كهرباء الجيب يالربع زحلطت

[شامخ ألهيلا]

اخوواني الكشاتيه

كل عام وانتم بخير

مع جيب لاند وصار معي احتراق للفيوز وهملته وسبب عندي التماسات كثيره في السياره

ومنها اذ طفيت النور تنفتح ازرار البيبان :D

واذ دقيت اشاره تولع انوار الفرامل :confused:

وفحصتها عند كهربائي ولقيت سلك عرياان مره داخل البدي من الاستطبات الين قاعدة الظفيره وداخل على الكمبيوتر

المهم اكثر من كهربائي اخليها عند ويقوول ماعرفلها

ياليت من يعرف لي كهربائي متخصص في الالتماسات يدلني عليه بالريااض


اخوكم شامخ

[ناوي نيه]

ان شاءلله يدلونك اهل الرياض

[الثويرات]

http://www.mekshat.com/pix/upload/images39/mk55341_zaz.gif




اذا تبي بالقصيم ابشر بسعدك

[شامخ ألهيلا]

مشكورين يالربع على مروورك

لاوالله ياخوي الثويرات ابيه بالرياض القصيم بعيد على والدواام عندي بعد

[adil33]

روح لاي تشليح احسن من الكهربائي على الاقل التشليح تضمن انه ما يخليك تشتري سلك جديد لانك لو استخدمت سلك جديد يمكن يكون ضعيف وفي التشليح يستخدمون سلك من اي سياره لاند كروزر اصلي وباذن الله ترتاح من مشكلتك
والله اعلى واعلم

[شامخ ألهيلا]

اخوي عادل

الدعووه مو في سلك لو على سلك جبت لهم اسلاك المانيه

بس الدعوه كلهم خايفين لان السلك واصل الى الكمبيوتر

[adil33]

جرب وروح للتشليح فاهل التشاليح تمر عليهم سيارات كثيرة جدا اكثر من الكهربائي وان ما قدروا يقدمون لك شيء فعلى الاقل رايحين يعرضون عليك فكره تغيي رالكمبيوتر احتمال يكون تاثر فعلا من الماس الي حصل

[اعي الذود]

الاخ شامخ ألهيلا




انصحك تروح للقصيم وريح راسك كله ساعتين ونت بريده

كله بأيدي وشراف سعودي وكمبيوترات مضمونة

هذا أذ تبي رايي أناء شخصي :good:




تحياتي راعي الذود

[ياوجودي]

أخو شامخ الهيلا

تحيه طيبه انا اعرف واحد بالصناعيه القديمه اذا انت ماشي بطريق الخرج متجه شمال يجيك كبري الصناعيه
لاترقى فوقه ادخل تحت ومن عند الاشاره يمين شارع الأمير سلمان وأول لفة على اليمين بيجونك محلات
بيع أقمشة تنجيد السيارات على اليسار امش تقريبا ميتين متر على اليمين كهربائي إسمه (مبروك) على فكره يماني ولكنه كبير في السن ويعرف الاندكروزر من الألف للياء هذا خبري فيه وإنت شف وتأكد انا مبطي مامريته


تقبل مروري والله لايجعل كهرباء سيارتك تزحلط مره ثانيه :no2: :D

[شامخ ألهيلا]

اخووي ياوجوودي يعطيك ربي العافيه

على نفس الشارع الي عليه اتنجيد ووجهي جنووب يجي على اليمين

[زاير الغيم]

تعال للجوف وأبشر بعزك:d

[ياوجودي]

إي ياشامخ الهيلا بالضبط هذا الوصف صحيح

[D I K T O O R]

يالحبيب وانت بطريق الخرج وكانك جي من عند السالم للزجاج يعني تخلي السالم لزجاج يمينك طوول يالذيب يجيك بنك على اليميين مادري على ما اعتقد البنك الاهلي او غيره المهم ادخل بعده يمين تجيك ورشه اسمه المدينه يقولون انها زينه مادري عنها

[أبووو محمد]

السلام عليكم كيف الحال


اذا تبي شووري فيه كهرباي فاهم بالحيل وانا قد صارت لي نفس المشكله وازوود بعد الطبلوون طفا كله ورحت لمه وعاد لي تسليك الموتر من الى وضبط وشغله ممتاز وعليه زحمه لانه معرووف


هذا اسمه عبدالستار

يمني بالرياض _ بحي السلام

عند مطعم الرومنسيه الصغير فيه محطه قبااله هو داخل المحطه بالزاويه متكووب كهرباي

وعلى قولتهم اسال مجررب ولاتسال طبيب


وتقبل مروري

[أبووو محمد]

وان كان تبي الوصف مضبووط ارسل رقمك على الخاص

[حمد الأحمد]

أخوي تبي الكهربائي الفاهم والنصوح وإذا جيته ترتاح من السيارات الي واقفه عنده

وتوثق به وأنه مايتعلم على سيارك

أبوناصر المبارك بحي الشفاء

ويعلم الله أني مأعرف الرجال بس كد أنصحن واحد به ورحتله

إن كنت تبي رقمة أرسلي بريدك على الخاص أرسل رقمه عليه