الحرارة الحرارة ياجماعة

[الصقلاوي]

السلام عليكم ورحمة الله وبركاته
ياجماعة الخير انا ابعرض لكم مشكلتي مع الحرارة
واتمنى القى عندكم الحل
نوع السيارة:لاند كروزر GXR
الموديل: 2004م
الموضع هو ان الحرارة ترتفع ويتعدى الامبير النص
اذا كانت السيارة واقفة علما ان الاديتر مايفور وحرارة
المكينه حرارة عادية واذا دعست بنزين تنزل الحرارة :confused:
علما اني
1-تم تغيير الحساس.
2-تم تغيير البلف.
3-تم تغيير طرمبة الماء.
4-تم تسييخ الاديتر.
5-تم تغيير الخراطيش.
اتمنى من الاخوان الي عندهم خبره يفيدونني
لاني وصلت مرحلة ان السيارة فيها عين:(

[الشهابة]

اخوي الصقلاوي ..

شيك يا طويل العمر على المروحه و تماتيك المراوح و البكرات و السيور .. و الله يبارك لك في موترك ..

[أبو فهد11]

أخي العزيز أنا ما عندي خبره لكن أحتمال تكون من المروحه هي اللي خربانه

أكشف عليها وتأكـــــد

[VXR.2007]

عندي نفس المشكله بس موديل 98 vxr اذا سافرت في الليل الامبير على الربع وفوق شوي واذا سافرت بعد العصر اوالظهر على النص ... امشي 150
واذا طلعت مشوار في الرياض اوقات النهار تحت النص بشووي ..
ان شاء الله أكون أفدتك

والله اعلم مافيه مشكله عندنا الجوا حارررررررررر

[الثويرات]

اخوي الصقلاوي ..

شيك يا طويل العمر على المروحه و تماتيك المراوح و البكرات و السيور .. و الله يبارك لك في موترك ..



كلام سليم:good: :good: :good: :good:

[adil33]

وضع موترك عادي جدا لا تقلق

[االديحاني]

كل حياتي مع الاند كروزر
كنت اقلق من الوضع هذا وبعد فتره تبين لي انه عادي
موترك سليم لاتسوي شي فيه

[الصقلاوي]

:) الشكر موصول لكم اخواني على نصايحكم
ومروركم والله يعطيكم العافية:)

[ابوفهوود]

وضع موترك عادي اذا كنت في نجد الحبيبه

[جزاء الشمري]

معي gxr2003
نفس الوضع اللي تذكر لاتشيل هم موترك مافيه ألا العافية والله يعطيك خيره ويكفيك شره .

[أبو عقل 1403]

السلام عليكم,,,,,,,
صارت لي نفس المشكلة وراح علي الراس والموتر الى الحين بالورشة
كله من هالحرارة ان شاء الله اليوم بطلعة وعلطول بسيخ الرديتر ومويه حمراء ونشوف تنزل ولا لا

[alkongrs]

اخوي الصقلاوي ..

شيك يا طويل العمر على المروحه و تماتيك المراوح و البكرات و السيور .. و الله يبارك لك في موترك ..


كلام اخوي الشهابه والصقلاوي صحيح شيك يمكن السبب من هذولي

[mmgarni]

العلم سلامتك يالطيب كلتش المروحة خذ كلام اكيد عندي نفس المشكلة وقلت عايدي اذا وقفت ترتفع الحرارة خصوصا بالنهار واذا مشيت او دعست بنزين تنخفض على طول هذا كلتش المروحة الله يعينك جرب وشف
شغل الموتر وهو بارد وبعدين افتح الكبوت وحاول توقف المروحة اذا وقفت هذا كلتش مايحتاج قيمتة تقريبا 370 الى هالحدود
احذر احذر تحذر تهملة يمكن يروح الراس
وتحياتي

[ثورة الشك]

غريبه اصحاب سيارات تايوتا عامتا مايشكون من ارتفاع حراره سياراتهم

عموما اخوي اذا كان المشكله من كلتش المروحه لاتغير الا اصلي من الوكاله ولو تغير الاديتر يكون احسن خصوصا اديترات سلامه

لايهمك التكلفه ترى التساهل بلامور الصغيره يجرمشاكل كبيره خصوصا الحراره على المكينه تخبط بالمكينه

[shaheenshah]

اذا تعدت الحرارة النص فهذا شي غير طبيعي أبداً وموترك فيه مشكلة

وبما انك تقول انك غيرت البلف والحساس والطرمبه والخراطيش وسيخت الراديتر اتوقع مثل ما قالوا الشباب يا ان السير مرتخي او توماتيك المروحة
واذا كان الموتر جايه حراره من قبل فاعتقد الراس عندك منطعج

[شروكي سبورت]

اخوي الصقلاوي ..

شيك يا طويل العمر على المروحه و تماتيك المراوح و البكرات و السيور .. و الله يبارك لك في موترك ..
كلام الشباب 100%100

[بارق تميم]

يابعدي واحد من العيال ترتفع عنده الحراره تاصل النص وغير البلف وركب بلف ديزل يقول الحراره رجعت زي اول على الربع

اتمنى اني اكون افدتك بشي