استشارة لأخواني الفضلاء ...

[ديزب]

السلام عليكم ورحمة الله وبركاته وبعد
اولا : ابارك للجميع حلول شهر رمضان المبارك
ثانيا : بمشيئة الله ناوي اشتري سيارة جديدة ( يوكون او سوبر بان ) فما ادري ايهما افضل ؟ وهل الدفع الرباعي افضل ؟ وهل قوة المحرك لها دور 1500 ؟ او 2500 ؟
فمن لديه خيرة فليتفضل الله لا يحرمه الأجر والثواب ...

[لن أمل من العطاء]

حياك الله

اتشرف بكوني اول من يرد عليك

وبارك الله لك في رمضان ورزقك قيام ليلة القدر

انت تبغي قصير او طويل

انا بصراحة 1500 ما ارغبه شخصيا افضل 2500

تقريبا نفس الراحة

يمتاز 2500

قوة محرك تبلغ 410 حصان وسعة 6000 سي سي وصرف للوقود لا تتخيله قليل جدا

طبعا الدفع الرباعي افضل حت ىلا قدر الله عند البيع

ياتي بمواصفات كثيره جدا جدا

اغلى سعر لمقاس 2500 تقريبا 180 الف ريال ويبدا من تقربا 125 الف ريال

نصيحتي لك بمقاس 2500 دفع رباعي

ثم انت عليك باختيار التجهيزات الكثيره جدا

منها

مقاعد جلد

مقاعد كهرباء للسائق والراكب

فتح وغلق السيارة عن بعد مع امكانية تشغيل السيارة والمكيف عن طريق الريموت

فتحة في السقف

مسجل كاسيت وسي دي ودي في دي مع شاشة خلفية للاولاد

شاشة عرض في التابلوه للملاحة Gps

شنطه خلفية كهلابائية في الفتح والغلق

نوعين من موديلات الجنوط مقاس 16 انش

مكيف امامي مع تحكم للسائق وتحكم للراكب حار وبارد

مكيف خلفي بارد وحار

والكثير الكثير

اخوك

لن امل من العطاء

[ديزب]

بارك الله فيك والله انك اسم على مسمى (لن تمل من العطاء)
في الحقيقة انا ناوي على كل اللي قلت بس متردد شوي ويوم انك ابديت رايك صار عندي زيادة ثقة لأن الفرق بين 1500 و 2500 حوالي عشرة آلاف ريال وكذلك عشرة آلاف للدفع الرباعي عن العادي وايضا عشرة آلاف ل 2008 عن 2007
اشكرك وأتمنى لك التوفيق ...

[ساري 111]

من تجربه في عالم الجموس من موديل
93مقاس2500
الى 98مقاس2500
الى 2001مقاس 1500ومقاس2500
الى 2005دينالي

اقولك خلاصه خبرتي ولايهونون باقي الأعضاء

انا بصراحه افضل 1500 على 2500

لعدد من الأمور افضل 1500منها/
.الموتر اخف من 2500 بفرق واضح لأن شاصيه اصغرواخف وهذا واضح رح شف الفرق بين الشاصين بالعين المجرده
. 1500 اريح بواجد من 2500 هذا سست وهذا ياي
. 1500 اقل صرف بنزين بنسه ملحوضه بشكل كبير
. مرغوب عند البيع

عيوب الـ1500
. الطلعات بالخطوط الطويله اذا صار الموتر محمل تأثر فيه يعني دائماً تلقاه يرد نمره اذا طلع طلعه وهذي يشترك فيها 2500 مكينه 6000 ولكنه بنسبه اقل


مميزات 2500
مكينه اقوى للحمل طبعاً وإلا بالمقاوم 1500 يقوم على 2500 (من تجربه)
بس الحمل 2500 يتحمل اكثر من 1500 حتى بعض الأحيان ماتحس انك محمل
دفرنسات وقير 2500 اقوى من 1500 ويتحمل المكده

عيوب 2500
يصرف بنزين داخل الديره بشكل كبيره اما بالخطوط العكس تماماً يشم البنزين شم
الموتر ثقيل استخدامه داخل المدينه
فيه مطب شوي
يخسر اكثر عند البيع (الدليل على عدم رغبه الناس له شف ايهم اكثر بالشوارع مع ان فرق السعربسيط)بالنسبه لي بصراحه من طلع الموديل الجديد ماشفت الاموتر واحد 2500بالشارع

فيه عيب في 2500 في الموديل الجديد 2007 2008 شكله بشع جداً وغير متناسق(وجه نظر)

الخلاصه انت اللي تحدد
اذا استخدامك للخطوط وراعي حمل واجد خذ 2500وإلا بالمدينه فهو ممل
اما اذا استخدامك داخل المدينه ولك سفره او سفرتين بالسنه خذ 1500 ولاتشاور احد (من تجربه)
الـ 1500 موتر خفيف ومريح ونشيط وصرفيته زينه

اتمنى اكون افدتك .. والسلام

[ابوعقل]

نصيحه

خذ مقاس 2500

والله منت ندمان ابد

اما مقاس 1500

شفه على الخطوط وشلون نازل من ورا كنه كراون فكتوريا

اهم شي خذه 4x4 حجم 2500

والمواصفات الثانيه انت براحتك تبيها ولا لا

[ابوعقل]

هذي شاشة الملاحه

تراه حلوه

بس عيبه ما تتحدث

http://www.Pixsup.com/uploads/4a61c65b29.jpg (http://www.Pixsup.com)

[ديزب]

اشكركم جميعا على تفاعلكم وصراحة انا جربت 2500 موديل 2001 لا يعلى عليه من حيث العزم وسرعة الفزة داخل الديرة وكانه صغيرة ، وخارج الديرة ما يبي له كلام لدرجة اني تعيفت من التويوتا وبعته ( بكلب سرق اهله ) ولكن بعت الجمس 2001 طمعا في موديل حديث ولكن الأخ ساري 111 ضرب على وتر حساس فعلاالشكل بشع جدا ولو قدر اني احصل 2006 جديد او اخو الجديد لخذته بدون مشورة ، على العموم اكرر شكري وتقديري للجميع والله يكتب اللي فيه الصالح ..

[VIP-503]

الشباب وفو وكفو وانا انصحك اهم شي اللون

[Ibrahim.O]

أنصحك بالشفروليه سوبربان حجم 2500

خصوصا اذا انت راعي خطوط

أنا معي سوبربان 2500 موديل 2005 وجربت 1500

بصراحة ال 2500 يتميز بالقوه ( اللي معي ماشاء الله يفحط بالثاني )

والصبر ويتحمل اللي يجيه وفي الخط ولاازين منه


اما ال 1500 مايتحمل ويطيح من ورى اذا انت تحمل

عيب ال 2500 الوحيد هو ان يطامر شوي لكن في الخطوط ثاااااااااااااااااابت

وبالنسبة للصرفية . ...... تقريبا صرفية ال 1500 مقاربه لل 2500 كلهم ماشاء الله اقتصاديين في الوقود

الفل يمشيك في الخطوط من 650 كيلو الى 600 وفي الديره من 550 الى 500

[ديزب]

اشكرك اخوي ابراهيم على المعلومات القيمة ، واتمنى للجميع التوفيق والسداد ....

[ابو الشباب3]

أنصحك بالشفروليه سوبربان حجم 2500

خصوصا اذا انت راعي خطوط

أنا معي سوبربان 2500 موديل 2005 وجربت 1500

بصراحة ال 2500 يتميز بالقوه ( اللي معي ماشاء الله يفحط بالثاني )

والصبر ويتحمل اللي يجيه وفي الخط ولاازين منه


اما ال 1500 مايتحمل ويطيح من ورى اذا انت تحمل

عيب ال 2500 الوحيد هو ان يطامر شوي لكن في الخطوط ثاااااااااااااااااابت

وبالنسبة للصرفية . ...... تقريبا صرفية ال 1500 مقاربه لل 2500 كلهم ماشاء الله اقتصاديين في الوقود

الفل يمشيك في الخطوط من 650 كيلو الى 600 وفي الديره من 550 الى 500
الله يطعمك من خيره ويكفيك شره على البركه مقدمآ:good: