تكفوووووووووووووووووووووووووووووووووووون ؟؟؟؟؟؟؟؟؟؟؟؟؟؟ الحل

[القلب يحزن]

السلام عليكم ورحمة الله وبركاته وبعد
مشكلتي في جيب الفورد ماونتير 2002 ماشي 170000
اولا / عندي صوت في الدريكسون زي الونة علبة الدريكسون ما فيها شي
ثانيا / الجربكس يتأخر في R يمكن 10 ثواني ثمن يلقم بقوة ويطق واذا عشق من الرابع للخامس
المشكلة اني كل 30000 اسوي تغيير للزيت والفلتر في الوكالة وعلمتهم بالصوت قالو ممكن الحمات يبغاله توضيب من 7000 الى 9000 ريال .
فارجوكم الحل وشكررررررررررررررررررررررررررا

[سطام vip]

بسم الله الرحمن الرحيم

اخوي القلب يحزن

وعليكم السلام ورحمة الله وبركاته

الله يكون بعونك ويسهل أمرك اخوي

وبالنسبه للقير المشكله فيه المشاكل تتشابه والاسباب كثيره

يعني احينا طنجرة القير تسوي تأخير في التعشيق

ويمكن يكون حساس عطلان والا شي

اخوي نصيحتي لك شيل من بالك توضب القير في الوكاله

في حال انه يحتاج توضيب لانهم اكيد بيسلخونك في السعر

اول شي روح لمراكز الجيرات في الصناعيه القديمه

وخذل لك فره عليهم وشوف وش يقولون المشكله بس انتبه

من مركز اسمه (جيركو) نصابين شوف الباقين ولا تخليهم يصلحون اي شي بس شوف وش يقولون المشكله منه

وبعد كذا اشتر القطع وصلحه في احد الورش المشهود لها

وان شاء الله الاعضاء ما يقصرون معك وبيعطونك اسماء لورش

وان شاء الله بعد يكون عندهم الحل

واتمنى من الله ان يدخل اخونا لن امل من العطاء

واخونا سوبر فتك ولا يهون الباقين

وبيعطونك الزبده

اسف عل الاطاله

وبالتوفيق للجميع

[البرحه]

ناظر الزيت لا يصير ناقص بس

[القلب يحزن]

الله يعطيكم العافية وما قصرتوا ولكن الصوت الثاني في الدريكسون ما أحد عنده فكلرة في ذلك .

[الربذي]

وعليكم السلام ورحمة الله وبركاته اعذرني اخي الكريم
وش لك وماونتير غثيث مره وكثير خرابات وبيعة صعبه للغايه هو اردى موتر في الفورد
لو اخذت فورد اكسبلورر اذا تبي امريكي حلو 0
ارى تبيعه افضل 0تزين من هنا يخرب من هنا وجع راس وسعره دايم بنقصان

هذا رايي لان 170 الف ماهو ممشى صراحه قليل جدا

[المميـز]

بالنسبه لصوت الدريكسون هذا من اللعلبه حقت الزيت
اتوقع انها على وشك تخرب لانها صارت معي بالباترول
كانت تطلع صوت اذا لفيت واانا واقف وبعد فتره صار الدركسون يثقل بعد ما اشغل
الموتر وامشي عليه مدة خمس دقايق

ومشكلة القير يمكن تكون برمجة كمبيوتر لااكثر ولا اقل

[ابو خالد 1992]

الله يكون بعونك يا خوي و بالنسبة للقير هذي مشكلة في كل سيارات الفورد الكبيرة الجديدة وخصوصآ الماونتنير كان مع شخص و وظبة اكثر من ثلاث مرات ؟ واعرف قريب لي كان بيشترية وراح وسئل عنه قالو له هج القير مشكلتة مشكلة عيب مصنعي لا كن من رايي الشخصي انك ترهم له قير إذا لقيت احد يرهملك قير اي موتر ثاني يكون مناسب لقوة المكينة و بالتوفيق إنشاء الله

[»وحداني«]

تسلم اخوي ع الموضوع ويعطيك الف الف عافيه

[القلب يحزن]

الله يبارك فيكم ويكثر من امثالكم ويجعلها في موازين حسناتكم والسلام عليكم ورحمة الله وبركاته:redcar:

[AMAZ]

مشكلتك انك تدلعته كل 30الف تغير زيت القير المفروض انك تغير الزيت كل 100 الف .
لان السياره الامريكي اذا دلعتها تتعبك وتكثر خرابتاته . لكن اذا طنشتها والله تسلك معاك . واهم شي السياره الامريكي لا تغسلها بستم او تغسيل المكينة .. لانها كلها حساسات .

[الربذي]

الله يكون بعونك يا خوي و بالنسبة للقير هذي مشكلة في كل سيارات الفورد الكبيرة الجديدة وخصوصآ الماونتنير كان مع شخص و وظبة اكثر من ثلاث مرات ؟ واعرف قريب لي كان بيشترية وراح وسئل عنه قالو له هج القير مشكلتة مشكلة عيب مصنعي لا كن من رايي الشخصي انك ترهم له قير إذا لقيت احد يرهملك قير اي موتر ثاني يكون مناسب لقوة المكينة و بالتوفيق إنشاء الله
ياخوان رجاء الانتباه تراها بس دقه مسافه ماتاخذ منك اكثر من نص ثانية
ان شاء الله تكتب هكذا ان شاء الله
لان شبكاها مع بعض يغير معناها والعياذ بالله 0غفر الله لنا ولكم 0

[ابو فيصل 635]

السلام عليكم ورحمة الله وبركاتة

كيفكم اخواني

اخوي انا اتوقع صوت الي في الدركسون من طرنبت الدركسون شيك عليه وشف

والله يعينك مالك الا الالماني ولا الياباني
وخلك من الامريكي

وتقبل تحيات اخوك:
ابو فيصل 635

[ابو خالد 1992]

ياخوان رجاء الانتباه تراها بس دقه مسافه ماتاخذ منك اكثر من نص ثانية
ان شاء الله تكتب هكذا ان شاء الله
لان شبكاها مع بعض يغير معناها والعياذ بالله 0غفر الله لنا ولكم 0
جزاك الله خير على التنبيه و الحمد لله اننا ابناء عقيدة صحيحه و الخطأ املائي غير مقصود . و الله من وراء القصد