نقص زيت الباثفندر

[مستكشف الدروب]

السلام علكيم

ما سبب نقص الزيت في الباثفندر وهل يوجد لها حل ؟

[كن كن]

يقولون الباثفندر نقصه طبيعي حتى الجديد كذا مدري وش السبب
ما عليك كل 3000 غير زيته وبس لا تناظره ابد

[escape_man]

هذا تبخير وانا اخوك

كان معروف بالامريكي من قبل ولا كنا نستنكره

وبالنسبة لي ..كنت استخدم الترا 7 وهو جيد ..لكن يوم من الايام مشيت على الباث لابها ويوم وصلت الا هو ناقص علبة كاملة ..

عبيته وعقب اسبوعين نزلت جيزان وغيرت الزيت بجي تي الاسود .. رحت مع الساحل لجده ثم الطايف والرياض ولا نقص ابداً.

فشكلي باستمر عليه مع عدم معرفتي بالسبب

[449]

جميع الباثفندر ينقص زيت عيب تصنيع
اعرف واحد معه 2005 ماشي 96 الف كلم ومع ذلك ينقص الزيت عنده
سأل الوكلة قالوا كلها فيعا هالعيب من المصنع

[مستكشف الدروب]

اذن العيب مصنعي


بارك الله فيكم جميعا

[escape_man]

اذن العيب مصنعي


بارك الله فيكم جميعا

الددسن ينقص والمكسيما تنقص .. كلها مجربها انا

هي عملية تبخير لا اكثر ولا اقل

حتى راعي المشحمة قال ان الكامري الجديدة تنقص يوم جلست اسب في نيسان

على كل حال .. مكاين نيسان جبارة ولو مابها الا هالعيب فمقبولة

[مستكشف الدروب]

الددسن ينقص والمكسيما تنقص .. كلها مجربها انا

هي عملية تبخير لا اكثر ولا اقل

حتى راعي المشحمة قال ان الكامري الجديدة تنقص يوم جلست اسب في نيسان

على كل حال .. مكاين نيسان جبارة ولو مابها الا هالعيب فمقبولة


صحيح الكامري قرات انها تنقص زيت


شكرا لك اخي ابن غييثات

[م.ابوسعود]

ياعزيزي مافيه سياره بالدنيا ماتنقص بس يختلف مقدار النقص من سياره لسياره ونوعية الزيت وطبيعة القياده . انا وانا اخوك موتري الهلي ينقص اذا جيت اغيره القاه ناقص له ربع علبه فوسع صدرك وكل اسبوع عايره وانتهت المشكله .

[عاشق مطر]

ياراعي الباث عندي لك حل لاصار يوم الجمعه لايردك الا المعارض وشكرا

[التعـ King ـديل]

عاشق مطر بالعكس الباث موتر قل وجوده هالايام خاصه موديلات 2003 - 2005 والدليل شفه بالسوق اغلا سيارات نيسان وبالنسبه للنقص فهذا علشان التبخير ويختلف حسب الاستخدام يعني انا كان عندي باث 2005

وماكان ينقص اكثر من ربع علبه مع العلم اني اسافر عليه واستخدامي اليومي لا يقل عن 200 كيلو ومع ذلك ماكان يشكي من النقص الا في بعض الاوقات لمن اكون جالده خط طويل بدون وقفه الاقي اقل من ربع علبه

ناقصه فيه فقط واذا على نقص الزيت مقابل فخامه وراحه وقوه يبوي تفداه كل المشاحم

[مستكشف الدروب]

ياعزيزي مافيه سياره بالدنيا ماتنقص بس يختلف مقدار النقص من سياره لسياره ونوعية الزيت وطبيعة القياده . انا وانا اخوك موتري الهلي ينقص اذا جيت اغيره القاه ناقص له ربع علبه فوسع صدرك وكل اسبوع عايره وانتهت المشكله .
شكرا لك ابو تيسير

[مستكشف الدروب]

ياراعي الباث عندي لك حل لاصار يوم الجمعه لايردك الا المعارض وشكرا

الباث ممتاز لو لا الخرابات وقطع الغيار الغالي


لو بعته وش اشري بقيمته مثل مواصفاته

[مستكشف الدروب]

عاشق مطر بالعكس الباث موتر قل وجوده هالايام خاصه موديلات 2003 - 2005 والدليل شفه بالسوق اغلا سيارات نيسان وبالنسبه للنقص فهذا علشان التبخير ويختلف حسب الاستخدام يعني انا كان عندي باث 2005

وماكان ينقص اكثر من ربع علبه مع العلم اني اسافر عليه واستخدامي اليومي لا يقل عن 200 كيلو ومع ذلك ماكان يشكي من النقص الا في بعض الاوقات لمن اكون جالده خط طويل بدون وقفه الاقي اقل من ربع علبه

ناقصه فيه فقط واذا على نقص الزيت مقابل فخامه وراحه وقوه يبوي تفداه كل المشاحم

شكرا لك عسول على المشاركة

[عبدالرحمن]

السلام عليكم
معي باث 2005 قبل شهر جيت امسك طريق الشرقيه وقلت خلني اشيك الزيت ولقيته ناقص علبتين كامله وعبيتها مره ثانيه و كملت خطي , ونفس الشي ما ادري وش العله , وعندي الدفرنس الخلفي عليه زيت من فتره ولا اعرف السبب .

[escape_man]

السلام عليكم
معي باث 2005 قبل شهر جيت امسك طريق الشرقيه وقلت خلني اشيك الزيت ولقيته ناقص علبتين كامله وعبيتها مره ثانيه و كملت خطي , ونفس الشي ما ادري وش العله , وعندي الدفرنس الخلفي عليه زيت من فتره ولا اعرف السبب .

خط الشرقية !!

مايمديه ينقص ..

تاكد ياطويل العمر من الي عبالك الزيت .. بدون سيفون ياخذ 5 علب الا 20 ملي لتر .. وبسيفون 5 علب كامله

ثانيا: لا تسرع وتمشي فوق 120 لحين ماتتاكد ان النقص عادي او مشكلة حقيقية

غير هالمره زيت جتي فوكس علبة سوداء .. انا جربته ومعاد نقص موتري

تاكد من التهريبات ..الصره ومكان تركيب السيفون

اذا مازال ينقص فراجع الوكالة .. يغيرون الزيت ويقولون راجعنا بعد ماتمشي 2000

وربي يسمح امرك