الأمطار التي هطلت على محافظة الرس اليوم 25/11 (صور)

[ابو شكاع]

السلام عليكم

حياكم الله

موضوع بدون تعليق بس صور

اليوم امطرت على القصيم امطار خير وبركة <<<< هماه بدون تعليق


فعلا المطر كان ما شاء الله غزير

شوفوا الصور

وترى كاتبن على الصور بالفوتو شوب وويني عند نفسي متشقق من الأناسة اني صرت اعرف اكتب

الصورة الأولى
7
7
7
7

http://www.qosman.com/uploads/00002407/raas%201.jpg


وهذي الصورة الثانية وهي لوادي النساء وهو معروف طبعا ويقع بين الرس ودخنة
7
7
7
7
http://www.qosman.com/uploads/00002407/wadi%20nesa1.jpg


وهذي ثالثة
7
7
7
7
http://www.qosman.com/uploads/00002407/wadi%20nesa2.jpg

وهذي بعد
7
7
7
7

http://www.qosman.com/uploads/00002407/wadi%20nesa3.jpg




[align=center]وهذي آخر صورة
7
7
7
7
http://www.qosman.com/uploads/00002407/wadi%20nesa4.jpg
على فكرة مدري هو يطلق عليه وادي النسا او النساء

عاد انتم انشدوا الصراحة انا عجزن اروح انشد احد


وغير هذا ان واحدن يطلب قروش بالمفرق هناك وان شافن طبلن باقرب واير

يانا تبعبست مع هالصور مدري وش بهن مير اشوا زانن

من حيث يوم اقول اني فرحان باني اكتب على الصور ......... انا عارف ان صقر والحاتمي يضحكون علي لان كتابتي بدائية

لكن عاد الوعد قدام :)

اعتذر على ركاكة الأسلوب .................وسرعة الموضوع ............... ولكن بي نوم عظيم .......

الله يجعل بهالأمطار خير وبركة




وهلابكم

[راعي الحزم]

الله يعطيك العافية ومشكور على الصور وليتك صبرت شوي لين تجي الشعبان وصورت صور أكثر
الحقيقة كنت اتمنى أعرف أصور ولكن انا والصور عدوان وتكفى لا تخلينا من صور شعبان القوعي المرة الثانية

[ابو شكاع]

هلابك راعي الحزم

بيني وبينك انا صورت صور واجد ....................... لكن حذفت منهن كثير وركزت على بعضهن... ................... انت تعرف ان كثرة الصور تأثر على تحميل الصفحات

والسيل ما شاء الله تبارك الله وش زينه

ومن حيث شعيب القوعي ما لك هم ................. بإذن الله ان حصل فرصة نصوره لك طال عمرك

ومن حيث انت والصور أعداء ..................... فترى الدعوا ما هنا ابسط منه

كاميرا ................... وتعريف .............. وبعدين تحميل على النت


وحياك ربي

[نقا هشال]

ابو شكاع
ماشاء الله تبارك الله

يعطيك الف عافيه على الصور المعبره

تحيتي لك...

[عبدالله الصالح]

السلام عليكم ورحمة الله وبركاته
مشكور اخوي على الصور السنعة وياليتك مصور اكثر من فوق الجسر .
اخوك القصمنجي..:good: :good:

[الحاتمي]

تسلم يابو شكاع على الصور

انا عارف ان صقر والحاتمي يضحكون علي !!!!!

وش اضحك عليك فيه يابوشكاع
الا والله ماقصرت على مجهودك هذا
بس لي عتب عليك
بما انك رايح لوادي النساء على طريق دخنه
ورى مامريت سميك واخذت له صوره وحطيته مع الصور
الضاهر انه على دربك وانت طالع من الرس
ابو شكاع وادي الرمه يذكرون انه مقبل عليكم لايفوتك
ولا تفوتنا الصور تكفى ترانا ولهين عليه
تحياتي لك....

[تميم]

بعد اذنك يبو شكاع هذي صورة اضافيه للجسر الرابع جنوب الرس

http://ka868.jeeran.com/arrass.JPG

[فـ(الجـوف)ـتى]

ماشاءالله تبارك الله

مشكور اخوى الغالي على هذه الصور الرائعه

وجزاك الله كل خير 0

[ابو شكاع]

نقا هشال



اهلا وسهلا بهالطلة

تسلم اخوي وما قصرت

ولاهنت

ــــــــــــــــــــــــــــــــــــــــــــــــــ ـــــــــــــ
القصمنجي
وعليكم السلام ورحمة الله وبركاتة

نعم ...................... كلامك سليم ........................

ولكن وانا اخوك العالم جايين يشوفون الوادي ومبسوطين .............. ولو وقفت بنصف الجسر وصورت صورة اسقاطية بعدين جا واحد من اللي ماسك الطارة وجادع راسة يسار يشوف الوادي

وش رايك وش ابصير ‍‍‍‍‍‍‍‍؟؟

شكلهم مهوب قادرين يمكعونن من الجسر الا بملاسة كبيرة :)

لكن توجيهك لي صحيح ميه ميه وفاتت علي ........... لدرجة انه كان راكب معي واحد ما احبه يعني لو انا قايل له صور كان فيه حالتين

اما انه يبي يصور ولا يصدم ........ وبهالحالة ابكسب الصور

او يبي يصدمه احد وبهالحالة ابكسب فرقاه ههههههههههههههههههههه

شكرا لك

ــــــــــــــــــــــــــــــــــــــــــــــــــ ـــــــــــــــــــــــــــ
الحاتمي <<< (قلب حب اخضر بمناسبة الربيع)

انااخاف احط صورة سميي يملون خويانا ويقولون وش هالعلة

لكن من ناحية وادي الرمة ................. فما لك هم بإذن الله

وتسلم

ولاهنت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

تميم .................. هلابك

ومرحبا

ما ظهرت عندي الصورة

ولكن مشكووووووووور على هالإضافة اخوي

ولاهنت

ــــــــــــــــــــــــــــــــــــــــــــــــــ ـــــــــــــــــــــــ
فـ(الجـوف)ـتى


اهلا وسهلا اخوي

الشكر لك على مرورك

ولاهنت

[المرصاع]

سلم لنا اصبع ضعط على هالكميرة:)

صور جميلة والله يطرح البركة:::

تقبل تحياتي:::

[ابو شكاع]

هلابك المرصاع

الله مير يسلمك وانا اخوك

وشرفني مرورك الجميل

ولا هنت

[خوي راعي كيف]

الله يعطيك العافية يابو سجاع عز الله انك مصور رهيييييييييييييييب والله انك سبقتن بالصور ماشا الله عليك

ولو انا داري كان جادعك مع اللوحه علشان ماتسبقن ;)

؛؛؛؛؛؛ بس عاد ورا ماطلعت صورة لشعيب ابو سجاع والعبيل والجسور ..

وتسلم وماقصرت على الصور

[صقر]

ابو شكاع

من اليوم وطالع نبي نسميك مراسل مكشات لوادي الرمة

ونبي كل تقرير تكتب هالجملة:

ابو شكاع - مكشات - وادي الرمــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــة

يعني نبيها على طريقة (أكرم خزام).

والحقيقة صور رائعة ورصد رائع لهطول الامطار في منطقة مهمة...

[عبدالله العمير]

السلام عليكم

الله لا يعطيك الا كل عافية اخوي ابو شكاع على هالصور الجميله وخصوصا الصورة الاخيرة

اللي تنم عن حس فني للاخرج واستغلال زاوية الضوء

ماشالله عليك

والله في الحقيقة تمنيت ان اكون هناك لكن انت قصرت المسافات الصراحة

والوعد ان شالله قدام لاني تفرغت الحين لمثل هالامور ان شالله

اكرر شكرك على الصور الرائعة

وهذي مجرد مشارك بسيطة لاحد الاخوان لشعيب الكمب

http://www.moveed.net/hosted/r8gnc3qijgaeq4h9advbhm7fh9arnbtk.jpg

[الحاتمي]

الغالي ابوشكاع
شكرا على قبولك طلبي بتصوير وادي الرمه
وانتظرالصور ان شاء الله في موضوع آخر شيق كما عودتنا
ولكن حذاري ان تصور لنا الوادي من الجهه الجنوبيه؟؟
(اللتي بالقرب من مدرسه القياده)؟؟;)
عليك بالجهه الشماليه يابعدي
.......................................
ديرة تذكر على جال الشعيب ------ اسمها؟؟؟؟ ؟؟؟؟؟؟؟ ياجعلها والله للعمار
ولا تهون الجاره الجنوبيه:)
تحياتي لك ابو شكاع.....

[ابو شكاع]

خوي راعي كيف

هلابك

يارجال انا هجيت عن ابو شكاع عقب هكالبردية اللي ضربتنا فيه

حتى اني الآن افكر غير اسمي

بس عاد لازم اروح للاحوال المدنية حقت مكشات ........ واذبح ذبيحة اعزم الأعضاء

بعدين ما يمنع انك تحط صور وانا اخوك ....... واذا تبي هنا حطهن

من حيث الجسور بيني وبينك كنت مستعجل اخاف يفوتن وادي النسا .......... هذا غير اني صورت صور اكثر لكن تعرف مهوب كلهن يطلعن تمام

وهلابك

ــــــــــــــــــــــــــــــــــــــــــــــــــ ـــــــــــــــــــــــــ

صقر

اجل وادي الرماااااااااااااااااااااااااااااااااااااااااااااا ااااه ههههههههههههههههههه

عاد يبي لنا واحد يندف علي القطن تسنه ثلج مثل اكرم خزام

هلابك ولاهنت


ــــــــــــــــــــــــــــــــــــــــــــــــــ ـــــــــــــ
وعليكم السلام

هلااااااااااااااااااااااااااااااا وغلاااااااااااااااااااااااا بالأزرق

منور الموضوع

الشكر موصول لك وما قصرت

ومشكور على الإضافة الجميلة

على فكرة

انا كنت ابحط الصور هناك لكن سلمان ما قصر :)

وتسلم

ولاهنت

ــــــــــــــــــــــــــــــــــــــــــــــــــ ـــــــــــــــــــــــ

هلا بالحاتمي

بيني وبينك انا ما فهمت المنطقة اللي تبي الصور منه ؟

ايهن؟؟

وهلابك

ولاهنت

[ابو عايد]

ماشاء الله تبارك الله


يعطيك الف عافية اخوي ابو شكاع على صور السيول الرائعة

وتقبل تحياتي // العاشق الولهان

[الحاتمي]

ابو شكاع الغالي يامراسلنا في وادي الرمه:D
اقصد انك ماتصور لنا الوادي من الكبري الاول
وانت طالع من الرس؟
يعني التفت يسار قبل الكبري وتعرف السبب;)
تعد الكبري الاول الكبير ورح للكبري الثاني الصغير
اللي قبل محطة الوادي
يذكرون ان الكبري الصغير ممشاه طبيعي؟؟؟؟
ولا يستعين بصديق؟
هالحين اذا مافهمت يابو شكاع تراي ابجيب
البلدوزر ابو جنزيرواساوي بك الارض:mad:
المهم لاتنسى الصور يامراسلنا العزيز

[ابو شكاع]

المعذرة احبتي على التأخير

ابو عايد

شاكر لك مرورك يا طيب

ولا هنت

ــــــــــــــــــــــــــــــــــــــــــــــــــ ـــــــــــــ

الحاتمي

رحت امس الظهر وصورته لعيونك

لكن لقيت عود رمث منزل موضوع فيه صور للوادي ...........

الجسر الجنوبي اجود من الجسر الشمالي .............

وهلابك

[عاشق الصفاري]

تسلم يالرساوي على الصور الرائعة ..
ولونك مصور من فوق الجسر كان ازين لكن راح الوقت ..
بس المرة الثانية لا تنسانا بالصور الزينة ..

[ابو شكاع]

هلابك عاشق الصفاري

سبب عدم اخذ صور من فوق الجسر هو ان الجسر ضيق والطريق مزدحم

يعني احتمال وانا اصور ما ادري الا وانا صايرن تمثال لتريلة جايه مسرعة هههههههههه

هلابك اخوي

[صقر]

يارجال انا هجيت عن ابو شكاع عقب هكالبردية اللي ضربتنا فيه

حتى اني الآن افكر غير اسمي



ابو شكاع حلوووووووة

الصراحة بالمقص والله اني فطست من الضحك على ذي..

[ابو شكاع]

ههههههههههههههههههه

هلابك ابو احمد

اجل جازت لك خخخخخخخخخخخخخخخخ



هلابك ولاهنت والله يحلي ايامك