نويت على الأف جي Fj وفيه أستفسار اذا سمحتوا

[خط الاقلام]

السلام عليكم ورحمه الله,,
كل عام وأنتم بخير , وتقبل الله صيامنا وقيامنا جميعا,

نويت إن شاء الله أشتري أف جي فل كامل جديد من أبو جميل وحبيت أسالكم,
هل فيه فرق مواصفات بين وارد أبوجميل وبين الخليجيات؟ ماأتوقع في الماكينه فيه فرق لكن اذا فيه مواصفات أضافيه من الداخل مثل الشاشه ونظام الملاحه ونوعيه المراتب.

سألت أبوجميل عن الشاشه ونظام الملاحه قال نطلبها لك وبتكلفك 9500 ريال !!!! مع انهم يركبونها في الغرابي بتقريبا 2800 ريال , وقالي اذا ركبت من عندنا يبقى ضمان الكهرباء واذا ركبتها من برا تفقد ضمان الكهرباء نهائيا . الله يصلحهم ويهديهم.

تحياتي للجميع وجزاكم الله خير

[التعـ King ـديل]

نصحيه اخو خذه خليجي يطيب خاطرك وخل ابو جميل وقرنبعاته بعيد عنك

مر على اليحيى بمعارض النسيم او البازعي او معرض عمان

ومبروك عليك الشهر والموتر الجديد ربي يطعمك من خيره ويكفيك شره

[أبو مسفر]

نصحيه اخو خذه خليجي يطيب خاطرك وخل ابو جميل وقرنبعاته بعيد عنك

مر على اليحيى بمعارض النسيم او البازعي او معرض عمان

ومبروك عليك الشهر والموتر الجديد ربي يطعمك من خيره ويكفيك شره

هو صادق اخوي
والتسعة الاف اللي تتعطيها ابو جميل علشان يستمر ضمانهم <<<<<<<< من زين هالضمان

حطها بفارق السعر عند البازعي والا اليحيى

[خط الاقلام]

شكرا لردودكم يا اخوان ,,

لكن ما احد قالي فيه فرق في المواصفات والا نفس ابو جميل؟
واللي فهمته من كلامك اخوي ابو مسفر ان اللي عند البازعي والا اليحيى اغلى من ابوجميل , ليه فرق السعر؟
واذا شريت من البازعي او اليحيى وش يصير الضمان , هل البازعي واليحيى عندهم ضمان لهم وعندهم ورش والا يحولونك على ابو جميل؟
تحياتي للجميع

[سيف الظفير]

راجع الرد رقم 2

[ولد العويني]

اسمع ونا خوك!!
انا عندي اف جي فل وارد ابو جميل


ولاول مرررررره السعودي وارد ابو جميل يصبح افضل من الخيلجي




مواصفات السعودي :


1. مكينه 4000 سي سي 240 حصان
2. 6 ارباقات <== 4 اماميه وثنتين خلفيه
3. 9 سماعات 6 سيدي
4. هوك خلفي
5. هزاز
6. مضخم صوت خلفي يعجبك اذا كنت راعي طرب!
7. ضمان الوكاله 100 كم او اربع سنوات
8. حساسات خلفيه عدد 2


مواصفات الخليجي اليحيي

نفس مواصفات ابو جميل لكن

بدون مضخم صوت

لكن وجود حساسات خلفيه عدد 4!!


السعر ابو جميل 117

اليحيي 115



انصحك با ابو جميل


صيانتهم تعتبر افضل صيانه وافضل وكيل بالمملكه


وبالتوفيق واي استفسار انا حااااااااظر ياغالي



لي رجعه

[كن كن]

عندي وارد جميل افضل

[الكيان]

خذ استعمال الامريكي افضل واقوى واحسن مواصفات من الخليجي والسعودي

[خط الاقلام]

شكرا لكل الاخوان وماقصرتوا,

اخوي ولد العويني هذا الجواب اللي ادوره , اذن مافيه اختلاف في المواصفات يستحق الذكر وللمعلوميه اخوي سعر الفل كامل من عند ابو جميل 119600 ريال , وهذا السعر اخذته امس منهم.
وان شاء الله عند ابو جميل في اقرب فرصه وبأخذ اللون الفضي.

تحياتي للجميع

[النحيف]

للأمانة بما أني من ملاك fj
الاف جي العماني فيه بلوتوث والخليجي نفس السعودي لكن فيه فرق بالسعر !!



هذا اللي أعرفه ؟؟

[ابو سلطاان]

والله شوف عبد الطيف موفر اشياء ما وفروها غيره وانت وضميرك تقبل مروري

[خط الاقلام]

أشكر لجميع الاخوان المشاركه والافاده , وماقصرتوا.

تحياتي للجميع

[بيبسي]

أخوي وارد عبداللطيف جميل افضل وعن تجربه السيارات الخليجيه اللي تجينا كأنها مشلحه ناقصه اغراض مثل الدركسون مافيه تحكم ولا فيه مثبت ولا فيه مضخم وغيره ... والسعر نفسه ولا حق عبداللطيف جميل فيه ضمان 3سنوات او 100 الف اما بخصوص الشاشه انا ماهضمتها ركب بلوتوث من الوكاله واشترلك قارمن او ماجلان أحسن لك من الشاشه اللي ماجت معه اصلا من اليابان

[سيف نجد FJ]

فعلا اخوي نصيحه شركة عبد اللطيف وبس وخصوصا مع الfj شفنا الخليجي وبصراحه مهب مثل الي عند جميل

هذا مالك وانت حر بس نصيحه خلك مع بو جميل هذي المره على الاقل بتاخذ الفل واذا ودك انصحك تنتظر موديلات 2009

[م.ابوسعود]

والله وانا اخوك انا اقول خذ من اليحيى افضل لانه انا شايفه بعيني السستم اللي ورا وبسعر 118الف ريال يعني ارخص شوي وعلى فكره تراهم يضمنونه لك ابوجميل غصب عليهم واذا كان عاجبك ابو جميل خذ من المعارض اخر علمي به 119 الف وابعد عن حق البازعي لانه بدون سستم.

[crash.mad]

يا ناس بالإمرات به سبع وكالات لتايوتا (يعني قاطعو أبو جميل) مع العلم إنه المواصفات بالإمرات أحسن بسعر أقل ورح شف ولا بالفرق ورح وشرط إنك ترجع وأنت داعين لي .:good: :D

[مدهوش]

عندي ملاحظة بسيطة على هالسيارة سمعت واحد من الربع يقول إن الـfj. فيه صوت مزعج ولا يسمعه إلا اللي راكب بالمقعد الخلفي أرجوا الإفادة

[ولد العويني]

الصوت المزعج ياطويل العمر


هاذي صوت الدبه الرياضيه


يعني صوت رياضي

ممممممم

زي صوت الجموس المضبطه بس على خفيف


والصوووووت طرب اذا كنت شبابي

[ولد وايل]

معي الاف جي االان كمل السنه


من رائيي تاخذ من عبداللطيف جميل لاني ماتوفقت فيه مشاكله معي واجده والان بالوكاله مشية عليه سفره وحده اكثر من 8000 كم الرياض اليمن عمان الامارات الرياض

ووخرب معي مانع الانزلاق

[خط الاقلام]

أشوف أغلب الأراء مع أبوجميل , وهذا ان شاء الله التوجه , فل كامل ولا فيه شي ناقص وابوجميل جنب البيت كلها خمس دقايق .

أخوي سيف نجدfj تنصحني انتظر 2009 هل فيه تغييرات عن اللي قبل مع أني سألت موظف في وكاله أبوجميل قالي مافي تغيير أبدا , وحسب معلوماتي البسيطه انه اذا نزل الموديل الجديد على موقع تويوتا العالمي بعدها بكم شهر يوصل عندنا ,والى الان مانزل 2009 على موقع تويوتا يعني شكله شوي مطول ال 2009.
اذا يا اخوان عندكم معلومات عن تغيير في ال 2009 ياليت تكتبونها نستفيد منها , وجزاكم الله كل خير.

تحياتي للجميع

[مجالس الرجال]

لايهمك اللي يقولون خذ سعودي ولا تتردد واللي يقول الخليجي ارخص ماعنده سالفه على ذمة اللي راحو للإمارات
الفل السعودي فيه 8 ارباقات (بعض الناس ماينته للي بالمراتب)
المواصفات رقم 2 السعودي افضل الموجود

[التعـ King ـديل]

اخوي اذا احترت فاانا عندي لك حل اذا تبي خليجي خذ من وكيل بالامارات او قطر وقتها ابو جميل يصلح لك الموتر بالضمان لان ضمانه دولي ولا تاخذ من معرض وتقول ليش بدون ضمان

واذا اخذت من معرض مثلا ولقيت مواصفات احلا ترا ب 2500 تفتح ملف صيانه عند ابو جميل على الضمان حق الوكاله يعني الامور مسهله بس انت اختر الموتر اللي يجوز لخاطرك

[خط الاقلام]

أخواني , حصل لي اليوم اخذ أف جي من ولد عمي وتمشيت فيه في الرياض , سواقته ممتعه تحس الموتر متماسك والطاره مليانه وعزمه زين ماشاء الله , لكن كأني حسيت أن تنسيم الهواء داخل السياره شوي زايد وصوته عالي !! والا يتهيأ لي؟؟

تحياتي للجميع

[ولد وايل]

صوت الهواء قوي لان الانسابيه عاديه

[عاشق بس محروم]

خذ من ابو جميل ولاراح تندم انا صيانة الكزس مافيها الا العافية مادري عن صيانة التويوتا مثلها ولا كيف والله معاملتهم في الكزس حلوة وصيانتهم احلى

والله يعطيك خيرة ويكفيك شرة

[سيف نجد FJ]

شوف اخوي

بالنسبه للسعودي اذا انت بالسعوديه اشتره من عبداللطيف وخل عنك شغل الخليجي لاسباب كثيره اولها ان اهل الامارات يشترون من عندنا وهذا واحد من اسباب ان الfj خلص بسرعه في الدفعات الاولى

ومهب بس كذا حتى اكسسواراته ما شاءا لله عليهم قضو عليها و السبب اسعر المرتفع عندهم

وبالنسبه للموتر مافيه اي فرق يذكر غير الغطاء الخلفي للاسبير وبالنسبه لي الي عندنا هو الاحلى

وبعدين الخليجي في بعضه منقص مواصفات اما الفل ابشن الي عند عبد اللطيف جميل هو فل ابشن صحيح من ناحية الاضافات الميكانيكيه وحتى الاكسسوارات الآن متوفره

وبعدين ترى التويوتا واحد و المصنع واحد و الاضافات اذا هي شد بلد تتسوى

بالنسبه ل 2009 فعلا فيه نشره وصلتني من تويوتا فيه تعديلات لكن السؤال هذي التعديلات بتجينا في 2009 ولا 2010 وهي بصراحه اضافات اكثر من انها تعديلات لكن طبعا لا تتوقع بنفس السعر اكيد راح يزيد (( لكن فيه ميزة فصل التراكشن و مسند الرأس النشط هذي مهمه صراحه ))

و الحين سمعت انه فيه عرض رمضاني وسعر جيد وانت الحكم استخير ربك