تشبيك البطارية بالصور

[الخبير]

السلام عليكم
أولاً احب أشكر مكشات على موضوعة الذي إستفدت منه كثيراً كيفية تشبيك بطارية إضافية للسيارة (http://www.mekshat.com/vb/showthread.php?s=&threadid=3472&highlight=%C8%D8%C7%D1%ED%C9)

موضوع ابو ياسر كانت تنقصة الصور.

انا عندي أكثر من جهاز مشبكه على البطارية الأصلية ومن زمان وأنا أعاني منها مع إنها 95 إمبير. فعندي لمبتين وحدة في الصندوق ووحدة في الكبوت، وعندي ونش وعند كمبرسر لنفخ الهواء. ولا ننسى الكنوود و الإمبليفاير .
كل هذا أدى إلى مشاكل في الدينمو فصار يعطيني 19 فولت مع إنه من المفترض إنه يعطي 14 فولت.
لكن انا ما أقدر أحط لي بطارية إضافية لأنه مافيه محل لها ولا أقدر أغير الدينمو بدينمو يستحمل 150 إمبير . قمت بالتالي: شلت فلتر الهواء وأبدلته بفلتر هواء رياضي كبير. وطبقت نصائح ابو ياسر. وأضفت قسام بمفتاح.
http://nobody.jeeran.com/bat-2.jpg
شبكت لمبة الصندوق و الكبوت و الونش والكمبرسر في البطارية الإضافية. ( كلها تشتغل في أي وقت لكن إذا حسيت إنه ضعفت فكيت القسام وتعبي مرة ثانية.
http://nobody.jeeran.com/bat-4.jpg
http://nobody.jeeran.com/bat-1.jpg
http://nobody.jeeran.com/bat-3.jpg

وترى العملية كلها ما تكلف 600 ريال.

[اسيزو 4x4]

والله الشغلة دخلت مزاجي ويعطيك العافية

بس فين اركبها عند اي كهربائي

وللك تحياتي......

[الحاتمي]

وعليكم السلام ورحمة الله وبركاته
مشكور ياخبيرنا الغالي وماقصرت
لكن مالفرق بين الفلتر الرياضي
والفلتر العادي؟
هل هو الحجم فقط ام ان له مزايا اخرى؟
ولك تحياتي

[أيمن]

الله يعطيك العافية يالخبير ..
شغل حلو مكمل لموضوع "سبار" وليس "مكشات" وما قصرت يالذيب ..
وأخاف يصيبني مثل ما أصابك :( ..
لأن شغلي هالحين مثل شغلك السابق وأخاف تجيني مثل مشكلتك مع أن الكهربائيين يقولون إن زيداة امبيرات البطارية ما فيه ضرر!!
وأكرر استفسار أخوي "اسيزو 4X4"
وماقصرت ..

تحيتي

[المربد]

الله يعطيك العافية ، وليتك تعلمنا وين نقدر نلقاها؟

[الخبير]

السلام عليكم
يا ايمن انا رجعت للموضوع الأساسي لقيته بإسم مكشات.

عموماً الفلتر الرياضي أفضل من العادي من حيث إنه يسحب الهواء البارد أكثر فيزيد من عزم الموتر بحول 6-7 حصان. وكل مازاد الحجم الفلتر كل ماكان أفضل.

إذا كنت ناوي تركب عند أحد فيه ورشة في حي المصيف: إذا خليت بندة المصيف على يمناك و إتجهت شرق لين يجي التي ، ديور تبي تلقى ورشتين ورى بعض إسأل عن ورشة عبد الحكيم البلوشي.

[طباخ العزبه]

شغل حلو وعساك على القوه
ولكن انتبه للفلتر الرياضي لانه يحتاج متابعه وتنظيف دائم اكثر من الفلتر العادي


كثير من الشباب خبطت مكاينهم بسبب اتساخ الفلتر الرياضي ويبدا يدخل ساعتها الغبار للمكينه

[هلكس]

السلام عليكم..

بالله حبيت استفسر عن الفلتر
هل يفرق في صرف البنزين
وبكم سعره اذا كان ما فيه احراج

وشكرا لك

[laith]

استاذنا " الخبير" ...

قد اربط او اشبك البطارياتان مع بعض وبدون قسام بحيث تعطي التيار مجتمعه وكانها بطاريه واحده وسؤالي هو :

هل سيكون ذلك فعالا او يغير شيء في الجهد المعطى لاطول وقت مع ان الفولت سيكون نفسه 12 فولت?

ماذا عن مقدرة الدينمو لتحمل شحنات البطاريتين اذا فتحنا القسام بالاضافه الى تشغيل باقي الاجهزه في نفس الوقت?

ارجو ان لااكون قد اثقلت عليك وشكرا لك.

[الخبير]

ماقصرت يا طباخ العزبة على النصيحة المهمة.

هلكس: فيه نوعين من الفلاتر الرياضية:
1- كرتون. ( يخرب على طول و يبيله عناية).
2- بلاستك ( هذا الممتاز ) سعرة ب180 ريال. وهو يصرف شوي بنزين في مقابل القوة الإضافية.

والله ياليث ما اعرف لكن أنا جربت وشغلت البطاريتين في نفس الوقت ولا شفت تأثير.