صلحت سيارتي اليوم ... وش رأيكم

[فتى الوادي]

السلام عليكم

أدخلت سيارتي اليوم لميزان المجد بالرياض ... وأتضح لهم بعد الكشف أن السيارة بحاجة إلى ما يلي :
1- 2 مقص أمامي يمين ويسار سفلي .
2- صوفة مكينة أمامية
3- إصلاح دودة
4- كبس للدودة
5- وجه طرمبة زيت .


وقيمة شغل اليد 1200 ريال مع الميزان وترصيص الكفرات

قيمة قطع الغيار تقريباً 1400 ريال .

وضبطوها ... لكن أنا أحس أن قيمة شغل اليد مرتفع شوبة ..

ايش رأيكم ؟ وأيش رايكم في شغل ميزان المجد ؟

[ابو هشام]

السعر غالي جدا

المفروض 700 ريال ولو زاد السعر يصير 900

[زاير الغيم]

شكل سيارتك لاند كروزر..
إن ماخاب ظني؟؟

[فتى الوادي]

شكل سيارتك لاند كروزر..
إن ماخاب ظني؟؟

صحيح أخوي الكريم

[جاكي شان 511]

السلام عليكم اخوي
انا طال عمرك معي لكزز وديته للبازعي وشغل يدهم 20 الف ودفعتها ماعندي مشاكل
وقطع الغيار كلفت 500 الف دفعتها طبعن ماعندي اي مشاكل تخيلو ان الصاموله
قيمتها 30 الف دفعتها ماعندي مشاكل اللي يبيني اسلفه ماعندي مشاكل من الف لين البليارات
<<<<<<<<مهايط الدعوه خله يطرح الموضوع في منتدى المهايط خخخخخخخخخخخخ

[بـلـيـهـان 1]

حياك الله

هم شغلهم حلو و نظيف

بس ولو 1200 غاليه جدا جدا جدا ً مع إحترامي

1200 قيمه شغل يد توضيب!!

[سيف الظفير]

غالي مرة يالذيب والشكوى لله


واذا السيارة 2006 او 2007


تستاهــــــــــــــــــــل

[فتى الوادي]

الشكوى لله وحسبي الله ونعم الوكيل ...

هذا نهاية اللي ما يتفق مع الورش قبل ما يفكون مسمار ! أستاهل !!!!!!!!

[ابو فيصل 635]

السلام عليكم ورحمة الله وبركاتة

كيفك اخوي انا اقول مررررررررررره غالي

عندنا والحمد لله بحايل مايتعدى 500 ريال شغل يده
بس قطع الغيار معقول

[ناوي نيه]

يرجال الحين موتري في الورشه بس فط الدفرنس الخلفي مندون فرط الكارونه
بس بيطلع الدفرنس ويفك العكوس الي في الدفرنس عشان الحمه في المخرطه
وترجيعه كماكان ب500 الواحد وش يسوي مايقول الا الله يعين بس

[زاير الغيم]

المشكلة بصوفة الماكينة شغلها متعب شوي..
تتطلب والله أعلم تنزيل القير

[صقرحايل]

الله يعوض عليك انشاء الله واهم شى سلامتك والفلوس تروح وتجى
الان لوتبى اى مكان تدق سلف وانت متطمن مشاء الله عليك
وشكرا

[شامخ ألهيلا]

والله سعرهم غاالي وخاصة ميزان المجد فيه هالشواام ربي لايوفقهم

لو انك راايح لليرموك ولا لورشه معرووفه ثاانيه والله مايخذون هالسعر

[شروكي سبورت]

غالي جدا جدا
الله يعينك

[ناوي نيه]

المشكلة بصوفة الماكينة شغلها متعب شوي..
تتطلب والله أعلم تنزيل القير
معليش على المداخله
الصوفه الي غيرها الاماميه
الي تحتاج تنزيل قير الصوفه الخلفيه



ودمتم بوود..

[سطام vip]

بسم الله الرحمن الرحيم

اهو من ناحية غالي غالي

بس شغلهم ما عليه كلام والي يبي الزين يدفع

صحيح ان الشغله اي مهندس يشتغلها بس يا رجال

لاتتحسف على شي راح والله يعوضك خير منها ان شاء الله

وهذا عيبنا ندور الرخيص واخرتها نبلش معهم في مشاكل

مالها نهايه

الله يسهل امورك اخوي وبالتوفيق

[مشخااط]

الله لا يوفقهم صدق

غالين

حتى لو يفك المكينه مهوب القير فكه بى 400

ياخى السعوديه مع احترماتى لكم الاجانب يقولولكم 700 الشغال مع القطع مسوين تكسرونه لا ياخى خله 600
وانت شغلك ماجااء 300
المفروض اى وحد يصلح قله 100
يعطيه خمسين الا جانب اذا مكذب ميحس انه مشتغل

وتقبلو مرورى

[خلفهم]

والله من ناحية السعر غويلي شوي ..

لكن احسب حساب إنك الحين وين تبي تروح تروح .. شغل اليرموك على المجد على العضيب واحد ما شاء الله .. لكن ارخصهم العضيب أما الجوده وحده والعده وحده لأني سمعت إنه يقربون لبعض ..
الشغل الزين يبي دفع .. وأضن عندهم ضمان شهر أذكر سويت موتري الباث عندهم وأحس الزول كره اليوم إلي جيته أي خراب أطير أنقز بوجه يزينونه ..وأذكر أطاعس ويفحج الكفر أطلع من النفود أسيد لورشتهم إلي بعد فندق صلاح الدين , على العموم إذا الموتر يستاهل إنك تدفع لا تحسف عليه وإذا الموتر موتر عمر لا تحسف بالعكس أزين لك من توديه لواحد يبربس بموترك تحسف تقول ياليتني دافع زود ولا أزين عند ذا .. ..