وش رايكم رنج روفر او همر؟ [الأرشيف]

B.A

07/09/2008, 03:51 AM

السلام عليكم ورحمة الله وبركاته

اخواني ابي استشيركم ولا تبخلون علي بالراي السديد انا ابي اشري سيارة وكانت هناك عدة سيارات ولم اقتنع الا بسيارتين تستحقان الاقناء هما ( رنج روفر سوبر شارج ) و ( همر h2 ) طبعاً الموديل 2008 ومابقى الا اخذي رايكم علشان اقطع الشك باليقين وش تنصحوني فيه من هاتين السيارتين صراحه انا محتار بالمرة اخاف اخذ رنج ثم اقول ليتني اخذت همر والعكس ؟؟ وياليت اذا فيه احد جرب اي من السيارتين يعطيني رايه؟ والله يجزاء الجميع الخير

صور للرنج

http://up3.m5zn.com/get-9-2008-7dke40vux6e.jpg

http://up3.m5zn.com/get-9-2008-cn8512ovbu3.jpg

http://up3.m5zn.com/get-9-2008-s9wfp0khbqv.jpg

صور الهمر

http://up3.m5zn.com/get-9-2008-f25qt8e3yyb.JPG

http://up3.m5zn.com/get-9-2008-wjnn6uxso8t.JPG

http://up3.m5zn.com/get-9-2008-sblcsmpil55.jpg

محبة السفاري

07/09/2008, 04:51 AM

ان كنت من اهل البر والرحلات عليك بالباترول vtcوان كنت تبيها للمواجيب والعزايم ترى الرنج احلى

غالي

07/09/2008, 05:18 AM

البيـــــراوي

07/09/2008, 05:27 AM

لو اني بمحلك الرنج روفر ومن غير تفكير
وكل واحد له رايه وذوقه
والله يطعمك من خيره ويكفيك من شره مقدما
وتقبل تحياتي

ناوي نيه

07/09/2008, 05:30 AM

اذا راانج سبورت خذ ولاتشاور

حب الوطن

07/09/2008, 05:36 AM

السلام عليكم ورحمة الله وبركاته ...

اخوي ( B.A ) الله يبارك لك في النصيب الطيب ومبروك مقدما ان شاءالله ...

اخوي اذا انت تبي من ناحية فخامه لا يعلى عليها وقوه جباره خذ الرنج او مثل مايقولون الشياب ( الرنق):)

لكن يبيلك تكت عليه من الصيانه وتحسب حسابك هذا اذا تحسب لبعيد مصاريفه تخوف موصفات خذ موصفات الموتر ممتاز وخاصه فئة الرنج سبورت ..... رياضيه وجميله ...

الهمر امريكي واتوقع انه مكينة جمس بس البدي والشكل غير ولو كان توقعي صح والله ونعومك هذي منوه

الهمر ما اقدر اتفلسف فيه بس احسه موتر ...

طولنا عليك اخوي انت محتار بين الرنج والهمر وتبي الراي ...

الراي الرنج سبورت تحديدا

والسلام ...

اخوك / حب الوطن

الستانس

07/09/2008, 05:52 AM

مافيه وجه مقارنه الرنج اصغر واوذف وافخم وحق رجال
الما الهمر ماش ما دخل الراس

بـلـيـهـان 1

07/09/2008, 06:49 AM

السلام عليكم و رحمه الله وبركاته

حياكـ الله عزيزي

الهمر حلو و شفته أنا بالوكاله قبل شهر.. ماشاء الله داخليته حلوه .. شاشه و اكسسوارات رائعه و أشياء حلوه كثيره ،..
و سعره تقريبا بـ 290 ألف .. الظاهر الله لا يخيب ظني ..

و بالنسبه للرنج

فالرنج ماشاء الله تبارك الله أفخم و أروع و أفضل بكثير
من ناحيه مظهر .. و من ناحيه قوة ،.. و لا يتقارن مع الهمر

و ينقسم إلى أقسام عده ..

رنج عادي ..

و رنج سبورت ..
فيه رنج سبورت مكينه عاديه و فيه مكينه سوبر تشارجر و طبعا ً الأفخم النوع السوبر تشارجر الظاهر أنه على 390 ألف .. أتوقع ماني متأكد ..
بس لا تنسى .. ترا الرنج خراباته كثيره و توجع الراس .. نصيحه إعتني فيه .. و لا تكرفه .. و ترا كانك بغيت تغير الزيوت .. أنا أنصحك فيه محلات نفس شغل الوكاله و نفس الزيت و السعر أرخص ..
( الفردوس لخدمه السيارات الألمانيه )
مركز متخصص ذو خبره كبيره .. و أنصحك فيه

و الله يوفقك يا عزيزي و توكل على الله و خذ الرنج روفر

و على البركه مقدما ً

ابودهام

07/09/2008, 07:03 AM

والله انا من رأي الاخوان الرنج يارجال شف من يركبة والهمر شف من يركبه وتحس ان الرنج اوذف شوي

والرأي لك والف مبرووك مقدما

ساري 111

07/09/2008, 11:47 AM

شف ياغالي
انا جربت رنج 2004
وجربت همر اتش 2 2005

الحقيقه لكل سياره مايميزها
الرنج ميزته يخدمك بكل مكان داخل الديره خفيف بالخط مريح وراسي بالبر زين ويخدمك ويكفيك مركبه تحس راكب موتر غيررر

اما الهمر مافيه إلارزته عند الخلق وإلاهو موتر مايستحق الأقتناءْ !! واذا شريته تبي لك سياره صغيره معه
الموتر كبير كأنك تسوق جمس بموديلات الثامانينات .. ويصرف بنزين مكينته مكينه جمس 6000 متعب بالخطوط ولأسفار مافيه انسيابيه للهواء ازعااااج فوق 140 بس فيه ميزه بالبر الموتر مهب سهل ويمشي ومستحيل يغرز إلامع دلخ !!

لكني احس ان الهمر اقل اعطال من الرنج
وصيانه الهمر اسهل من صيانه الرنج
لأن الهمر مركب على شاصي ودفرنسات يوكون تقريباً ماعدا المكينه فهي 6000 بدل 5300

B.A

07/09/2008, 12:15 PM

ان كنت من اهل البر والرحلات عليك بالباترول vtcوان كنت تبيها للمواجيب والعزايم ترى الرنج احلى

مشكور اخوي

انا احب البر وراعي طلعات بس الياباني عامة ماله عندي رغب ابداً سبق اني شريت هدد2006 وبعدها حرمات اني اقرب شي مصنوع باليابان

الخزامى 19

07/09/2008, 12:42 PM

انا احس ان الرينج له هيبه ومكانه على الكبير والصغير اما الهمر يقدرونه الشباب خاصه الصغار بالسن اما الشياب اذا شافوه رقوه الرصيف مايطيقونه لاهو ولا اللي يركبه , والله يكتب لك اللي فيه خيره

سيف نجد FJ

07/09/2008, 12:43 PM

من ناحيتي الاثنين مملوكين من قبل تاتا الهنديه الآن

وبالنسبه للوكاله كلهم الاثنين وكالات كيف الحال يعني لدرجة اني ما اقدر احكم اي واحد فيهم اسواء من الثاني

نصيحتي عط نفسك فرصه وشوف شي ثاني واذا انت قادر عليهم شف جيب اللكزس الجديد ترى فيه مميزات عنهم الاثنين و مكينته 5700 سي سي ثمانيه سلندر غير انظمة الدفع الرباعي الي مهب في جيب وداخليته فيها ملامح كثيره من الرنج

وسلامتك

القماري

07/09/2008, 12:49 PM

وأضم صوتي لمن صوت للرانج روفر وأضيف إنها سيارة كشخة ورزة .. وتعد أفضل سيارة رباعية فائقة الفخامة حاليا.
الهمر سيارة لم تعد تقنع الناس ...خصوصا لدينا
لم تصل للمستوى المطلوب ..فقط هي تحمل أسم أسمه (همر) لا أكثر

ابوعقل

07/09/2008, 02:30 PM

B.a

ما يبيله كلام

ترا الرنج موتر ماعليه كلام

حتى بالبر والله انه اطلق من الجيوب الثانيه

توكل على الله وخذ رنج

B.A

07/09/2008, 02:50 PM

الرانج ولا فيه مقارنه ابد

لكن انت حاط صور رانج العادي Fug وهو نفس مكينة السوبر شارج في السبورت ويجيك شكمانين

والسوبر شارج يجي مسماه فقط في الرانج السبورت

والصوره الي انت حاطها الداخليه للسياره للرانج السبورت

ليس تابعه للشكل الخارجي للرانج العادي الي انت حاطه

فيه اختلاف الله يحفظك

ربي يوفقنا وياك

مشكور اخوي غالي بس حبيت اقولك ان اللي بالصور هو رانج روفر سوبر شارج اما بالنسبة للسبورت اللي انت تقول هذي صورتين للسبورت وانا ماأميل له نهائي

http://up3.m5zn.com/get-9-2008-6qx3notu29p.jpg

http://up3.m5zn.com/get-9-2008-hjqxljhlf8n.jpg

امل تكون وضحت الصوره ومعرفة الفرق بين السبورت والسوبر شارج

B.A

07/09/2008, 03:22 PM

الف شكر لكل من ادلاء بما عنده من معلومات ووضع رائيه وان دل على شئ انما يدل على كريم الاخلاق جزاكم الله الف خير والله لايحرمكم من فضله ويفتح لنا جميعا ابواب رحمته ويحسن خاتمتنا ويرزقنا الجنه آآآآمين...

ساري 111
تجربتك هذه رجحت لدي كفة الرنج على الهمر بنسبة 30% الف شكر لشخصك العزيز والله يرزقك بواحد موديل 2009

سيف نجد FJ
صراحة لايوجد اي مقارنه بين السيارتين واللكزس انا ارى التفوق للرنج والهمر على اللكزس اولاً بالشكل وثانياً بالقوه وثالثاً بالراحة وانا شخص ماأميل للصناعه اليابانيه اطلاقاً وهذا من واقع تجربه بسيارات تويوتا ويعتبر اللكزس تويوتا بس فيه اختلاف العلامة .......... الف شكر

ابو فيصل 635

07/09/2008, 04:23 PM

السلام عليكم ورحمة الله وبركاتة

هلا فيك اخوي ونبارك لك مقدما ونقول الله يعطيك خيره ويكفيك شره

وانا مع اخوني بالرنج لكن مع احترامي للرنج تر حساس مره

كان مع خويي وحده واحد وطمر الرصيف انعدم عنده الهيدروليك
كلفه مع تصليحات خفيفه حوالي 75 الف يمكن ازيد ويمكن اقل

وتقبل تحيات اخوك ابو فيصل635

4800VTC

07/09/2008, 04:31 PM

اقول يالغالي
للاخ اللي مسجل اسمه بالعنقليزي
مافيه سلف 500 لاخر الشهر :D

أبو حطب 2008

07/09/2008, 05:42 PM

مع الشباب الرنج افخم واحلى

أبو حطب 2008

07/09/2008, 05:44 PM

ونسيت الله يطعمك من خيره ويكفيك شره مقدما
ولاتنسى الاستخاره عشان ماتندم

shaheenshah

07/09/2008, 05:50 PM

شف وانا اخوك كانك تبي النصيحه
كل السيارتين اللي انت مختار ما تصلح ابد

B.A

07/09/2008, 06:05 PM

اقول يالغالي
للاخ اللي مسجل اسمه بالعنقليزي
مافيه سلف 500 لاخر الشهر :D

اطلب من الله الذي اعطاني واعطى كل خلقه ولاتطلب من الانسان اي شئ ارفع يديك الي الله واطلب بهذا الشهر الكريم ولا تنسى ان الله اكرم الاكرمين وحط في بالك ان الله ارحم بخلقه من اي مخلوق اخر وايقن بالاجابه واحسن الظن بالله

الفتكي

07/09/2008, 06:05 PM

السلام عليكم
اول شي مبروك عليكم الشهر
شوف اخوي B.A كل السيارتين مايصلحن لك شوف وانا اخوك الصغير تعال مرني لك ليله ونروح لوكالة تويوتا ونشتري تويوتا وناخذ vx 8 فل ونروح لوكالة نيسان ونشتري سفاري 2 2008م طبعا كلاهما اللون لؤلؤي وخذ التويوتا وانا السفاري وباقي الفلوس نكشت فيها انا وياك وين ماتبي بس اتصل علي وانا اجيك مزهب كل شي مالك الا تركب محفول مكفول حتى حتى فراش البر حقك ماينزل من السفاري ولا بعد عندي الثلاجة اخليها دايم مليانه من لحم الحاشي ولا بعد لا تنسى اذا مريت مع اي طريق وانا اشوفك ابقول للي معي شوف هذا اخوي الكبير ياحبي له ويطول عمره لا وبعد ابدعي لك بعد كل صلاة حى صلاة الليل بدعي لك صدقني والله. ..... معليش حبيت افلفس عليك ( شوف اخوي صل الاستخاره وادع ربك والله يختارلك الخيرة المباركه بأحدى السيارتين).

B.A

07/09/2008, 06:06 PM

شف وانا اخوك كانك تبي النصيحه
كل السيارتين اللي انت مختار ما تصلح ابد

وش الاسباب؟؟ ومنكم نستفيد

سيف نجد FJ

07/09/2008, 06:36 PM

سيف نجد FJ
صراحة لايوجد اي مقارنه بين السيارتين واللكزس انا ارى التفوق للرنج والهمر على اللكزس اولاً بالشكل وثانياً بالقوه وثالثاً بالراحة وانا شخص ماأميل للصناعه اليابانيه اطلاقاً وهذا من واقع تجربه بسيارات تويوتا ويعتبر اللكزس تويوتا بس فيه اختلاف العلامة .......... الف شكر

الهمر في البر عمره ما تفوق بسبب مقاس قاعدة الكفرات وغيره من الاسباب

و بالنسبه للرنج مكينته و جيره ودبله حقت البي ام X5 شفتها بعيني و حتى الفرامل بس فرق نظام المساعدات و الشكل

على العموم هذا شي راجع لك لكن اللكزس الجديد متفوق بحسب نظام التعليق ومكينته المطوره الجديده صحيح ان شكله مهب ذاك الشي لكن بالنسبه للانظمه الي فيه متطوره

ابو هشام

07/09/2008, 06:43 PM

الرانج يبيلك كثر قيمته صيانه

بالنسبه للياباني ماهي الخبره السيئه اللي خلتك تقاطعه

أبو علي 444

07/09/2008, 07:21 PM

أخوي الرينج وغير الرينج لاتدور ..

مرة جربته ..ونزلت منه وركبت اليوكن ..

كني نازل من فياقرا وراكب ددسن ..!

على العموم الأمر الأول والأخير بيدك ..

zaxs2010

07/09/2008, 10:26 PM

الرانج اجروفر
ولا تتردد
واحرص
ان يكون
سبورت:D :D :D

بني حسن

08/09/2008, 11:58 AM

ما فيه وجه مقارنه بين الرنج واي سياره ثانيه
اعزم امرك واستخر وخذ الرنج متوكل على الله

راعي الحميّة

08/09/2008, 03:05 PM

السلام عليكم ومبروك عليكم الشهر
من رايي وانا اخوك تروح للدريس لتأجير السيارات وتستاجر همر وثم تنقز لذياب وتستأجر رنج وتختبرها على ارض الواقع خذها عن تجربة احسن ولاهو
قصور في الاخوان الي أفادوك

والله يبارك لك فيما تختار

مستقنص

08/09/2008, 03:13 PM