نظف الفلتر نظف الحساس اللي بالفلتر حق الهواء واخيرا راح للوكالة وقالوله عندك الحساس يبيله تغيير والله ويغيره والحمد لله زان الموتر وبالتوفيق اخوي,,,,,,,,,,,,,,,,,,,

[الثويرات]

http://www.mekshat.com/pix/upload/images39/mk55341_zaz.gif


المشكله عندك من الهات لانها كهرب ماهي واير

هذا طبعا في نظري...... والشباب رايح يفيدونك

[اول الوسم]

السلام عليكم
والله شوف وانا اخووك .... هذي صارت مع واحد من الربع بس السياره سفاري فتك 2005 نفس ماقلت بالضبط .. وانا يوم شفته قلت اكيد طرمبه البنزين... لكن الرجال راح للوكاله قالووو هذا كمبيوتر يعني يقصدون الحساسات ولكن طلع معاها شي خربان بعد الوكاده انه صلحه ب 500 دينار يعني تقريبا 6000 آآلاف ريال والله هذا اللي حصل بالضبط ... لكن نقول ان شالله انها طرمبه البنزين بس نصيحه الموتر ماشاء الله نظيف وزين لاترووح الا للوكاله منت خسران شي خلهم يفحصونها بالكمبيوتر .. لاتخلي هالمحلات يلعبون فيها ناس ماتفهم
تقبل تحياتي اخوك اول الــوســــــم

[سوبر VTC]

http://www.mekshat.com/pix/upload/images39/mk55341_zaz.gif


المشكله عندك من الهات لانها كهرب ماهي واير
هذا طبعا في نظري...... والشباب رايح يفيدونك

انا اميل لكلام راعي الثويرات
لان البنص عندك الكتروني يقيس و يتحسس دعسة الرجل
توجد حساسات عند لهات الثلاجة
تأكد منها
تحياتي

[غالي]

100% سيارتك توماتيك

لاتقول لا


هذا ان ماخاب ضني اخوي حساس القير والمنضم

افحص عليه وشف

تحصل معي كانت اول بالشيروكي

وقت الصيف بس

الشتاء ماكانت تجي معي

الظاهر من الحراره

وكنت مرات اطفي السياره واشغله وهو في وضع N ويضبط معي لكن يرجع بعد فتره
والله اعلم

[ابو سلطان ؟؟؟؟؟@]

يا اخوان توي جاي من الصناعية فحصته كمبيوتر قالي الفلبيني انة حساس البنزيم او الكمبيوتر او الضفيرة المشكلة شغل يدة 600 ريال اشيرو علي علما ان السيارة قير عيايدي وش الشور :no:

[الساهر2003]

اخوي
لا تتعب نفسك من حساس الهواء اللى في في القربة
وتصفح المنتدى وتلاقي مواضيع عن الباث ومشاكله ومن ضمنها هذي المشكلة
مع اطيب تحية

[أبو فهد11]

نصيحتي لك رح للوكاله وخلهم يفحصونه بس

وإذا عرفت المشكله صلحه في أي ورشه تعرفها

[جول قميري]

هلا اخوي ابو سلطان انا صار عندي نفس المشكلة بس العكس وانا امشي ما يقبل بنزين واللمبه مولعه واذا طفيت وشغلت زاان ..

وغيرت فلتر الهواء والحمد لله ضبط لان اللي كان فيه الاول موب اصلي حسبي الله على اليماني..ولله الحمد الحين تقريبا شهرين ونص ما جت المشكلة ..

لا تضيق صدرك باذن الله تتسهل

[سوبر VTC]

اخوي ابو سلطان
انا سالت كهربائي سعودي و قال المشكلة عندك من حساس البنص و مكانه عند دعسة البنزين او من الحساس اللي عند لهاة الثلاجة عند الخرطوش اللي راكب بالثلاجة
اذا بغيت رقمه ارسله لك على الخاص
*****
هذا رابط خاص بجميع مشاكل الباثفندر


http://www.mekshat.com/vb/showthread.php?t=77211


تحياتي لك

[م.أبوإبراهيم]

هذا المشكلة دايم تحصل خاصة بالباث فيندر 2003 وهي اللهاة الله يعينك تراه غالية فوق 2000 ريال وتركيبه سهل جدا ومرت علي اكثر من مرة طبعا 2004 و2005 نادر ما تحصل هذي المشكلة لان كمبيوتر 2003 يختلف ان اربعة وخمسة والاربعة والخمسة نفس بعض ونفس الظفيرة بعد على العموم انا عندي ورشة واكثر ما اشتغل بالباث فايندرات وعندي فحص كمبيوتر كانك تبيني افيدك هذا رقمي 0554889337

[خشيمان]

اتوقع ان المشكلة كما افادوا الشباب من اللهات (هذا اذا كانت الدعسه الكترونية)
لاني قد شفت واحد معه فتك ونفس مشكلتك ويقول انه من حساس الدعسه اللي عند اللهات (والله ما اعرف اسمه بالضبط)

[ابو سلطان ؟؟؟؟؟@]

اخوي سوبرvtc ليتك ترسل رقم المهندس على الخاص

[سوبر VTC]

اخوي سوبرvtc ليتك ترسل رقم المهندس على الخاص
لك رسالة على الخاص
بشر عسى الامور طيبة
باذن الله:)

[أبو أسامة]

السلام عليكم ورحمة الله وبركاته

أخي الكريم : إذا شغلت الموتر ودعست ولكن كأنك ما تدعس وبعض الأحيان تشغله ويكون طبيعي فهي أكيد من الدعسة الكهربائية لأنها خربت علي في الباث موديل 2003 وهو عيب مصنعي في هذا الموديل وسبب خرابه فلتر الهواء قديم أو غير أصلي فيدخل بعض الغبار للدعسة مما يؤدي لخرابها ....... ونصيحة لك ركب مثلي الدعسة الكهربائية حقت موديل 2005 لأنها أفضل جودة منها وما فيها مشاكل وأنتبه ثاني مره لفلتر الهواء ..... قيمة الدعسة الكهربائية ب2800 ريال قبل الخصم .... يعني بعد الخصم تقريباً 2100 ريال من عند الوكيل لكن لو تأخذ من الموزعين راح تكون أقل وللمعلومية أن رقم القطعة لموديل 2005 يختلف عنه في موديل 2003 يعني تختلف لا يقولك أحد أنها ما تختلف ...... المشكلة حدثت لي قبل سنتين تقريباً والموتر ماشاء الله ما فيه إلا العافية ........

[ابو سلطان ؟؟؟؟؟@]

الاخ سوبر vtc جزاك الله خير وزوجك من الحور العين كلمت الرجال وقال انة مية بالمية من حساس الدعسة لكن مادري كم سعرة والسيارة اليوم سالكة معي ماسوت الحركة

[لمع السحاب]

ابو سلطان ولا هوب لطم لوارد الشباب
صارت معي نفس المشكلة و تفك البطارية ويرجع كل شي تسوي يعني ريستارت للسيارة بس المشكله اكيد
500% من حساس البخاخ توديه للوكاله افضل والله يعينك عليه لاني صلحته عند الوكاله بقيمة 1800 /ريال تقريبا من 4 سنوات وما شفت خلاف بعده من هالمشكله

تقبل تحياتي

[ابو سلطان ؟؟؟؟؟@]

جزاك الله خير اخي لمع السحاب عسى الله يجيب السحاب والمطر والشهر مبارك السيارة من امس وهي سالكة ما سوت اي مشكلة بدون ما افصل اصابع البطارية او شي

[لمع السحاب]

معليش اخوي ابو سلطان لالالالالالالالا تتركها لانها جلست معي اكثر من سبوع ثم قالت هذا مكاني في موقف محررررج في البر
لا تتركها لانها تنبيه المرات الأولة

[ابوعبدالله678]

اخوي صارت نفس المشكله باثفايندر 2003 رحت الوكاله قالوا حساس البنزين
والشكوى على الله غيرته عند الوكاله (( قيمته بعد التخفيض 3800 ))
الله يعينك

[ابو سلطان ؟؟؟؟؟@]

جزاكم الله خير جميع الاخوان ماقصرتو تراي احترت السيارة ابشركم لها من السبت ما خالفت معي هل لا زم ازينا ولا ازلبها وثانكيو للكل

[لمع السحاب]

ياخي فكر في الموقف اللي بتتعطل عليك فيه السيارة والله ان تندم ما اقول تخويف ولكن السيارة سوت كذا معك معناها انه تنبيه لك ترى بخرب يلله الحق عمرك لا تزلبني
والألامر الاول والاخير لك

[سوبر VTC]

ياخي فكر في الموقف اللي بتتعطل عليك فيه السيارة والله ان تندم ما اقول تخويف ولكن السيارة سوت كذا معك معناها انه تنبيه لك ترى بخرب يلله الحق عمرك لا تزلبني


والألامر الاول والاخير لك



*****


كلامك سليم و على متمه:good:

[مزون الوسم]

نفس المشكله صارت معي بالباثفندر 2003 ، غيرت حساس الدعسه ، سعره بالشركه 3600 تقريبا ، ركبت

حساس موديل 2005 من السكراب على 1000 ريال ،،، تحياتي

[NavMan]

هذا المشكلة دايم تحصل خاصة بالباث فيندر 2003 وهي اللهاة الله يعينك تراه غالية فوق 2000 ريال وتركيبه سهل جدا ومرت علي اكثر من مرة طبعا 2004 و2005 نادر ما تحصل هذي المشكلة لان كمبيوتر 2003 يختلف ان اربعة وخمسة والاربعة والخمسة نفس بعض ونفس الظفيرة بعد على العموم انا عندي ورشة واكثر ما اشتغل بالباث فايندرات وعندي فحص كمبيوتر كانك تبيني افيدك هذا رقمي 0554889337
م . أبو ابراهيم بارك الله فيك يا ليتك توضح لنا بالصورة مع الشرح مكان القطعة ( اللهاة ) وهل بالامكان تصليحها أو تركيب قطعة أخرى من السكراب لاهنت أثابك الله وجزاك عنا خير الجزاء .

[الساهر2003]

السلام عليكم
حياك الله اخوي
الموضوع قديم جدا من سنة
وممكن تتصل على الرجال ويفيدك بالجوال
والرجال شقردي صلحت عنده مسامير الثلاجة وجزه الله خير
ما قصر