الصمان في نهاية الاسبوع 22-23/11/1424

[عبدالعزيز الدباسي]

تحركنا من الرياض الساعة الخامسة عصراً باتجاه الصمان وللاسف كثرة الوقفات عند المحطات عطلتنا قبل ما يدركنا الليل ، على انها مهوب العادة اني اوقف كثير لكن اخويانا اللي في السيارة الثانية كل شوي طاري لهم طاري الى درجة انهم ناسين قاعدة اريل الأيكوم ، وقاموا يدورون في كل محطة قدامهم ،،، ما لكم بالطويلة ، ،،،، مشينا سلمكم الله الين وصلنا اخر عروق الدهناء عند جو الحجلاوي ، وامرحنا لليلتنا هناك ومن يوم اصبحنا توجهنا شمال غرب ومرينا كل الفياض اللي قدامنا من ام الهيمان _ دغيم _ ام قرين _ ام طليحة _ الزلعاء ،،، ويوم جت الساعة ثلاث العصر ، وقفنا وصلينا ، وزينا الغداء ، وامرحنا ليلة الجمعة هناك ،،، ويوم اصبحنا توجهنا لباقي الفياض اللي على طريقنا باتجاه الغرب اكثر ومن ثم الجنوب ، ومرينا على حسناء ورديفتها ودليل ، وطبعا نمر على فياض صغيرة الحقيقة ما اعرف لها اسم ومرينا على اكثر من جو مربع والامكان روعة بكل ما تحمله الكلمة من معنى ما شاء الله تقول ملعب قولف

اللهم لك الحمد الصمان كله سايل وجايه مطر عظيم الفياض مليانه والدروب مالك ممشى معها ، وكانت سبب في بعض التأخير اللي حصل لنا ، لانك لازم تدور لك درب ثاني وتبعد عن وجهتك بعض الشىء على العموم التقطنا لكم كم صورة من عدة فياض مختلفة وكلها حول بعض .


من الاشياء اللي المميزة في الرحلة واعطتها حلاوة ان كل اليومين شمس مشرقة ، فتخيّل الفياض مخضّره والماء من كل الجوانب والشمس ساطعة على المكان ، ، فتظهر لك روعة المكان وجمال الطبيعة وحسن المنظر ،،، ومن هنا لا تستطيع الا ان تقول سبحان الله ، والحمد لله ، وتبارك الله احسن الخالقين .


http://community.webshots.com/s/image9/0/39/9/111803909GTlEfo_ph.jpg

http://community.webshots.com/s/image9/0/39/21/111803921bFZaAR_ph.jpg

http://community.webshots.com/s/image2/0/39/36/111803936dusRoh_ph.jpg

http://community.webshots.com/s/image2/0/39/53/111803953fsRvJa_ph.jpg


http://community.webshots.com/s/image9/0/39/62/111803962mUBhyl_ph.jpg

[عبدالعزيز الدباسي]

http://community.webshots.com/s/image2/0/40/15/111804015oABwQJ_ph.jpg

http://community.webshots.com/s/image9/0/39/78/111803978WMJxcd_ph.jpg

http://community.webshots.com/s/image9/0/39/86/111803986kVmccl_ph.jpg
http://community.webshots.com/s/image9/0/39/99/111803999KNNwMi_ph.jpg

http://community.webshots.com/s/image2/0/40/43/111804043ZEunzR_ph.jpg

http://community.webshots.com/s/image9/0/40/67/111804067ypWAEu_ph.jpg

http://community.webshots.com/s/image9/0/40/77/111804077QHxFdT_ph.jpg

[الجوني]

صور ولا أروع وتصوير محترف بس ممكن تعلمنا كيف كتبت اسمك باللون المائي اذا ماعندك مانع لاتقول بالفوتوشوب ندري بس وشلون

[العبري]

صور جميلة يا مشرفنا بس بعض الصور ما طلعت عندي المشكلة في جهازي والا ايش السبب على العموم مشكور ويعطيم العافية

[abos3d]

ما طلعت الصور عندي يا الحبيب

[ابو عايد]

الحمدلله أولاً وآخراً على هذه النعمة

تسلم اخوي الغالـــــــــابو عبدالله ـــــــــــي على هالصور الجميلة

مشكورعلى الصور الرائعة جدآ

والله شرحت صدري من على هذه صور الطبيعة الخلابة

ولا يحرمنا من مواضيعك وصورك الحلوة . . :good: :good:

وتقبل تحاتي // العاشق الولهان

[حفرلوجيا]

اخوي شقردي : قل آمين ..

الله يوسع صدرك ويسعد أيامك .. ويحفظك سالم ..
ابقعد حتى بكرى أتمقل بالصورة خاصةاللي من فوق ( وأظنك كنت فوق رجم حسنا ) ..
لكن اسأل : هل فيه أخبار عن ( الحمى ) .. هناك من قال ان الحاصبيات محمية .. طمنا بعد ماتسأل كل ربعك اللي بالكشتة يمكن أحد سامع شي بالأجهزة اللاسلكية .. وانت مشغول غافل بالطبخ .. أو نايم ..:mad:
ولاتقعد تصفن سرا مع اللي يبي يردون .. وتقول شكرا خالي حفرلوجيا.. خل السؤال ببالك..
الحمد لله على السلامة

[السمح]

Originally posted by حفرلوجيا
اخوي شقردي : قل آمين ..

الله يوسع صدرك ويسعد أيامك .. ويحفظك سالم ..
........
لكن اسأل : هل فيه أخبار عن ( الحمى ) .. هناك من قال ان الحاصبيات محمية .. طمنا بعد ماتسأل كل ربعك اللي بالكشتة يمكن أحد سامع شي بالأجهزة اللاسلكية .. وانت مشغول غافل بالطبخ .. أو نايم ..:mad:
ولاتقعد تصفن سرا مع اللي يبي يردون .. وتقول شكرا خالي حفرلوجيا.. خل السؤال ببالك..
الحمد لله على السلامة
لا تنس الوصية نبي علم الحاصبيات

[المسفهل]

سبحان الله يبدو أننا كنا في مكان واحد ...
فأنا آخر نهار الخميس في الزلعاء .. ونمنا ليلة الجمعة في
الخمة ، ويوم الجمعة في الرديفة وحسنا وسوف أكتب موضوعا
عن ذلك ... كل الشكر لك أبا عبد الله على هذه الصور الجميلة والرائعة

[((( الحر)))]

http://community.webshots.com/s/image2/0/40/43/111804043ZEunzR_ph.jpg

الضاهر ان ابو ياسر يوم قام يختار المشرفين سوى اختبار لاحسن مصورين ماشاء الله عليك يابو عبدالله والله انك طلقه ( فشقه) بالتصوير:D وفي اختيار نوع وتنسيق المنظر والصوره الي فوق هذي اعتبرها قمة الروعه وجامعة ومتناسقة الالوان...!!!
بارك الله فيك يابو عبدالله وارجووووووووووووووك لا تبطي علينا بالزين ...!!!

اخوك ابو محمد........!!!!!!

[نقا هشال]

ماشاء الله

يعطيك الف عافيه

وباالفعل اسم على مسمى ياشقردي

صور اكثر من رائعه

لاهنت ياغالي وتقبل فائق تحيتي واعجابي

[راعي عنيزة]

اثرك بالصمان وانا اقول وراي اتصل على جوالك ويقولي عفوا ان الرجال الي تزهم عليه مهب يمك وطايح بربيع :D

يا مال العافيه ابو عبدالله وصدز لا قالو الحصان الاصيل يلحق تالي :p خليتنا نهربد قبلك همن عقب دخلت بقوه وصفطتنا على جنب ;)

والصمان ذي السنه باذن الله بتصير جنه من جنان الارض وصراحه غلطان الي يتركها ويروح لخرابيط الشمال ماحذا بعد ومشاوير على غير سنع ;)

[صقر]

مشرفنا شقردي

شكرا على اتحافنا بهذه الصور الرائعة ..

سرد رائع لهذه الرحلة التي جاءت في أجمل أوقات السنة.....

بس ما للصيد طاري يبو عبدالله .......

بارك الله فيك....

[عبدالعزيز الدباسي]

مشكور اخوي الجوني على تفضلك بالزيارة ،،، ومن ناحية كتابة الاسم بالمائي عملتها ببرنامج ( فوتو شوب ):p ،،،، لا تزعل علي خلك حليل ،،،، وراجع بريدك .
---------------
تسلم اخوي العبري ،،، ومشكور على الزيارة ،،، ويمكن بعض الصور ما طلعت لان السيرفر الخاص بالشركة مزحوم شوي ،،، حاول مرة ثانية واذا ما طلعت ،،، ارسلها لك بالخاص ،، انت تامر
-----------
اسف يا ابو سعود ،،، يمكن نفس السبب السابق .
------
مشكور اخوي ابو عايد والله لا يحرمنا من هالطلة .
----
خوالي / حفرلوجيا / السمح
مشكورين على زيارتكم ، ومن ناحية حمى الحصبيات ،، الامر وارد ، ويقول بعض الكشاته انهم شافوا طيارة صغيرة ليست بعيده عن انظارهم كانت باتجاه المنطقة المذكورة ، والحمى وارد ياجماعة الخير ،، مهوب اول مرة .
---------
ما الله كتب اني اشوفك يا ابا سهيل ،،، لكن الجايات افضل ، ان شاء الله ;)
-------------
تسلم اخوي الحر ، ومشكور على الزيارة ، والحمد لله ان الصور جازاً لك يالغالي .
-----------
مشكور اخوي نقا هشال على الزيارة ، وامل ان تحوز الصور على رضاك .
-----------
حبيب القلب ما زولا ،،،،،،،،، قصدي راعي عنيزة ، لو اني داري انك تبي تتصل كان جلست على الخط احتريك يالغالي ، وانت الخير والبركة ، ومنك نتعلم ونستفيد يالغالي .
----------
الله يرضى عليك اخوي صقر وما قصرت على الزيارة ،،، والصيد ما من حرص عليه هالايام ;)

[نفل]

السلام عليكم ورحمة الله وبركاته

اخوي المشرف شقردي

قل آمين الله يجزاك الجنة على الاخبار اللي ذكرتها عن الصمان والامطار والصور الرائعة وباين انك
بذلت مجهود كبير حتى تصل الفياض بسبب آثار الخير على الصمان والله العالم انها زادت بعد امطار
السبت واحس ان الفياض الكبيرة ماراح تربع الا تالي الوقت من الامطار وربيع السنة بالصمان بيكون على الحزوم احسن من الفياض ......... وجزاك الله الف خير وماقصرت اخوي والحمد لله على السلامة .

اخوك ابو محمد

[ذيب البر]

صور روعة يامشرفنا الله يوسع صدرك

وأحسن مافيها انها على طبيعتها لاني شاهدت بعض صور الشباب عليها بعض

الاضافات وهذا من وجهتي نظري يحوسها اكثر من انها يزينها

تحياااااااااااااااااااااااااااتي

[المري]

تسلم اخوي شقردي على ذا القيعان الزينة


وكلك ان شاء الله بركه..



اخوك / المري

[ابو عمر اللاحم]

الله يعطيك العافيه اخوي شقري ومشكور على هذه الصور اللي توسع الصدر .

اللهم لك الحمد على الخير وعسى يكفينا شر الاشرار واللي ما ترويهم البحار .

تقبل احلى تحيه ،،،،

[عاشق الصفاري]

تسلم يامشرفنا الغالي على الصور الرائعة .. وبارك الله فيك اخوي ..وما تقصر

[عبدالعزيز الدباسي]

مشكور اخوي نفل ، وما قصرت يالغالي ،، ومثل ما تفضلت فعلاً استغرقنا وقت طويل بسبب الامطار .
------
تسلم اخوي ذيب البر ،، والحمد لله ان الصور اعجبنك يالغالي .
---
الله يرضى عليك اخوي المري ،،، ما قصرت
--
مشكور يا ابو عمر على مرورك واستحسانك الصور
------------
تسلم اخوي عاشق الصفار ي ، وما قصرت يالغالي .

[ابو دانة]

السلام عليكم ورحمة الله وبركاته وبركاتة

الله يعطيك العافية والله اشهد انك شقردي ونصف الله يوفقنا وياك والعشر مباركه وشكراً ابو دانة :good:

[الشاقي]

شـــوقتونا ياجماعة الخــير
وين الصور ما طلعت معي ؟.... وينك يالسمح خابرك راعي فزعات