المساعد الشخصي الرقمي

مشاهدة النسخة كاملة : المكيف بهذلني


السنع كله
08/09/2008, 02:47 PM
سيارتي جمس 99مكيفها مايبرد ابدا عبيت غاز بل بدلت الغاز الغاز فل والتبريد صفر وش الحل او ما احسن ورشه للمكيفات في الرياض والله يحفظكم ويتقبل صيامكم وكما بلغكم اوله ان يبلغكم اخره واعواما عديدة وازمنة مديدة مع طاعة وحسن عمل
الفضلي اللامي
08/09/2008, 02:59 PM
أخوي السنع كله عليك بالمراكز الموجودة في صناعية العويضة بجوار الصناعية القديمة بالرياض عندهم ضمان ...
مطلع
09/09/2008, 12:45 PM
انا عندي نفس المشكلة ياللامي , ياليت تحدد اي شارع , ومن اي مخرج اطلع له بالضبط , علما بأني في شمال الرياض
الفضلي اللامي
10/09/2008, 10:40 AM
أخوي مطلع أنزل مع مخرج 16 باتجاه الملز بعدين خذ يسار مع أول أشارة (تقاطع شارع علي بن أبي طالب) واستمر من فوق الكبري حق القطار تجيك اشارة (تقاطع شارع الأمير سلمان) تعداه سيده ثم امسك الخدمة فيه مسجد على اليمين قبله ادخل يمين وخل المسجد على اليسار وجهك غرب هذا الشارع المقصود ...
اعقاب
10/09/2008, 10:51 AM
خل الكهربائي يشيك على البلف اللي في الثلاجه
مطلع
10/09/2008, 01:12 PM
أخوي مطلع أنزل مع مخرج 16 باتجاه الملز بعدين خذ يسار مع أول أشارة (تقاطع شارع علي بن أبي طالب) واستمر من فوق الكبري حق القطار تجيك اشارة (تقاطع شارع الأمير سلمان) تعداه سيده ثم امسك الخدمة فيه مسجد على اليمين قبله ادخل يمين وخل المسجد على اليسار وجهك غرب هذا الشارع المقصود ...
بيض الله وجهك ,كفيت ووفيت الله يعطيك العافية
عاشق الغضا
10/09/2008, 01:54 PM
فيه مركز الاختصاص بالصناعية القديمة بس غالي شوي
شاص
10/09/2008, 02:05 PM
إذا كانت المشكلة في دفع الهواء ضعيف شيك على فلتر المكيف
رجـ الصدى ـع
10/09/2008, 02:20 PM
نفس مشكلتي بالضبط ..
عبيت فريون أصلي ولابرد ..
والبارح غيرت البلف ولا فاد ..
الله يعيننا على كمبرسر آخر ..
صقرالعرب2007
10/09/2008, 05:57 PM
أخوي ممكن تكون المشكلة بسيييطة....
فيه كهربائي باكستاني ممتاااااااز جداً يتعامل معه أبو الحارث ـ عضو معنا بمكشات ـ من 20 سنه
أكثر من 3 سيارات أعرفها و أصحابها كانت ما تبررررد أبداً عقب ما راحوا للباكستاني ضبطت معهم..
مكانه ونت جاي للشفا من طريق ديراب أدخل على شارع المعارض و خل وجهك جنوب وامش لين يجيك مطعم المائدة البخاري لف قبله يمين واسأل عنه اسمه صادق واسم محله 6 أكتوبر بابه لونه ازرق
رح لمه وبتدعي لي انشاءالله
لولا سياسة المنتدى في منع وضع الأرقام كان حطيت الرقم لك الحين ولا والله الاشراف ما يخليه ولا نص دقيقه على طووووول ****** (^ـ^)
ناوي نيه
10/09/2008, 06:29 PM
اخوي كان مكيفه وهو واقف مايبرد ابدا سوا تصفيت مكينة وضبط
alkongrs
11/09/2008, 07:29 AM
شيك على المراوح