سؤال لاهل الخبره سوزوكي ولا دايهاتسو [الأرشيف]

مشاهدة النسخة كاملة : سؤال لاهل الخبره سوزوكي ولا دايهاتسو

سيف نجد FJ

06/09/2008, 10:01 PM

السلام عليكم

شباب ادور لي على على موتر صغير جيب اربع سلندر فكرت بالسوزوكي الجيمني

http://www.automiddleeast.com/newcars/2008-suzuki-jimny/image

او الدايهاتسو الصغير

http://www.automiddleeast.com/newcars/2008-daihatsu-terios-review-price-specs/image

وبصراحه انا مايل للسوزوكي اكثر بسبب الدبل و المكينه بالطول مهب عرض يعني احس فلسفته اقل بس الدايهاتسوا عند ابو جميل

على العموم الهدف منه هو كل يوم دوام ومشاوير غبيه وحفر وكل اسبوع طلعت بر طبعا لما اقول طلعت بر ما اقول طعس التحدي يعني لحد يقول ربع باترول و لا شيروكي تكفون انا لي بالموجود ياله على قد الجيب

بر معناته تطعيس ومطامر على الرمل وكرف ولعنت والدين و اعرف انها بتتحمل الكرف

عاشق الرفاليو

06/09/2008, 11:00 PM

من ناحية الشعبيه والشهره اعتقد السوزوكي افضل لكن الد يهاتسو حلو لاانه اربع ابواب والشباب انشالله راح يفيدونك

wafi6556

07/09/2008, 04:20 AM

السزوكي حليل....

ابومشاري 111

07/09/2008, 05:03 AM

السلام عليكم اخوي الغالي سيف نجد .. انا افيدك بالدايهاتسو لاني بصراحه مثولث عنده وعلى قد قريشاتي ..
طبعا دفع رباعي وتصنيع وتجميع ياباني 100% ..

صغير وذف وصرفيته حليله للبنزين .. وانا ناوي اخذه ان شاء الله كلها كم يوم وبيصير معي بأذن الله وإذا بتصبر اعطيك دوره تجربه ..

اما السوزوكي ما اعرف عنه شي ابد ..
وتقبل مروري يالغالي ..

الستانس

07/09/2008, 05:55 AM

انا خابر لي واحد معه سزوكي 2003 طاير به تقل هدد ويمدحه ويقول ما فيه احسن منه من بين كل الجوب
هذا كلام صاحب الموتر

وانا عن نفسي لا اقتنعت بذا ولا بذاك
وتراه غويلي شوي يصك 40000 الف

والله يرزقك اللي فيه خير

AL must7eeL

07/09/2008, 06:45 AM

والله ياخوي

اني انا بعد افكر في السوزوكي بس..؟!

اللي مخليني متردد سعره المرتفع شوي !!!

ولا هو داخل مزاجي بالحيل..!

أقل فئة أعتقد بـ43000 ريال..!

وأنا من مكة وناوي أنزل جدة إن شاء الله أشوف المعارض يمكن أحصله بسعر أقل من الوكالة !!

والله يرزقنا ويرزقك

سيف نجد FJ

07/09/2008, 12:40 PM

مشكورين شباب على المرور وماقصرتوا

فعلا السوزوكي سعره غويلي شوي وخصوصا ان مكينته 1.3 لتر بس وانا حاس انها قليله جدا " قاهرتني "

بالنسبه للدايهاتسو لقيت في النت ان مكينته 1.5 لتر يعني ارحم شوي بس برضه ما ادري كيف عزمه وينفع اخذه اوتوماتيك ولا عادي ولا ادري عن سعره بعد

بس الدايهاتسو فعلا اوسع و احلى و من ناحية ياباني هين الاثنين متساوين

والله ما ادري مازلت حائرا .

اخوي لاكازار على البركه الموتر

اخوي المستحيل شف وش الي صاير و رد لنا

AL must7eeL

14/09/2008, 05:03 AM

اخي سيف نجد بعد التحية والسلام

افيدك علما بأني قد ذهبت إلى جدة وبحثت في المعارض اللي بالخمرة حتى وجدت ثلاث سيارات 2008 واحدة في معرض ريف الحربي

واثنتان في معرض الهياس وكيل بامعروف للسوزوكي!

وبعد الفصال والكلام وصلنا إلى سعر 39 الف ريال شامل لوحة واستمارة وتأمين!

لا يوجد سوى اللون الأبيض!

أقل فئة سعرها في الشركة 43000 ريال !

اي انه بعد المفاصلة في المعرض نزلت لـ39000 ريال!

عيب واحد في السيارة ازعجني وهو عدم وجود مسجل...!!!!
ولكنه مكانه موجود تستطيع تركيبه عند محلات المسجلات!

السيارة مكيفة زجاج عادي!

هذا والله الموفق

سيف نجد FJ

15/09/2008, 04:18 PM

افا

اوكي ماشي مافي مسجل بس زجاج عادي صعبه

مشكووووووووووور اخوي وماقصرت

سطام vip

16/09/2008, 06:42 AM

بسم الله الرحمن الرحيم

اخوي سيف نجد

الديهاتسو شكله احلى من السوزوكي بس يا خوي احسه ماهو عرض

وقفت وراه عند اشاره وجالس اضحك عليه لو يركبون اثنين ورا كتوفهم

بتطق بعض مدري عاد هذا هو الي تقصده احسه ضيق

والسوزوكي لو انا مكانك ما اخذته وكاله ابد ياخوي دور لك واحد

موديل 2008 مستعمل استعمال خفيف او على الاقل جديد في المعارض

بتلاقيه بسعر ارخص لان هالسيارات تطيح من قيمتها واجد اذا طلعت من الوكاله

والله يوفقك اخوي ويسهل أمرك ويكتب لك الي فيه الخير

شامخ ألهيلا

16/09/2008, 06:55 AM

اخوي تبي الصراحه

والله لاذا ولا ذا لو تشتري غمارتين انه افضل سوا ددسن او هايلكس او اسيزوا

واذا انت مصمل لاتاخذ من الوكااله
عليك بالمعارض بتلقى نظييييف ورخيص

وسلامتك اخووي

oooASHooo

16/09/2008, 07:08 AM

شف بكلمك عن تجربه ..

ركبت الموترين ..

السوزوكي خفيف وحليل وما فيه صرفيه لكن راحه شبه معدومه وضيق جداً ..

الديهاتسون إستأجره واحد من العيال والله إنهبلنا عليه خفيف ونشيط وما يصرف واجد والمرتبه الخلفيه فيها وسع مب طبيعي أكلمك عن واقع تجربه وقومته قويه جداً على فكرة تراه ياباني 100% ..

على العموم اذا تبي تجربه رح لمحلات التأجير وخذلك واحد .

و أهم شئ الاستخارة
.

سيف نجد FJ

16/09/2008, 11:24 PM

اوكي هو للتوضيح حاجتي له اني بصراحه مستكثر مشاوير مالها داعي بال FJ صح انه حلو ومرتب بس مهب كل ما بغيت تنط منا ولا منا طلعت فيه وبعدين بالحفر الي بجده و الزحمه الخرافيه الواحد يبي موتر للدوام مشاوير القريبه الي ما يبي لها شي لو بلبس النوم وبنفس الوقت هفك الشوق و ودك تطلع بر رح وخل الي يصير يصير ديتها موتر صغير وقطع رخيص وهو ثاني يعني ممكن تستغني عنه كم يوم و حتى يفيدك بدل الاستئجار اذا وديت موترك الوكاله عشان كذا انا كنت افكر في هذولي الاثنين سعرهم معقول ( حاليا ارخص من الكورولا و اصرف )

السوزوكي هين شفته بالرمال ما شاء الله عليه مسميه بيضة البراري

اما الديهاتسو للاسف ما جربته و لا قد شفته ببر شكلي مره بستأجره واجربه ونشوف اهم شي المكيف و الممشى

مشكورين اخوني المستحيل و سطام vip على المرور

اخوي شامخ الهيلا عن نفسي بفك الكراسي الخلفيه وبخليه حوض صغير ومشكلة الحوض عانيت منها انك تحط الاغراض ورا طيب وشلون تروح مكان ثاني وتترك الاغراض ما تخاف احد يشيلها تقعد شايل هم لا يا بن الحلال فكنا مشكور على المرور

سيف نجد FJ

16/09/2008, 11:28 PM

القناص-sniper

16/09/2008, 11:39 PM

الا ماحد ذكر سعر الديهاتسون ؟؟

وهل فيها دبل ولا مافيها ؟؟؟؟

كم سعره يا شباب في الوكاله وكم سعره في المعارض .؟؟؟

بن نويشر

16/09/2008, 11:50 PM

كلهن قواطي ، وعسى الله يعطيك من خيرهن ويكفيك شرهن . بس على فكره بترتاح كثير في التلبيقه . والديهاتسو عندي أولف .

سيف نجد FJ

17/09/2008, 12:00 AM

كلهن قواطي ، وعسى الله يعطيك من خيرهن ويكفيك شرهن . بس على فكره بترتاح كثير في التلبيقه . والديهاتسو عندي أولف .

ههههههههههههههههههههههههههه دارين انها قواطي الله يهديك بس
فعلا هي حكاية المواقف الي قلق في هذا الزمن

الاسعار للسوزوكي موجوده بس الدايهاتسو ما بعد وصلتنا

الدايهاتسو ايه حسب مافهمت انه دفع رباعي مستمر وفيه زر تضغطه يقفل الدفرنس الخلفي او يقفل الموزع للدفع يخليه 50% امامي و 50% خلفي

ما بعد فهمت السالفه باقي التأكيد من اهل الخبره بس الي انا مستغربه هي كثيره في الشوارع ماشاء الله بس محد يتكلم عنها نهائيا ؟؟