مفتاح كهربائي لفصل البطارية والاصابع مشبوكة << صورة

[أبو مسفر]

وجدت في النت هالجهاز
صراحة ياليتنا نلقاه في السعودية
يعمل هذا المفتاح الكهربائي على فصل الطاقة الكهربائية عن السيارة بما يمنع اللصوص من تشغيل السيارة وسرقتها، وذلك من خلال تركيب هذا المفتاح فوق الطرف الموجب أوالسالب للبطارية سواء كانت بقوة 6 أو12 أوحتى 24 فولت، وعند إزالة الماسكة المدورة الخضراء وحفظها في مكان آمن لن يتمكن اللصوص من تشغيل السيارة مهما فعلوا لتشغيلها، كما أنه لا داعي للقلق من تداعيات فصل البطارية فلا حاجة إلى إعادة برمجة الراديو أوالساعة أوكمبيوتر لأن هذا المفتاح مزود بمصدر لتغذية الأجهزة الإلكترونية بطاقة كافية للمحافظة على أنظمة الذاكرة فيها.

ملاحظة : السعر : 19.95 دولاراً


http://www.al-jazirah.com.sa/cars/22112006/400.jpg

[السارحي]

لاهنت يالغالي

اتوقع تطلبه يطلع ارخص لان ربعنا اذا جابوه بيخلونه اضعاف هالسعر

[ابو ناصر 1212]

الله يعطيك العافية أخوي ابو مسفر
بصراحة فكرته رائعة
ياليت نجتمع بأكبر عدد ممكن من الأعضاء كلن حسب رغبته ونطلبه كميه
ويكون فيه تنسيق معين بطريقة الدفع ومن يتكفل بطلبه من المصدر

[المميـز]

ممتاز وفكرته رائعه جدا

اتوقع ساكو يجيبه !

مشكووور اخوي على الموضووع

[أبو مسفر]

اشكر الاخوة جميعاً : السارحي وراعي المعارض والمميز
اخي راعي المعارض
كيف نتجمع ونشتريه لآنه صراحة رخيص حوالي 75 ريال + مصاريف الشحن تقريباً 50 ريال للقطعة عن طريق ماستر كارد أو فيزا

[محمد الصرير]

والله فكرة ممتازة ، وفكرة التجمع أنا من المؤيدين لها أخوي راعي المعارض وأبومسفر ، فصلوا وأنا ألبس ، وخاتمة القول (تم ) وانا معكم . ودمتم سالمين

[ابو ناصر 1212]

اخوي ابو مسفر
يعني لو تم التنسيق فيما بيننا هنا وتجمع أكبر عدد ممكن من الأعضاء ولهم رغبة في شراء هذه القطعة وتم التنسيق مع المشرف في طريقة طلبها وكيفية وتحويل المبلغ هذه طريقة.
الطريقة الأخرى هي أن يطلبها أحد الأعضاء ويبيعها بعد أخذ مكسبه .
وفي كلا الحالتين ليس لدي مانع من شرائها
وأريد قطعتين
ولي عودة

[أف جي كروزر20]

ياشباب هالقطعه متوفره عند العليان خريص
أنا مركبها لإحدى سياراتنا وتكلفتها إذا ماني واهم كانت 350 مع التركيب
وتشغلها وتطفيها بريموت
مايحتاج تفتح الكبوت

[»وحداني«]

تسلم اخوي ع الموضوع ويعطيك الف الف عافيه

[أبو طاري]

أخوي اف جي
ياليتك ياخوي
تصور لنا الجهاز ياخوي

[الهاوي2008]

المشكلة حراميتنا ممكن يرمي بطارية السيارة ويركب بطارية ثانية :(

[أف جي كروزر20]

أخوي اف جي
ياليتك ياخوي
تصور لنا الجهاز ياخوي


صعب اصوره لأنه مخفي تحت البطاريه :)

[سوبر VTC]

فكرة ممتازة لاهنت
لكن انا ارى هالطريقة معقدة شوي هل من المعقول كل ما نزلت من السيارة ابفتح الكبوت و افصل الفرار الاخضر
***
الحل المثالي و الناجح فاصل الماني ب10ريال لكهرب المكينة او السويتش بحيث ان الموتر يدق بس ما يشتغل و تقدر تخليه ما يدق نهائي كأن السلف او دقمة السلف خربانه و تقدر تحطه بمكان خفي و لا يطري على البال
تحياتي

[أ ب و ع ل ي]

ركب لك فاصل في مكان آمن ولا عند مشكلة أن شاء الله

[a.n.a.kh]

اخبر واحد من الشباب كان معه كامري وساكن بالنسيم

كل يوم مسروقه

جاب فاصل زي حق الكشافات

ووصله بالسويتش

يعني اذا فصله ما تشتغل

وحاطه بمكان محترم