تايوتا وسؤ المعاملة والوعود الكاذبة !!!

[J N T L]

بسم الله الرحمن الرحيم


اود ان اوضح لكم الذي حصل معي شخصياً ومع شركة تايوتا ولكم الحكم في النهاية .



والذي حصل معي هو اني احتجت ان اركب للسيارة مرآه جانبيه لباب السائق لانها مكسورة فاتجهت ابحث عنها في محلات الزينه وقطع الغيار ووو وبالاخير

اتجهت لشركة تايوتا بحثاً عنها وقالو لي بالحرف الواحد لايوجد لدينا الان !!! بامكانك تامين قيمتها بـ 662 ريال لدى الصندوق ونطلبها لك من جدة والتسليم بعد ثلاثة ايام


فوافقت بلا تردد وقمت بدفع القيمة لكن الثلاثة ايام اصبحت اسبوع المهم عندما اتيت لهم لاستلم طلبي تفاجئت بان موظف قطاع الغيار يقول لي لم نجد طلبك قام

زبون اخر بشراء القطعه قبلك ولم نجد لك طلبك في فروعنا بالمملكه !!!! قلت اعطوني حل ؟

قال لايوجد حل سواء ان نرسل طلبك لليابان !!! قلت معقوله هذا منطق وكيل مسؤول عن تامين القطع !!! واعتقد اني سيارتي 2006 وليست بالقديمة حتى يصعب

عليكم توفير قطعها فقال لي اذهب للمدير انه بالدور الاول .. وليتني لم اذهب !!!


اتجهت بعد هذاا وصعدت الدرج لمكتب المدير وشرحت له الموضوع انني اتردد اكثر من اسبوع لاجل مرآة السيارة مكسورة ولااستطيع ان اقود سيارتي بدونها

علاوة على ان فحص المرور لين يجيز فحص السيارة بدون المرآة


فقام واتصل بشخص اعتقد انه مسؤول او منسق العلاقات العامة وحضر معنا بالمكتب وطلب مني الذهاب معه لمكتبه لكي نحل المشكله ولبيت طلبه وبعد ان

جلست بمكتبه قال شوف يااخي طلبك لايوجد بجميع فروع الشركه بالمملكه ؟ قلت والحل ؟ فقال هناك مرآة سيارة هايلكس موديل حديث نفس مرآة سيارتك قلت

ماهي مشكله ركبوها اذا تركب ابي ارتاح لاني تعبت معكم فقام واحضر شخص (سوداني ) للمكتب ومعه المرآة (لونها ابيض ) ولون سيارتي ذهبي فقال لي اذهب

مع هذا الشخص وهو المسؤول عن الورشة وقمت ونزلت معه فقال اين سيارتك اريد ان ارى لونها لكي اقوم برش المرآة بنفس لون سيارتك فخرجنا للشارع

وشاف السيارة وبعد دقيقتين قال لي شوف يااخي انا مستعد ارش المراة بنفس لون سيارتك لكن اللون لايتطابق مئه بالمائة هناك اختلاف بسيط فقلت ماعندي

مشكله المهم ريحونا وفكونا فقال خلاص انا سوف ارشها لك الان وتاتي بكرا بعد العصر تستلمها مني لكن الان اذهب للصندوق وادفع قيمة البويه وقدرها = 200 مئتان ريال !!!


قلت ليش ؟؟؟ انا دفعت حتى الان 662 ريال قيمة مرآة جديدة بشرط ان تكون لنفس السيارة وبنفس اللون وبالاخير تطلبون مني ادفع فوقها 200ريال ويصبح بذلك

862 ريال والنتيجة اخرج بمرآة لسيارة هايلكس ومرشوشه بلون يشبه لون سيارتي ؟؟؟؟ هل هذاا يعقل !!! فارتفع ضغطي وقمت اتكلم بصوت مرتفع حتى حضر

لنا منسق العلاقات بالشركه وقال ياخي انت دفعت قيمة المراءة والمئتان هي قيمة البويه لان حساب الورشة يختلف عن حساب قطع الغيار ولازم تدفع فقلت وانا

معصب اعطوني فلوسي التي دفعتها وبعد ان استلمتها خرجت ووضعت السيارة على مدخل الشركة الرئيسي وكتبت عليها السيارة للتنازل لعدم توفر قطع الغيار

لدى الوكيل بالمملكة ووضعت رقمي عليها انظر للصور

هل تصدقون ان المدير عن الشركة قال للي بالحرف الواحد يااخي طلبك ليس امر ضروري لايتسبب في وقوف السيارة كل السالفة مرآه بسيطه !!!!
http://www.7ailstar.com/images/car55.jpg

http://www.7ailstar.com/images/car11.jpg

وتركت السياره امام الشركه والان معي سيارة بالتاجير قهروني هم وتعاملهم ودعايتهم الكاذبه لكن مااقول الا حسبي الله ونعم الوكيل

[ممتر البران]

كفو والله
وربك يعين وتحسب فلا لنا الا التحسب في هذا البلد المعطاء
تحيتي لكم
ابو سعد

[هـدد]

:D هههههههههه اسمحلي أنا ضحكت يوم قالو نبي نركب مراية هايلوكس (الدعوى تلفيق)
الله يكون بعونك أنا تحمست لموضوعك علمنا وش يصير عليك لأن كثير الي صارله موقف مع تويوتا الكذابه

[شامخ ألهيلا]

الله يعينك وانا اخوووك

جميع الوكلاء معاملتهم تعباانه حييييل

شووري عليك خلها كم يووم واسحب سيارتك ورح لتشليح بتلقاها عندهم باقل سعر والوكاله لاعااد تقرب عليه

[جمعان 22]

وسع صدرك ..ماهو شيئ جديد او غريب ..:)


كان ابي يقول لي ..... ستصادف في حياتك هنا بشرا - اقرب للبـ......... - .... فان كنت عازما على العيش بينهم ..فانزل بعقلك لمستوى عقولهم ....والا فهاجر :)

[ياوجودي]

كفوووو
ياليت أخوي لو تعلمنا أي فرع وفي أي مدينه لعل وعسى نحاول نكبّر الموضوع لعل وعسى يوصل الصوت للمسؤولين ’ على فكره انا من ضمن الناس اللي تأذوا من نفس هالشركة لكن ماأقول الا حسبنا الله ونعم الوكيل.

لا والمشكله تسأل الناس يقول لك تويوتا وبس وش الفايده لاصار الوكيل هذا تعامله؟

[غالي]

اخوي نصيحه مر التشليح عل وعسى تحصلها

الله يعينك هذي وكالاتك في ديرتك

مانقول الا

حسبي الله ونعم الوكيل

[بدوي جنوبي]

اللي يقهر طلبهم 200 ريال حق البويه
سوء معامله من الوكاله
والمدير اللي قالك طلبك بسيط عرف الحين انك راح تسبب
للشركة حرج وخايف علي منصبه في الشركة
واكيد متخوفين من التشهير بالجريده

بالتوفيق

[فتى التويم]

حسبي الله عليهم

انت كنك واحد قد كتب موضوع عن سيارته بانوراما خرب عليه الكمبيوتر وتمرمط مع الجفالي
واخر شي وقفها عند الوكاله وجاب بخاخ احمر وكتب عهلى السياره انه مالها قطع غياااااااااار

[النحيف]

تكفى رح لأحد الجرايد افضحهم



وقل للوكاله قبل اني أبنشر الخبر بالجرايد



والله من القصص عندي عن هالوكالات التعبانه



الله يعوضنا خير



رمضان كريم

[نيساني]

الله يعينك اخوي ومثل ما قالوا ان شا الله تحصلها في التشليح

[راعي طويلات]

لا والمشكله تسأل الناس يقول لك تويوتا وبس وش الفايده لاصار الوكيل هذا تعامله؟

الله يصبرنا على الوكلاء عندنا :mad:

[متصفح مكشات]

وش تستفيد ؟؟؟

خسارة فلوس اجار السيارة وبس

والشباب اللي يحسمونك ترى مو خسرانين ولا ريال مجرد يحمسونك وانت تاكلها بخسارة الفلوس وهم ستانسون بتكملة القصة العجيبة اللي انت بطلها

الوكالة ماراح تتاثر بطريقتك ابدن ولا واحد % مير اسمع شوري وخذ موترك وخل عنك الاجار ودوج في التشليح على الله ينولك مرادك

قبل كل هذا احذف الصورة اللي فيها رقمك بيني وبينك منت عارف وش نهايتها ,,

والله يوفقنا

[ابوخلف الحربي]

حسبي الله و نعم الوكيل

[as-315]

حسبي الله و نعم الوكيل يكفي نصب واحتيال

[مـدحـدر]

شركة عبداللطيف جميل الكاذبة


حصل لي مواقف كثيرة معهم واتضح انهم فعلاً شركة كاذبة ودجالة

وحلفت ما اشري اي سيارة او اجهزة وكيلها عبداللطيف جميل الكذاب

وعندي اقتراح

وبالنسبة لايجار السيارة اللي مستأجرة اخونا ليش مانساعدة على ايجارها

وكل واحد منا يحول له مبلغ بسيط بحساب اخونا لو عشرين ريال

عشان تطول سالفة السيارة وتنفضح الشركة

[بـدر]

ولكن تعتبر من الوكالات المفضلة لدينا ...
فمثلاً لا تقارن بالعيسى ولا الجميح ولا نيسان ولا ولا

والزين ما يكمل

[ابوعقل]

الله يكون بعونك ان شاء الله

اجل يبون يركبون مرات هايلوكس :confused: :confused: !!



نبي نركب مراية هايلوكس (الدعوى تلفيق)



معروف ان سيارات عبد اللطيف جميل تلفيق ماهي جديده عليهم

[مقلع الرمث]

كفوا والله والله انك اعجبتني ولو منك كان سكرت الصاله حقتهم

[سيف الظفير]

كفووووووووووو

[سيف الظفير]

بسم الله الرحمن الرحيم


اود ان اوضح لكم الذي حصل معي شخصياً ومع شركة تايوتا ولكم الحكم في النهاية .



والذي حصل معي هو اني احتجت ان اركب للسيارة مرآه جانبيه لباب السائق لانها مكسورة فاتجهت ابحث عنها في محلات الزينه وقطع الغيار ووو وبالاخير

اتجهت لشركة تايوتا بحثاً عنها وقالو لي بالحرف الواحد لايوجد لدينا الان !!! بامكانك تامين قيمتها بـ 662 ريال لدى الصندوق ونطلبها لك من جدة والتسليم بعد ثلاثة ايام


فوافقت بلا تردد وقمت بدفع القيمة لكن الثلاثة ايام اصبحت اسبوع المهم عندما اتيت لهم لاستلم طلبي تفاجئت بان موظف قطاع الغيار يقول لي لم نجد طلبك قام

زبون اخر بشراء القطعه قبلك ولم نجد لك طلبك في فروعنا بالمملكه !!!! قلت اعطوني حل ؟

قال لايوجد حل سواء ان نرسل طلبك لليابان !!! قلت معقوله هذا منطق وكيل مسؤول عن تامين القطع !!! واعتقد اني سيارتي 2006 وليست بالقديمة حتى يصعب

عليكم توفير قطعها فقال لي اذهب للمدير انه بالدور الاول .. وليتني لم اذهب !!!


اتجهت بعد هذاا وصعدت الدرج لمكتب المدير وشرحت له الموضوع انني اتردد اكثر من اسبوع لاجل مرآة السيارة مكسورة ولااستطيع ان اقود سيارتي بدونها

علاوة على ان فحص المرور لين يجيز فحص السيارة بدون المرآة


فقام واتصل بشخص اعتقد انه مسؤول او منسق العلاقات العامة وحضر معنا بالمكتب وطلب مني الذهاب معه لمكتبه لكي نحل المشكله ولبيت طلبه وبعد ان

جلست بمكتبه قال شوف يااخي طلبك لايوجد بجميع فروع الشركه بالمملكه ؟ قلت والحل ؟ فقال هناك مرآة سيارة هايلكس موديل حديث نفس مرآة سيارتك قلت

ماهي مشكله ركبوها اذا تركب ابي ارتاح لاني تعبت معكم فقام واحضر شخص (سوداني ) للمكتب ومعه المرآة (لونها ابيض ) ولون سيارتي ذهبي فقال لي اذهب

مع هذا الشخص وهو المسؤول عن الورشة وقمت ونزلت معه فقال اين سيارتك اريد ان ارى لونها لكي اقوم برش المرآة بنفس لون سيارتك فخرجنا للشارع

وشاف السيارة وبعد دقيقتين قال لي شوف يااخي انا مستعد ارش المراة بنفس لون سيارتك لكن اللون لايتطابق مئه بالمائة هناك اختلاف بسيط فقلت ماعندي

مشكله المهم ريحونا وفكونا فقال خلاص انا سوف ارشها لك الان وتاتي بكرا بعد العصر تستلمها مني لكن الان اذهب للصندوق وادفع قيمة البويه وقدرها = 200 مئتان ريال !!!


قلت ليش ؟؟؟ انا دفعت حتى الان 662 ريال قيمة مرآة جديدة بشرط ان تكون لنفس السيارة وبنفس اللون وبالاخير تطلبون مني ادفع فوقها 200ريال ويصبح بذلك

862 ريال والنتيجة اخرج بمرآة لسيارة هايلكس ومرشوشه بلون يشبه لون سيارتي ؟؟؟؟ هل هذاا يعقل !!! فارتفع ضغطي وقمت اتكلم بصوت مرتفع حتى حضر

لنا منسق العلاقات بالشركه وقال ياخي انت دفعت قيمة المراءة والمئتان هي قيمة البويه لان حساب الورشة يختلف عن حساب قطع الغيار ولازم تدفع فقلت وانا

معصب اعطوني فلوسي التي دفعتها وبعد ان استلمتها خرجت ووضعت السيارة على مدخل الشركة الرئيسي وكتبت عليها السيارة للتنازل لعدم توفر قطع الغيار

لدى الوكيل بالمملكة ووضعت رقمي عليها انظر للصور

هل تصدقون ان المدير عن الشركة قال للي بالحرف الواحد يااخي طلبك ليس امر ضروري لايتسبب في وقوف السيارة كل السالفة مرآه بسيطه !!!!
http://www.7ailstar.com/images/car55.jpg

http://www.7ailstar.com/images/car11.jpg

وتركت السياره امام الشركه والان معي سيارة بالتاجير قهروني هم وتعاملهم ودعايتهم الكاذبه لكن مااقول الا حسبي الله ونعم الوكيل




كفو

ولا تخليهم كلم الشركة الام

[gxواردقطر]

انا مع متصفح مكشات قلبا وقااااااااااااااالبا
اذا كنت تملك سياره غيرها ماعندك مشكله
لكن الايام تمشي والاجار ياكل وانا اخوك
لوتركب بقيمة هالاجار كان افود لك

[شمالات نجد]

الله يعينك شيء يقهر

بس يا جماعة خلونا عقلانيين ما دام وكالة تويوتا كذا (أفضل الأسواء) ماذا عن البقية

حتى الآن لم أستوعب القصة فما يميز تويوتا هو وجود جميع القطع مهما كانت سواء استهلاكيه أو غيره وهي متوفرة عند الوكالة والموزعين المعتمدين.. فهل يعقل أن هذه الميزة أنعدمت؟ إذاً تساوت سيارات تويوتا مع غيرها من السيارات!!

(بعد أذنك أنا نقلت الموضوع لمنتدى آخر إذا كان هناك ممانعة أرجو مراسلتي)

وفقك الله والجميع

سلام

[أبوعمران]

صراحه اعجبتني بحركتك , وإن شاء الله مايصير الا كل خير

ويعطونك موتر جديد بدال مرايه ههههههههه


الله يوفقك يالغالي

[قناص غامد]

لو دور بالتشاليح والوكالات وبالذات تويوتا مستغنية بزباينها ولا تحسب لشي والله انا من يوم طلعت سيارتي من الوكاله ما رجعت لها ولا حتى بالزيت ما عندهم الا النصب والاحتيال

[فارس القبيلة]

مهزلة×مهزلة,,

الان مب االمشكله بعدم توفر المرايه وبس المشكلة الاستغلال البشع هذا 200 ريال عشان صبغ مرايه مساحتها صغيره,,

الله المستعان,,,


ومتم بووود,

[J N T L]

اشكر كل من دخل على موضوعي وتفاعل معه واقسم بالله العلي العظيم في هذا الشهر الفضيل اني

لم اضيف حرف واحد من عندي والكلام دار بيني وبينهم مثل ماكتبته هنا ولاتزال السيارة واقفه عندهم مع العلم اني حصلت

على الرقم المجاني للشركة وقمت بتقديم الشكوى وقالو لي انه سيصلك رد خلال اربع وعشرين ساعه ولكن للاسف لم يتصل احد !!!

ولحد اللحظه قدمت ثلاث شكاوي بدون نتيجة ولا رد !!! وقلت للموظف انت قلت انه خلال اربع وعشرين ساعه تردون علي والى الان

ماتصل احد فيكم وش السالفه ؟ قال نحن نحيل شكواك الى مندوبنا في منطقتك وهو يتصل عليك .. قلت اهاااا يعني تحال الشكوى للمسؤول

الذي حاول اعطائي مراية الهايلكس فضحكت بيني وبين نفسي وعرفت انه لن يتصل حتى لو قدمت عشرين شكوى



لكن مااقول الا حسبي الله ونعم الوكيل

[مخ سعودي]

والله ياخي الفاضل المفترض انك تبحث بالتشليح والله الوكالات مارح تجيب معهم نيجة لكن ادع عليهم في رمضان وعليك بالاتصال بالوكيل او الدخول على مكتب محمد عبداللطيف جميل والله يجيبون لك نتيجة

[J N T L]

كفوووو
ياليت أخوي لو تعلمنا أي فرع وفي أي مدينه لعل وعسى نحاول نكبّر الموضوع لعل وعسى يوصل الصوت للمسؤولين ’ على فكره انا من ضمن الناس اللي تأذوا من نفس هالشركة لكن ماأقول الا حسبنا الله ونعم الوكيل.

لا والمشكله تسأل الناس يقول لك تويوتا وبس وش الفايده لاصار الوكيل هذا تعامله؟

شاكر لك اخوي تفاعلك ومشكلتي مع تايوتا حائل واسياره لازالت واقفه عندهم

[J N T L]

والله ياخي الفاضل المفترض انك تبحث بالتشليح والله الوكالات مارح تجيب معهم نيجة لكن ادع عليهم في رمضان وعليك بالاتصال بالوكيل او الدخول على مكتب محمد عبداللطيف جميل والله يجيبون لك نتيجة

ممنونك اخي الكريم على النصيحه والتواصل لكن تعبت وانا اتصل على ارقام الشركه وكل شخص يرد يقول هنا مبيعات وهذي ليست مسؤليتي حتى اني ازعجتهم ابغى اكلم شخص مسؤوول لكن النتيجه ولاشي واذا كنت تعرف طريقه اوصل فيها لاحد المسؤوولين بالشركه ياليت تقولها لي وتكسب فيني الاجر

[ولد الدواسر]

كفو والله
بس بقولك كلمة كل الوكلاء في المملكة نصاااااااابين الا ما قل وندر
وحماية المستهلك في سابع نومه أنا بقولك قصة صارت مع عمي (محامي)
معه Vxr 2006 المهم راح الوكاله تغير كفرات >>>>>>> لازم الوكاله عشان الحساسات
المهم وغيروا الكفرات وراحت الحساسات شالوها وهو ماسك خط الدمام وقبل لا يمسك الخط
شيك على الكفرات بشاشة الحساسات وعطته Ok المهم مسك الخط وفي نص الخط بوووووووووم
انفجر الكفر والحمدلله ما صار الا الخير وبعدها سطحه وأقرب ورشه وهو يغير الكفر يقول
للبنشري انتبه للحساسات الا ويقوله مافي حساسات أصلأ ويرجع للوكاله وعيو يعطونه
الحساسات المهم ذب عليهم كرته ورفع خطاب لتويوتا اليابان والله ما مر اسبوع
الا وهم يدقون عليه ويعطونه كل شي صيانه مجانيه وووو عشانه هدد الفرع الرئيسي
برفع دعوى فأنا أقولك وكالاتنا ما يصلح معهم الا العين الحمرا

[النوخذة الأحسائي]

عجيب والله ,,

أنا ألاحظ لما يكلموني من جدة لأخذالآراء أحس أنهم شديدين على الوكلاء في فروعيهم .. هذا أمر ..

الأمر الثاني أنا سيارتي 2008 وكان في خلل في المرايا اليمين وتم إبدال القطعة خلال اسبوعين تقريبا .. وعلى الضمان طبعا ..


والله يعين أخوي الجنتل ,, فالوكلاء يختلفون من مكان لمكان وهذا ما ألاحظه ,,

[البرحه]

الله يهديك بس

يعني جديد النصب عندنا؟ كل شي مب السيارات بس

ولعلمك ان تويوتا يقاله احسن الموجود الحين

خذ موترك ووفر دراهمك ... اشوفهم بكره بيقفلون ولا الناس مب شارين تويوتا

[zaxs2010]

اخوي انصحك مر التشليح بتلقا الي تبيه بسعر اقل

[ولد وايل]

انا مثلك تلعوزت بسبب الاف جي اليوم كمل 19 يوم بالوكاله بسبب مانع الانزلاق وكل يوم يقولون فيه خراب ولم ينجز الى الان

اتصل بالرقم المجاني 8002444400 تحويله 3

او

نتواعدلوزارة التجاره لنقدم الشكوى

[J N T L]

عجيب والله ,,

أنا ألاحظ لما يكلموني من جدة لأخذالآراء أحس أنهم شديدين على الوكلاء في فروعيهم .. هذا أمر ..

الأمر الثاني أنا سيارتي 2008 وكان في خلل في المرايا اليمين وتم إبدال القطعة خلال اسبوعين تقريبا .. وعلى الضمان طبعا ..


والله يعين أخوي الجنتل ,, فالوكلاء يختلفون من مكان لمكان وهذا ما ألاحظه ,,
الله يعين بس وشاكر تواصلك يالغالي

[J N T L]

الله يهديك بس

يعني جديد النصب عندنا؟ كل شي مب السيارات بس

ولعلمك ان تويوتا يقاله احسن الموجود الحين

خذ موترك ووفر دراهمك ... اشوفهم بكره بيقفلون ولا الناس مب شارين تويوتا


تسلم لي وشاكر تواصلك

[J N T L]

اخوي انصحك مر التشليح بتلقا الي تبيه بسعر اقل


الله يعين بس اسلوبهم يرفع الضغط وتعاملهم سي وان شاء الله نلقاها شاكر تواجدك

[J N T L]

انا مثلك تلعوزت بسبب الاف جي اليوم كمل 19 يوم بالوكاله بسبب مانع الانزلاق وكل يوم يقولون فيه خراب ولم ينجز الى الان

اتصل بالرقم المجاني 8002444400 تحويله 3

او

نتواعدلوزارة التجاره لنقدم الشكوى
اتصلت برقمهم المجاني وسويت لحد الان ثلاث شكاوي لكن نظامهم يحيل الشكوى لمندوبهم بالمنطقه يعني ترجع شكواي للشخص اللي جاب لي مراية الهايلكس بالعربي ماحولك احد وربك يعين شاكر تواجدك يالغالي

[Bader-M]

اذا غاب البس العب يا فار


للاسف اين حماية المستهلك هي المسؤولة عن هذا


تحياتي اليك

[ابو فيصل 635]

الله يعينك اخوي

اخوي انا لو مكانك مارحت للوكاله ادور في غيرها لأن وكالة حايل اخس واغبى وكاله في العالم

ومرت علي اشياء واجد وواجد منها والله لا يجبرني اني اجيها

الله يسلم النهدي والفريدي افضل من الوكاله بلميون مره

وتقبل تحيات اخوك ابو فيصل 635

[نفس السحاب]

والله اذا تبي الشور وانا اخوك خذ موترك ولاتوقفه ..
لانك انت المتضرر اولا واخيرا وخاصة ان السيارة ايجار واقساط عليك ..
والسيارة ماشاء الله حلوه ولها روادها وانتشارها يدل على تميزها ..
وشركة عبداللطيف شركة كبرى وجذورها تحت وزارة التجارة ..
خذها واشتر من التشليح المراية المكسورة .. والحمدالله على انها على مراية بس وليس قير او مكينه ..
واخير لعلمك جميع الوكالات في السعودية يوجد بها نفس البلوى والاستحقار وعلى رأسهم وكلاء مرسيدس
وحسبنا الله ونعم الوكيل

[جزلا]

اسمع اخوي دق على المركز الرئيسي اللي في جده وعلمه السالفه وعطه رقم جوالك وابيجيك الموظف وبيعتذر منك وبياخذ سيارتك
ويصلحها وبيعطيك من عندهم سياره حتى تزين سيارتك( لكن اخرشهم في المكالمه)

[خالد20]

الله يكون في عونك
عندي لك اقتراح قريته(لو القى الرابط حق راح اضيفه لكن بعطيك الزبده)
واتوقع يجيب نتيجه فتاكه
1- روح لوزارة التجارة واشتك عليهم وتأكد إن

خطابك تم توريده برقم وتاريخ معين وخذ رقم

التوريد والتاريخ ولا تضيعه ولا ترجع لهم ابد

ولا تروح لهم ثانية.

2- بعد 7 أيام فقط أرسل برقية للملك عن طريق

الرقم 969 ومن هاتف بيتك .. واكتب إنك اشتكيت

للوزارة ولا تجاوبوا معك.

3- البرقية كل كلمة بريال يعني لا تكثر قرق .. لا أنت

عندك قروش واللي يقرأ البرقيات عنده وقت...

نص البرقية للملك يجب أن تكون كالتالي:

"خادم الحرمين الشريفين يؤسفنا أن نرفع لمقامكم

الكريم الظلم الذي وقع علينا من شركة ........... وكيل

سيارات ........ حيث اشترينا منه سيارة جديدة وقد تعطلت

عدة مرات حتى ولم نجد لديهم قطع الغيار اللازمة علماً

بأننا رفعنا الأمر لوزارة التجارة ولم نجد منهم أي

تجاوب .. خادم الحرمين ليس لنا بعد الله إلا أنتم في

أخذ حقنا كاملاً من هذه الشركة وأمثالها "

ولعلمك ترى ما تحتاج تمدح ولا تردح بالبرقية

أصلا الملك ما يشوفها ولا يقراها إلا إذا تكررت

أكثر من مرة لنفس المشكلة...

وعموماً شنبي مهب على رجال إذا ما حلوا

مشكلتك بس عشان يفتكون من برقياتك...

سألني واحد جربتها ؟

1- مع الغرفة التجارية وخفضوا رسم تجديد

السجل من 900 إلى 300 ريال

2- مع البنك الأهلي استرديت مبلغي بسرعة

البرق بعد ما اشتكيتهم مع مؤسسة النقد

ملاحظة: لا يمكن تسجن عشان برقية إلا اذا

قليت أدبك مع الملك أو ارسلت في أمور ما لك

علاقة فيها - مثل ليش ما تفكون الربط بين الريال

والدولار - أما مطالباتك بحقوقك فصدقوني سمعت

قصص يشيب لها الولدان مثلاً:

موظف في أرامكو كل يوم ياخذ طرف غرفة وينام

ولا يشتغل... بعد 5 سنوات نوم رفع برقية إن ترقيته

متأخرة .. جته الترقية قبل اخوياه اللي يكرفون

بتسكتون على حقكم اسكتوا وخلوا الذيابه تاكلكم

.

[خالد20]

http://www.saayaaraa.com/vb/showthread.php?t=2432

هذا رابط الموضوع بعد اذن المشرف

انا مادري مسموح او لا؟:D

[هـدد]

http://www.saayaaraa.com/vb/showthread.php?t=2432

هذا رابط الموضوع بعد اذن المشرف

انا مادري مسموح او لا؟:D

وش جاب هامه للامه
يعني وش دخل الرابط بالموضوع

[خالد20]

اشهب مطور

الرابط حطيته عشان اعلم اخوي جنتل منين جبت المعلومه والاخوان المتابعين بعد يدرون
وهذي سلمك الله تسمى (( امانه علميه )) او اقتباس ولازم نشير له في هذي الحاله

(( عشانه ذمه )) وعشان مو انا الي جبت الفكره او مر علي الموقف

وتصدق احسبك مشرف على التعليق يوم تسئل عن الرابط لكن قلت يوم شفتك من بقيت الشعب (( راس مالك مكشاتي زي حالاتي )) قلت خل نفتح مداركه و نوسع افقه قليلا بهذه المعلومه لعل الله ينفع بها ويترك عنه .............:d

عرفت او اعيد؟؟

[القهوه]

ماهي غريبة على شركة النصب تويوتا
ولكن نقول من أمن العقوبة أساء الأدب

[الكلاسك]

طيب وش صار بعدين؟

[شمالات نجد]

الله يعينك شيء يقهر





بس يا جماعة خلونا عقلانيين ما دام وكالة تويوتا كذا (أفضل الأسواء) ماذا عن البقية


حتى الآن لم أستوعب القصة فما يميز تويوتا هو وجود جميع القطع مهما كانت سواء استهلاكيه أو غيره وهي متوفرة عند الوكالة والموزعين المعتمدين.. فهل يعقل أن هذه الميزة أنعدمت؟ إذاً تساوت سيارات تويوتا مع غيرها من السيارات!!


(بعد أذنك أنا نقلت الموضوع لمنتدى آخر إذا كان هناك ممانعة أرجو مراسلتي)


وفقك الله والجميع


سلام





تم نقل الموضوع أخي جنتل إلى أحد المنتديات المتخصصة في هذه السيارة مع ذكر المصدر


وإليك أنت والأخوان أهم ما ورد من ردود الفعل من مستخدمين لنفس السيارة (فورتشنر) مع تحديد أماكن إقامتهم


الرياض

اخي ابو عزام انا سيارتي 2006 بعد ما طلعتها بـ3 أشهر رحت للوكاله وطلبت اغطيه للمرايات اللي تجي في الـ6 سلندر بالفلشر لان سيارتي 4 سلندر واغطية المريا نيكل وركبها لي خلال يوم واحد





والحقيقة انني استغرب من هذه الحاله لاخينا جنتل

الوكيل ايضاً بهذه القوه ما يقدر يوفر قطع غيار والله مصيبه





الخبر


مساكم الله بالخير ,,,





انا اول ما طلعت سيارتي ,,

كان المرايه اليسار فيها خلل تهتز ,,,
فرحت عندهم مع تشيك 1000كم ,,,
وطلب لي الموظف وحده جديده
وقعدت اكثر من اسبوع لين ما جت ....
فالشكوى لله .....





المدينة المنورة


انا كل ما اروح للوكاله ما القى عندهم اي مشاكل





واذا طلبت شيء يجيبه لك بعد يومين بالضبط


انا خرب علي المساكات حقت الشنطه الخلفيه


والله اروح للوكاله قال لي موجوده وقيمتها كذا بس راح تجي بعد يومين اذا تبغاها ما في اي مشاكل نجيبها لك


لكن انا انصحك انك تروح تشتري من برى قلت له ليش قال لي ارخص


وطلع صادق الفرق 100 ريال


وذي القصة والله غريبه





الأحساء


أنا ألاحظ لما يكلموني من جدة لأخذالآراء أحس أنهم شديدين على الوكلاء في فروعيهم .. هذا أمر ..






الأمر الثاني أنا سيارتي 2008 وكان في خلل في المرايا اليمين وتم إبدال القطعة خلال اسبوعين تقريبا .. وعلى الضمان طبعا ..



والله يعين أخوي الجنتل ,, فالوكلاء يختلفون من مكان لمكان وهذا ما ألاحظه ,,





سكاكا


اطلعت على موضوع اخونا،ولي هنا رأي المشكلة مو من ابوعبداللطيف ،المشكلة من الفروع ومن يعمل بهذه الفروع وبالعكس الشركة الرئيسية حريصين كل الحرص على الزبون .





واعطيك مثال قمت بتغيير الزيت عند فرع الشركة بمنطقتي قبل فترة وبعدها كم يوم اتصل احد الموظفين بالشركة بجده سألني عدة اسئلة منها حسن الاستقبال والخدمة والسعر وغيرها ..

والمشكلة الاخرى اخونا صاحب الموضوع لم يذهب الى محلات قطع الغيار بالصناعية بمنطقته ربما يجدها ويجد ارخص منها،لأن محلات القطع متفق مع الشركة والشركة تلبي طلباته قبل توزع بفروعها على مااظن.
وبالعكس تجد المحلات ارخص من الشركة ربما.





جده


مشككككور اخوي ابو عزام على الموضوع الشيق والمفيد





بس انا ومن وجهة نظري بان الشركة الام والاساس وهي بكيلو 14 بجدة لو تبحث عن مسمار بداخل المراءة لوجدته لديهم ويشهد الله ما عمري مريتهم وقالو لي ما فيه حتى اني امر على فروع ما تتوفر القطع يقول لي الموظف بعد يومين .. والله مستنى على طول على الشركة الام واحصل مطلبي وخدمتهم جدا جدا جدا ممتازة والله ما راح احد يوصل مواصيل عبدالطيف جميل في الخدمه ولا في الصيانه ولا في القطع وصدقني العيب ليس من شركة عبدالطيف جميل بل من الموزعين والعاملين لديهم .... وشركة عبداللطيف جميل جدا حريصه على تقديم افضل الخدمات لديها؟

ولاكن حنى ما يعجنا العجب ولا الصيام برجب





الرياض


أنا صارلي نفس الشي بهذلوني في الوكاله وقالوا لي رح فرع ثاني وتلقى القطعه ويوم رحت قالوا ما في






وكتبة شكوى بس لا حياة لمن تنادي




الرياض


هذا الكلام غريب جداً، وعكس تجربتي تماماً. أنا مغير المرايتين، وليس واحدة، والسعر حتى لم يكن هكذا ... السعر إللي شريته به كان في حدود 250 ريال للواحد، وين 660 ريال! حصل لي حادث بسيط منذ سنة تقريباً إضطريت تغييرهم، فلطبتهم من فرع صناعية العروبة ، فكان موجود عندهم في الفرع إحدى الإثنتين والثانية وصلت خلال يومين من جدة. وبالرغم من أن فرع صناعية العروبة صغير وقطعه محدودة وجدتها متوفرة عنده.



هذا النقل للأمانة وليس لتكذيب أحد فهناك من حدثت له نفس المشكله وهناك من هو العكس


بارك الله في الجميع


الله يعتقنا وياكم من النار


سلام

[الهاوي2008]

عزيزي

الله يكون بعونك

يفترض توقف امام مدخل الصالة مباشرة

سكر عليهم زي ماصكوها في وجهك

اسأل الله ان ينتقم لك منهم

[شمالات نجد]

ألم يكن الموضوع مثبت!!

[أبو مسفر]

يا جماعة ترى الوكالات كلام فاضي
الداخل فيها مفقود والخارج منها مولود
وما تدري وش يسوون بسيارتك

[مواسي الطعوس]

طيب القطع الثانيه هي موجوده والا لا

اعرف واحد معه 2008م وخرب عليه الطبلون يولع شوي ثم يطفي وهكذا .......وعجزوا الوكاله يصلحونه جلس عندهم 9 ايام ..........وفي الاخير قالو نطلبه لك غير موجود . وماشفت الرجال لي يومين مادري جاءت القطعه ولا لا.

[mohmad]

اولا الله يعينك
ثانيا اجمع كل الاوراق والفواتير اللي عندك
ثالثا اكتب خطاب شديد اللهجه بكل اللي صار معك بالتفصيل الممل والتواريخ وقدمه على فرع وزاره التجاره وياليت يكون مدير الفرع
رابعا خلك قوي عين بمعنى ان المسؤول يحس بمعانتك
راح يجمعك المسؤول مع مسؤولي الوكاله السعوديين بعد يوم او يومين لكن خللك حار معاهم ترى اللسان والعين الحمرا تنفع معاهم
ادعي لك بالتوفيق

[شمالات نجد]

ما علمتنا وش صار معك أخوي

وهل السيارة للبيع حالياً؟؟

[شمالات نجد]

ما علمتنا وش صار معك أخوي

وهل السيارة للبيع حالياً؟؟