دلوني على ورش زينة وبعض القطع .. ( توجد صورة من الصدمة )

[إعصار]

السلام عليكم ورحمة الله وبركاته



الشهر عليكم مبارك , جعلنا الله وإياكم من صوامة وقوامه


/


الله يكافينا وإيّاكم من الشر , صدمت البارح بموتري ..


والحمد لله لا تذكر أضرار بشريّة .. وتم التنازل من قبل الطرفين:D


وهذي صورة من الصدمة .. الموتر سوزو 2004


http://www.rofof.com/img/9hpp47p.jpg (http://www.rofof.com)


/


مدري عن التكاليف المبدئيّة كم توقّعون تكلف ؟
وتعرفون ورشة تزبط التعديل ؟ أنا بالرياض في الغرب ..


وبسأل عن المراوح , يقولون فيه مراوح تقلل من صوت الديزل وفي نفس الوقت تقلل من الصرفيّة ..


/


شكراً للعزيز / إعصار .. لتسليفه لي اليوزر ! :p


وجزاكم الله خير :)

[إعصار]

ترى عايدي أحد يرد , ولو الحمد لله ع السلامة :p

[صصعفق]

الحدلله على السلامه

[العيسمود]

الحمدلله على السلامه

[ناوي نيه]

الحمدلله هلى السلامه والله انا مالي بلرياض الشباب يفيدونك انشاءلله
بس لا تستعجل

[ابو شهد جدة]

الف سلامة عليك في الحديد يارجال.

تصدق وانا اخوك.

[L I M I T E D]

الحمد لله على السلامه ،، لعل في الامر خيره

الموتر من الصوره يبي :

- صدام امامي
- سمكرة الكمبوت او تغيير ان ادعى الامر ذلك
- اعاده وزن الرفرف الايمن
- اسطب ايسر
- ( مادري وش جاء الرفرف الايسر او انه سليم
أيضا ماادري وش جاه في داخل الكبوت )

وبالنسبه للورشه مااقدر افيدك صراحه

[يحيي بن حمد]

الحمد لله على السلامة ومعوض خير

[The Story]

وعليكم السلام والرحمة والإكرام
.
.
الحمدلله على السلامة

في الحديد ولا فيك يالغالي

معوض خير ان شاء الله

والله يستر علي يارب

[إعصار]

:)
الله يسّلمكم من أوّلكم إلى تاليكم
والله يحفظنا وإيّاكم من كلّ شرّ وسوء
أشكركم جدّا ً على مروركم

/


شكرا ً للإفادة أخي / ليمتد .. :D

ولازلت ُ أطمح ُ في المزيد .. خصوصا ً أجوبة لـ الأسئلة أعلاه !

بارك الله فيكم ونفع الله ُ بكم
:)

[a.n.a.kh]

والله ما لي علم به

والحمد لله على السلامه

[الصمان 2]

الحمد لله على سلامك

والموتر صدمته خفيفه .

وبما أنك في غرب الرياض رح لصناعية أم الحمام .

وان كان الموتر يشتغل تقدر توديه للصناعية القديمة يكون أفضل .... وتشوف كم يكلف .

والحمد لله على سلامك .


.

[شامخ ألهيلا]

حمد لله على السلامه وانا اخووووك

طال عمرك مادامك بغرب الرياض قريب مني يعني

فيه بالشفاء مركز الجرفين وشغلهم قووي ورخيص

وفيه بالصناعية العاصمه ورشة الشامل لسمكره بس غالين شووي

واذا تبي شغل حلو ورخيص وعماال اتراك

في الصناعيه القديمه ورشة تيماء وشغلهم نظيف مرره وسعرهم حلوو

واذا تبي وصفهم من عيووني لك

[الوافي4482]

الحمد لله على السلامه

[إعصار]

أناقة
تسلم , وما تشوف شر ّ

الصمان 2

الموتر ما يشتغل الرديتر يخر ..

الله يبارك فيك

شامخ ألهيلا



الله يسلّمك ويسمّنك يا غالي ^_^ < - - مسوّي إنّي شايفك :p
نتشرّف بك والله يالغالي ..


/


بالله لاهنت اسدح لي وصف الجرفين وتيماء ..
لو جيتك مدحدر من مخرج 28 ونازل تحت يمّكم


/


بانتظارك يا غالي
^_^

[شامخ ألهيلا]

تيماء بالصناعيه القديمه وانا اخووك بعد مركز الرشيد تويوتا ووجهك شمال اول لفه لف معها وشفها في الصفه الي على اليمين ورقمهم المهندس صلاح 0506231399

اما الجرفين في وسط صناعية الشفاء ومحله صعب وصفه

والشامل في الصناعيه الى عند مخرج 28 تدخل من عند النهدي لقطع الغيار الى على شارع المدينه وشفها خامس او سادس ورشة على اليمين فيها سودااني

[إعصار]

طيب ياغالي , وش تنصحني فيه الجرفين ولا تيماء .. ؟
عشان أشقل الموتر مرة وحدة بالسطحة ..

والله يبارك فيك .. ولا يرينا وإيّاك مكروه في حياتنا وكل مسلم

[محسن اليامي]

حمدالله على السلامه

[علم199]

الحمد لله على السلامة وحاسمة الشر ان شاء الله.

[شامخ ألهيلا]

الشوور طاال عمرك رح لتيماء في وسط الصناعيه وشغلهم عدل وهم اخر ورشة صلحت سيارتي عندهم والحمدلله مو مبين فيها اي شي من الرش والصدوم

ويكون قريب لمك قطع الغيار وكل شي حوولك

[ملاحق السيول]

الحمدلله على سلامتك والله يعوضك إن شاء الله الصور ماطلعت

[أبو حطب 2008]

سسسسسلمات خرعتني عليك احسب صار فيك شىء(متى المعرفه)هههه
اخوي الحمد لله على سلامتك
في حديد ولافيك
الحديد يتعوض
لاكن من وين نجيب اعصار مثلك (احس انك بتقول لالالاداعي لللإحراج)
و(خلاص بالع رادو انت)
آسف مع السلامه

[as-315]

الحمد لله على السلامه
قيه ورشة بالشفاء شغلهم حلوو توني مطلع منهم سيارتي
اسم الورشة ورشة الغامدي في صناعية الشفاء
رقم جوال المدير 0503286654 اسمه أحمد غريب
وترا شغلهم ممتاز وسعرهم مناسب
و أي استفسار انا حاضر

[هـدد]

الحمد لله على السلامه حديد بداله حديد
شف مركز وفى بصناعية الدايري هذا للورشه
اما القطع رح للصناعية القديمه آخر شارع سلمان نسيت اسمه المهم بجمب البنك الاهلي يعطيك اصلي وعليه خصم


الله يعينك واي استفسارات اخرى
تقبل مروري

[L I M I T E D]

فيه ورشه في صناعيه العروبه

اسمها المهندس

حليوين وشغل كويس

بس اذا بتشتغل عندهم نبه عليهم ان مايشتغل بالموتر

الا لافلبيني لا يشتغل فيه السوداني ..

[إعصار]

الله لا يهينكم يا جماعة
ما قصّرتوا ..

/

مدري وش قلب رأي الوالد الله يحفظه ..
واحد وصّاه على ورشة يقالها ( الشامل ) في صناعية العاصمة
وارتاح الوالد لهم . .
يوم جينا له قال شغل يد 2400 ريال , عاد الوالد بدى يمارس لعبته في تكسير الأسعار .. ثم قال 2000 ؟
الوالد ما أعجبه الوضع , قال شوف طبعا ً بعد سكتة صارمة وتحديق في العينين وقال أبي سعر ما أبي أجي عقبه .. يعني قل لي يا بهالسعر ولا شل موترك ..
قال أبوي عقب طول بـ 1500 ريال ؟
السوادني شد عيونه وقام يفكر مليا ثم قال ما نختلف إن شاء الله نزل الموتر

الوالد يقول متوقعه يعي مدري شلون وافق ههههههه
طبعا ً ارتفع السعر عشان الشاصين الأمامية متضررة ..

مدري عن رايكم في الشامل أحد صلّح عنده شيء ؟

/


وأشكركم من كل قلبي على أخلاقكم ونصحكم
والله أسعدتموني كثيرا ً أنا والوالد بعد ..
جزاكم الله خير :)