مراتب الهايلوكس من يركبها...... مهم جداً

[راعي سمنان]

اخواني ....... السلام عليكم ورحمه الله وبركاته ..

انا عندي هايلكس 2003 دفرنسين وابي اركب له مراتب ، المهم شرينا المراتب ( مراتب فور رنر ) بس ملقينا اللى يركبها يمدحون سوداني بالغرابي سبق وجربته الله يزيد النعمه شغله اي كلام ( نفس شينه وجلدً .... ) يعني شغله تعبااااان مره المراتب مايله ولا عرف يوزنهن .
اخواني اذا فيه احد يعرف ورشه بالرياض او القصيم او اي مكان المهم يضبطون تركيب المراتب يعلمني عنها .
سمعت عن ورش بالرس مدري بعنيزه , اذا فيه احد من اهل القصيم يفيدنا مشكورين ,

[عباث]

السلام عليكم ورحمة الله وبركاته
اخوي انا عنديلك ورشه بعنيزه يسون لك اللي تبي تراه ورشه سمكره اسمها الضمان

تمنياتي بالتوفيق للجميع

[راعي سمنان]

تسلم اخوي عباث ومشكورعلى المرور و المشاركه وهذا طبعكم يا اهل عنيزه تذبحون الواحد بطيبتكم وكرمكم والله ما اقولها مدحه والله حقيقه وبشهاده الجميع ولا يهونون الجماعه .

ابي لو كلفت عليك اخوي تعلمني عن طريقتهم بتركيب المراتب ( بعض الورش مايشق بالدريل فتحات اضافيه نفس مسامير وصواميل شد بلد يوصلون بينهن قاعده حديد ثم يركبون عليها المراتب ) وهل ياخذ الموتر عندهم وقت او عصريه وهو خالص شغله ترى اخوك راعي سمنان من اهل الرياض .
ومره ثانيه مشكور على تجاوبك وتعبناك معنا ( العذر والسموحه اخوي ) .

[عباث]

السلام عليكم ورحمة الله وبركاته
هذا والله من طيبك ولا عليك زود
بالنسبه للتركيب فهو على الطريقه اللي انت تبي واللي اشوفه افضل انه يفصل كرسي للمرتبه بحيث انه اي وقت تبي ترجع المراتب الاوله ترجعها بدون اي مشاكل .
اما بالنسبه للوقت على حسب الشغل ولااعتقد انه ياخذ اكثر من يوم .
واذا حبيت تلفون صاحب الورشه برسله لك تاخذ من راسه

تمنياتي لك بالتوقيق

[راعي سمنان]

اخوي عباث تسلم على التجاوب اخوي اي والله ابي رقمهم كان ما عليك كلافة والوصف ان قدرت .
ومشكور مره ثانيه

[عباث]

السلام عليكم ورحمة الله وبركاته
بالنسبه للوصف هي على شارع الثلاثين بصناعيه عنيزه اللي هو الشارع العام . واسمه الضمان لصيانه .
وهذا رقم جوال صاحب الورشه 055170320

وشكرا

[عبدالله الصالح]

السلام عليكم ورحمة الله وبركاته
اخوي عندك ورشة السليمان بالصناعية بالرس قبل مخرطة العساف وفية واجد.
اخزك القصمنجي...

[راعي سمنان]

اخوي عباث تسلم على المجهود والله انك كفيت ووفيت ومشكور الف مرف .

اخوي قصمنجي ماقصرت على المشاركه تسلم

[أبـــو جنــدل]

اسمع يا اخوي افضل محل في الرياض يركب تلبيسة مراتب جيده هو محل ـ اسرار التيوتا ـ في الصناعيه القديمه ـ رقم المحل ( 4531166 )