أنغشيت في هذه السياره وابي اغيرها

[صافي القلب]

يااخواني ابي استشيركم في سالفة
أنا عندي لاندكروزر موديل 2006GXR بصراحة واللة سياره فاشلة بالنسبة لي ما أدري يمكن علشان السياره قير أتماتيك وهي أصلا عزمها ضعيف المهم أنا ودي أبيعه وأشتري FG كروزر ياليت اللي عنده خلفية وخبرة قوية عنfgلا يبخل عله بشوره ولكم تحياتي :confused: :confused:

[VXR.2007]

http://www.mekshat.com/vb/showthread.php?p=1859001#post1859001
شوف هذا الرابط
وشكراً ....

[بدوي جنوبي]

شف يا اخوي صافي

لا تشتري جيب 6 سلندر خذها قاعدة

الجيب اذا ما كان 8 سلندر ما ينفع
قوة عزم وسرعه اللي تبي

جرب 8 سلندر وشف كيف

بالتوفيق

[هـدد]

صدق اخوي بدوي خذ 8 سلندر وشف العزم
الاانكانك تبي موترشباب هذا شي ثاني

[.أبوعبدالرحمن]

انت شكلك تبي سيارة مقاوم

انا سقت جي اكس ار 2004 تماتيك

عزمه ماشاء الله حلو لكن انت شكلك متعود على سيارات صغيرة وعايدي بعد


ومن ناحية الاف جي عزمه اقوى من الجي اكس ار بدون شك


والله يرزقك باللي تحب

[نزف الجروح]

من المعروف ان جي اكس ار لاينفع معة القير الاتوماتيك لان القير اكبر من حجم المكينة وهو مخصص في الاصل لل8 سرندل فتجد ان عزمة ضعيف جدا
فيكون القير العادي في الجي كس ار افضل وفي الفي اكس ار التماتيك
اما السيارات الجديدة 2008 فانة لايفرق ال6 او 8 سرندل في القير الاتوماتيك جميعها لها قوة عزم جبارة
كذالك الاف جي فهو 6 سرندل وقوة بالقير الاتوماتيك خيالية في الرمال وهي سيارة ماعليها كلام في الصحراء
بس ترا على الخطوط مثل الجيب الربع تقريبا وعيبها مافيها غير مكيف واحد
وهذا الكلام عن تجربة شخصية بجميع الانواع الي ذكرت

[صافي القلب]

الأخوة
Vxr.2007
بدوي جنوبي
أشهب مطور
ابو عبدالرحمن الصفيان
نزف الجروح
ألف مليون شكرا لكم

[شمالات نجد]

العله ليست في السيارة وقوتها

العله فقط في القير الاتوماتيك في الموديلات 2007 ونازل

لأن هذا القير ضعيف ويتكون من 4 سرعات فقط

مثل قير الكورولا التماتيك :( 4 فقط

الجديد صار خمس سرعات وغيرو المكينه بمكينه أقل 4000 سي سي بدلاً عن 4500

عموماً يا زين الجيوب بقير عادي بس تجبرنا زحمات الرياض وغيرها على التماتيك

وفقك الله والجميع

سلام

[صافي القلب]

العله ليست في السيارة وقوتها




العله فقط في القير الاتوماتيك في الموديلات 2007 ونازل


لأن هذا القير ضعيف ويتكون من 4 سرعات فقط


مثل قير الكورولا التماتيك :( 4 فقط


الجديد صار خمس سرعات وغيرو المكينه بمكينه أقل 4000 سي سي بدلاً عن 4500


عموماً يا زين الجيوب بقير عادي بس تجبرنا زحمات الرياض وغيرها على التماتيك


وفقك الله والجميع



سلام

حبيبي واللة أنك صادق لكن ترى اللاندكروزر الجديد ما ضعفوا مكينته بالعكس صارت أقوى صحيح هي 4000 سي سي فقط لكن المكينة صارت على حرف V يعني عامودين تيمن وهذه المكاين تعطي قوة اكبر من المكاين اللي لها عامود تيمن واحد لأن مكينة ال2006 قوتها 226 حصان والجديد قوتة 240 حصان والحركة الثانية الحلوة ان قيراتهم صارت 5 نمر بدل 4 وعلى فكرة مكينة اللندكروزر2008 6 سلندر وقيره نفسها في ال FG والبرادو ال6 سلندر ومشكلتي أني معجب بقوة الFG لكن الGXR فية مميزات ماهي في الFG وهذا بعد اهم شي فية القوة اللي مفتقدها في ال GXR
واللة يوفقك دنيا وأخرة

[alkongrs]

جرب اvx-rوالله ياهو موتر

[شمالات نجد]

حبيبي واللة أنك صادق لكن ترى اللاندكروزر الجديد ما ضعفوا مكينته بالعكس صارت أقوى صحيح هي 4000 سي سي فقط لكن المكينة صارت على حرف V يعني عامودين تيمن وهذه المكاين تعطي قوة اكبر من المكاين اللي لها عامود تيمن واحد لأن مكينة ال2006 قوتها 226 حصان والجديد قوتة 240 حصان والحركة الثانية الحلوة ان قيراتهم صارت 5 نمر بدل 4 وعلى فكرة مكينة اللندكروزر2008 6 سلندر وقيره نفسها في ال FG والبرادو ال6 سلندر ومشكلتي أني معجب بقوة الFG لكن الGXR فية مميزات ماهي في الFG وهذا بعد اهم شي فية القوة اللي مفتقدها في ال GXR
واللة يوفقك دنيا وأخرة

والله عارف وأنا أخوك

أنا تكلمت عن القير في 2007 وتحت (أقصد الجكسار)

وذكرت المكينه بقصد أنها أصبحت أقتصادية أكثر في استهلاك الوقود

ولا تعلمني عن v6 شي أبداً لأني جربتها على فورتشنر مشاء الله طياره وترد الروح

وفقك الله والجميع

سلام

[المميـز]

شف يا اخوي صافي

لا تشتري جيب 6 سلندر خذها قاعدة

الجيب اذا ما كان 8 سلندر ما ينفع
قوة عزم وسرعه اللي تبي

جرب 8 سلندر وشف كيف

بالتوفيق


مو شررررط 8 سلندر

خذ لك باترول فتك قير عادي وشف الطرب والنشاط ماشاء الله

والا خذلك جي اكس ار قير عادي وشف النشاط وشلون

ولايهووون الهـــــــــدد قير عادي يقوم على الفكسار الـ 8 سليندر

واتوقع انه يقوم على الجموس مكينه 1500

[ولد العويني]

انا معي Fj


انصحك تستاجره عشان ماتنغش فيه زي الاند


وترى الموتر معي والحمد لله تمام التمام لكن احسن لك تستاجر

[الكلاسك]

على فكره

ترا المكينة 6 سلندر تصرف اكثر من 8 سلندر اذا انت متعود على نمط معين من السواقه
حلوه نمط
عندي جيب سزوكي 4 سلندرجديد وكاله يصرف بنزين كنه 12 سلندر ( مبالغ بس شوي )
الجيب لا يقل عن 8 سلندر ولا حطه مع الغنم ههههههههه

[khaled747]

شف يا اخوي صافي

لا تشتري جيب 6 سلندر خذها قاعدة

الجيب اذا ما كان 8 سلندر ما ينفع
قوة عزم وسرعه اللي تبي

جرب 8 سلندر وشف كيف

بالتوفيق


حقيقه كلام في الصميم خصوصا في الاندكروزر
نفس القناعه من واقع تجربه انه الجيب الصالون لايمكن ان يكون قويا ويسلعك في الرمل وفي كل المواقف اذا كان 6 سرندل
لابدا ان يكون 8 سرندل والي مايقتنع يجرب الأمر

[الجندي2005]

نظرني الشخيصة ياهدد يا فكسار ........... يافتك

[ابو فيصل 635]

السلام عليكم ورحمة الله وبركاتة
اخواني لا تستهينو بال6 سرندل استهينو بالقير لأن والحمد لله انا معي هدد 2006 قير عادي والحمد لله يرفع الراس

واذا على 8 انا ماقول فيه شي بس برضوه يبقى كبر المكينه يثقل على الموتر
يعني في اكس ار زين بس ثقيل وجي اكس خفيف بس يبيله مكينه اقوى يعني افضل الخقف على الثقل
مع انه اقوى مكينه

وتقبلو تحياتي لكم:
ابو فيصل 635

[ساري 111]

<?xml version="1.0" encoding="windows-1256"?>
<message><![CDATA[الجي اكس والجي اكس ار قير اوتو
ضعيف ورده للنمر عنيف ومهب ناعم


واتوقع انه يقوم على الجموس مكينه 1500

توقعك خاطئ للأسف انا كان معي 1500 ماوالله اذكر قام عليه جيب ياباني الى جيب الربع اروح واخليه ]]></message>