زيت الدفرنس - الدفرنس مغطى زيت

[عبدالرحمن]

السلام عليكم

معي باثفايندر موديل 2005 والدفرنس اذا شفته من خلف الموتر مليان زيت له فتره ولا ادري وش السبب

اذا كان احد يعرف وش العله , وصوت طقطقه خفيفه اذا كان الضغط تحت 2 يستمر الى ان يتعدى 2 في كل نمرات القير .

[الثويرات]

السلام عليكم

معي باثفايندر موديل 2005 والدفرنس اذا شفته من خلف الموتر مليان زيت له فتره ولا ادري وش السبب

اذا كان احد يعرف وش العله , وصوت طقطقه خفيفه اذا كان الضغط تحت 2 يستمر الى ان يتعدى 2 في كل نمرات القير .



طيب وين مكان الزيت بضبط هل خلف الكارونه ام قدام حدد

[عبدالرحمن]

سلمك الله وانت واقف خلف الموتر كأنك بتفتح الباب الخلفي , تنزل شوي تشوف غطى الدفرنس عليه زيت وغبار متجمع .

[بدوي جنوبي]

سلمك الله وانت واقف خلف الموتر كأنك بتفتح الباب الخلفي , تنزل شوي تشوف غطى الدفرنس عليه زيت وغبار متجمع .

تنديه بسيطه والسبب قد يكون ان الزيت زائد
اذا مافي تنقيط ما عندك مشكله :good:

[ثاقب]

هنالك سداده في قمة الدفرنس وضعت لتسمح للزيت بالخروج عند السرعات العاليه والحراره معاَ
الحل الأول لاتسرع وأضمن لك مايندي.
الحل الثاني ,في حال اصرارك على السرعه. انزع السداده وضع مكانها ( لي ) 60سم واعكف قمته عن الغبار وثبته حتى إذا ماتمدد الزيت استوعبه اللي ثم يعود الزيت عند التهدئه

الصوت قديكون من البانزين ال 91 فهويجعل المحرك يصدر صوت يسمى بالغرغره قديكون هذا قصدك.. البانزين 95 هو الأنسب والأمثل للباث,,والله سبحانه اعلم

[shaheenshah]

مثل ما قالوا الاخوان
وقد يكون من الصره تهرب ما تسكرت زين

[أبو فهد11]

أخوي مشكلة الزيت اللي تقول هذه شيء بسيط ولا تقلق بخصوصه

أنا معي باث فيندر نفس الموديل 2005 وصارت معي ونظفت الدفرنس

وراحت ولا جت مره ثانيه

أما الصوت اللي تقول عليه تحت الضغط 2 غير البانزين اللي تعبيه من 91 إلى 95

وراح يخف الصوت بنسبة تقريباً 90%

والصوت طلع معي حتى غيرت البنزين

وهذه امور بسيطه ولا هي مشكله أبداً

وبالتوفيق لكــــ

[عبدالرحمن]

الله يجزاكم خير و يحفظ لكم كل غالي , مثل ما ذكرتوا بالضبط تنديه بسيطه ولا ينقط , بجرب البنزين 95 و ارد لكم ان شاء الله .