استشــــــــــــــــــــــــــــــارة لاهل الجيوب

[ابو محالة]

السلام عليكم ورحمة الله وبركاتة

اخوانى الكرام شهركم مبارك

عزمت بأذن الله على شراء سيارة جيب 2009 ومحتار بين التويوتا (مسخرة الارض ) كما يحلو

للبعض تسميتة او النيسان اللى يقولون انة بيتغير

اخوانى الكرام انواع مفخرة الارض واجدة والمعارض واجدة وخليجى وسعودى مادرى وش الزين

وش التوب وش الاسعار اشترية من هنا اومن برا

انا ابى الفل الكامل ونش شاشة

وهل تنصحونى فية او لا علما انى راعى بر يعنى اجرة على الشوك والرزاق الله ؟

اللى عندة خبرة لا ينسانا ولة الاجر والثواب بأذنة تعالى

لكم تحياتى

[الساهر2003]

اخوي نصيحة غير التايوتا لا تدور
وجهة نظري ولك الخيار وممكن تمر معرض اليحيى وتشوف اللى عندهم مواصفات خليجي
الله ييسر امرك

[عاشق السيل]

وعليكم السلام ورحمة الله وبركاته ،،،

نصيحة لوجه الله وبنفس الوقت ( رأيي الشخصي ) خذ سوبر سفاري فيه مواصفات كثيرة وفرق السعر شاااااااسع مع التويوتا ،، وفوق كل هذا أريح وأنشط وأخف نفس ،،، وخاصة إنك تقول التويوتا (( مسخرة الأرض )) ،،

الاختيار لك وعسى الله يوفقك للي فيه الخير وتقبل مروري يالغالي ....

[ابو شهد جدة]

طيب روح شوف الباجيرو يمكن يناسبك؟

[oooASHooo]

شف اذا أنت راعي بر وما عندك عائلة خذ شاص وأنت مغمض اما اذا انت راعي بر وعندكـ عائلهـ عليكـ باترول Gl بر ومدينه وسعره مقارنة بالتايوتا رخيص أما اذا أنت راعي ديره وتبي جيب خذ سوبر سفار 1 ولا 2 لك الخيار ...

واذا فلوسك من 70 الى 100 خذ لك فورتشنر تراهـ سنايدي قوي وخفيف ومريح ...

بالنسبه لتايوتا ::D تايوتا تايوتا موتر عمي ما يوتى :D

أتمنى اني أفدتكـ
:)

[Pop Up]

ياخي سمو السيارات باسمااائها


لاجيب الا جيب Jeep

[شمالات نجد]

لا جيب إلا باترول ولاندكروزر :)

عندك موترين كلهم زينات

سوبر سفاري مراتب ليست جلد

لاندكروزر gx أو gxr يجي فيه ونش ودخول ذكي حسب المواصفات (خليجي)

وسعرهم حول بعض

الله ييسر أمورك ويوفقك بالموتر الزين

سلام

[ابوجعفر]

الجيوب الحقيقيه باترول والاندكروزر بس اذا انت مثل بعد فتره تبيع خذ الكروزر واذا انت تقول ماني بايع خذ باترول


والله يوفقك...........مع تحياتي

[ابو محالة]

اشكر الجميع على ردودهم ومرورهم وجزاكم الله خيرآ


واتمنى المزيد

[راعي طويلات]

وعليكم السلام ورحمة الله وبركاته ،،،

نصيحة لوجه الله وبنفس الوقت ( رأيي الشخصي ) خذ سوبر سفاري فيه مواصفات كثيرة وفرق السعر شاااااااسع مع التويوتا ،، وفوق كل هذا أريح وأنشط وأخف نفس ،،، وخاصة إنك تقول التويوتا (( مسخرة الأرض )) ،،

الاختيار لك وعسى الله يوفقك للي فيه الخير وتقبل مروري يالغالي ....
أنا مع كلام أخوي عاشق السيل :good:
لأن مسخره الارض مثل ماذكرت ماينفع للبر وسعره مبالغ فيه رنج روفر على غفله:no2:
واذا تبي شوري دور لك سوبر سفاري 2007 ماشي شوي اول شيء بتلقى قيمته معقوله وفيه فرق كبير بينه وبين ال2008 في السعر ;)
اوخذ لك سفاري 2 جديد واذا تقدر على السوبر ازين وازين :D

[AMAZ]

مر على العيسائي عنده باجيرو فتحت سقف مراتب جلد شاشة مع gps جميع الموصفات سياره راسية وقويه . كله 138 الف . لكن خذ ابو 3800 سي سي . بالسعر هذا ماتصل سياره مثلها نثائي .وقطع الغيار ترى كل السيارات قطعها نار والوكالات ماحد يغير عندهم سوى صيانه ابو خمس الف وبعدها اسحب عليهم . لانه حتى الوكلات الثانية حرامية انا معاي لاند كروز رحت لعبداللطيف جيمل صيانة عشرة الاف كلفتني 450 ريال قالت ليش قالو غيرنا زيت وفحصنا خمسة عشر نقطة قالت ايش قالو (ماء اديتر - ماء المساحات - مستوى زيت الفرامل - ضغط هواء الاطارات .... وغيرها من التفاهات ) ومن يومها شطبت عليهم . والهدف من كلامي هذا كله خذ باجيور ولا تسويله صيانة عند الوكاله نهائي .

[باوزير]

خذ gx 2008 لا نكروزر 8 سلندر
او سفاري 2008 غيرها لا تدور

[ابوالعز4800]

الله يعينك وانا اخوك مريت بمثل مامريت فيه ...
لكن شفت وش دراهمي تجيب وكنت محتار بين اللاندكروزر والسفاري رحت وشفت النيسان سفاري2 قيمته 140000 وفيه مواصفات حلوه بالحيل وشفت اللاند اللي بحول القيمة يمكن سياحي مادري لكن قلت ليش اخذ موتر مافيه الا كرسي ودركسون ومسجل تايوني وجمبه النيسان ياباني100% ومكينته اقوى من اللاند وكل الموترين مجربات وكلن يمدح فيهن واللي شجعني اخذ السفاري انه يبي يتغير بتقول واذا تغير ابقولك ان هذا ياباني ويمكن ينزل الجديد امريكي مثل الباثفندر 2005 ياباني و 2006 امريكي وغير كذا انا معجبني شكله ومواصفاته اللي تستاهل سعره -واذا تبي اي استفسار عن السفاري انا جاهز باللي اقدر عليه- .
قبل مروري اخوك ابو العز...