لأصحاب الهايلكس (( 4×4 )) 2008 إستشارة

[oooASHooo]

السلام عليكم ورحمة الله وبركاته

الموضوع باين من عنوانه حبيت أشري هايلكس دفرنسين بس ما قد جربته لذلك للمجربين وش رأيكم به ؟

وكيفه بالديرة و بالبر ؟

هل تفي بالغرض لاني مخطط على وحده ..

واذا فيه محلات تأجر الموتر ياليت أعرفه لاني حاب أجرب الموتر بنفسي ..


واذا عندكم صور له مضبطه تضبيط بر الله لا يهنكم عطونا ..


(( الله يرفع قدركم ))

[ابو ناصر2020]

الموتر ماعليه كلام


قوه وصبر وغني عن التعريف

وهو موتر عملي

بس سؤال انت وش معك قبل تشتري

لانه عيب الهايلكس الوحيد هو 4 سلندر

[oooASHooo]

معي شاص أو كان معي شاص لكن قبل الحين تركت البران والصيد البعيد يعني اذا طلعت صيد كل طلعاتي تقريباً زفلت وما تتعدى 250 كيلو لذلك حبيت شكل الهايلكس ما تهمني السرعه والتسارع يهمني المركب والراحة ..

[.أبوعبدالرحمن]

اعقلها وتوكل

والسيارة ما شاء الله تبارك الله مبدعه


خفيفة ونشييييييييطة وشكلها مرة رائع


توكل على الله

[لن أمل من العطاء]

حبيبي

شوف الرابط هذا تجربة فريده من نوعها للهايلوكس التي انت ذكرت

http://www.mekshat.com/vb/showthread.php?t=126017

[oooASHooo]

^
^^
^
^
^^
تسلم ياخلفهم

[سيف الظفير]

والله 4*4 يقولون من ربوه ضعـــــــــيف بالحيل بحكم الـ 4 سلندر

[جب هآت ود عط]

العلم الي عندي انه الهايلكس موتر عز دبل ولا بدون دبل ولي بدون دبل انشط من 4x4 بس اذا انت حق بران وتبعد خذلك 4x4 واذا انت حق نفود وطعووس وتبي تلعب في الطعوس خذلك بدون دبل نشيط ولو يكون غماره احسن والغمارتين بعد اوكيه