عندي مخيم في الثمامة

[سحري]

السلام عليكم ورحمة الله وبركاته
انا اريد ان أبني مخيم في الثمامة على طريق رماح عند التفتيش
واسمع الناس تقول لازم تحصل على ترخيص ‍‍‍‍‍‍‍‍‍‍‌‍‍‍‍‍‍. (عجيب )
سؤالي هو كيف أحصل على هذا التصريح او الترخيص ؟؟؟؟
وشكراً لكم .......

[اخو نورة]

السلام عليكم ورحمة الله وبركاته


اخوي سحري

(اريد ان ابني مخيم في الثمامة على طريق رماح عند التفتيش)
اول شي الموقع الظاهر موب واضح يمكن قصدك على طريق الطوقي - الصمان
لان نقطة التقاء طريق الثمامه مع رماح والطريق الموصل لها هو طريق بويب لايوجد به تفتيش
اما من ناحية التصريح نعم يعتبر تصريح معلومات ولا له دخل بالسماح او المنع وانما هذا التصريح بمثابة معرفة محتويات المخيم والموقع والعماله وذلك عند حدوث اي طارىء لاسمح الله وهذه ميزه جيده لصاحب المخيم ولا بها اي اعتراض من الجهات الامنيه حط مخيمك في المكان الى تبي ثمن علمهم وقلهم اني خيمت هذا كل مافي الامر وبالنسبه للمناطق المذكوره تنقسم قسمين للتبليغ القسم الشمالي منها يتبع مركز الثمامه بجوار محمية الثمامة اما الجزء الجنوبي فيتبع لمركز الشرطه المؤقت والواقع في طريق التخصصي امام محطة السواحل على مااعتقد ان هذا اسمها المراد ان المركز وانت متجه شمال مع طريق التخصصي وتعديت جامعة الملك سعود ثمن جاك كبري المطار تعده بعده بكيلو تقريبا وزانت على خط التخصصي بتلقى محطة بنزين على يدك اليمين شف المركز المؤقت مقابلها
والسلام عليكم ورحمة الله وبركاته،،،

[سحري]

أشكرك على الرد السريع والواضح وجزاك الله ألف خير
وفي الحقيقة أنا بسوي اللي تقوله وأن شاء الله نوفق في بناء المخيم .
بعدين الموقع بعد محطة خزام وانت متجه شمال يجيك التفتيش هناك على الطريق بعده بضبط
بيكون المخيم وعلى مدار السنة أن شاء الله ولاتنسانا من جياتك لنا

[شاهين0]

اخوي سحري المخيمات تراخيصها من القسم اللي عند نقطة التفتيش وخذ حسابك المخيمات تشال كلها في الصيفواذا تبي مخيم جاهز للبيع احسن لك من التاسيس واوفر