الشراء من النت

[بحر البسيط]

أخواني محتاج مشورتكم :
وجدت موقع متخصص بتوفير المشتروات من المواقع العالميه الموجوده على النت مثل ebay-amazone
يعني تختار السلعه من النت وتحول لهم المبلغ في حساب بنكي محلي من بنوكنا ، عندهم في كل بنك حساب يعني
ما تستخدم بطاقة الفيزا ويرسلولك أغراضك عند باب بيتك ومحتار أتعامل معهم والا لا؟؟
أشيرو علي وممكن أضع الرابط حقهم إذا سمح أخواننا في المنتدى

[هدير الموج]

لا تشتري بالفيزا او التحويل لجهات مجهوله بالخارج خاصة لو مبلغ كبير

عمليات النصب والاحتيال شغاله هذي الايام

دنت بحفظ الله ورعايته

[pirateee]

السلام عليكم
اخوي الشراء من النت له مخاطر مثل النصب والسرقة , ولكن بنفس الوقت له ميزة انك تقدر تشتري اشياء ماهي موجودة عندنا وبسعر اقل احيانا.
انت ما ذكرت اسم الموقع ( مستغرب ) ويمكن تحب انك تحتفظ فيه لنفسك وهذا من حقك , عموما المواقع المشهورة وذات السمعة العريقة ما اعتقد انها بتسرق او تنصب عليك, اذا موقعك من هالمواقع الكبيرة توكل على الله واشتر اللي بخاطرك, اما اذا كان موقعك جديد و مو مشهور ولا سمعت احد مدحه او تعامل معاه , فلا نستعمل سوء النية ونجعلهم نصابين, ولكن الحذر مطلوب.
عموما اذا الشغلة اللي تبي تشتريها مو موجودة في بلدك وانت محتاجها ضروري , ومستعد تخوض المغامرة, ممكن تسوي ( فيزا انترنت ) بمبلغ محدود (ما اعرف اذا هالفيزا متوفرة بالسعودية والا لا, لكنها شائعة عندنا بالكويت) , وتشتري السلعة .
وعسى الله يوفقك بالصفقة :)
ان شاء الله قدرت افيدك بشي

[kaaaatm]

اخوي واحد من زملائي اشترى اغراض من

http://www.leisurepro.com/


ووصلت البضاعة في أربع ايام وانشاء الله الموقع موثوق


وكذلك واحد من الزملاء شراء نفس الاغراض ووصلت في ثلاث او اربع ايام