وش هالحل في هالمشكله

[مخيل البارق]

عندي نيسان عايدي مو99ديل والمشكله في العزم وخاصه في مواجهه الهواء او طلوع موقع مرتفع فمثلا امشي 140 وتنزل السرعه الى 100 في الطلوع وش الحل ,,,,,,,,,,,,,,,,,

[E7saas]

رد نمره

مثال إذا كنت بالخامس عطه رابع وع هالحال

وإذا مو المشكله كذا

تأكد من دسك الكلتش ؟؟

[يـــ ع ـــــقوب]

على خبرتي البسيطه...
ابدأ بتفقد سيارتك بالأشياء السهلة ثم الأكثر تعقيدا.. بمعنى أبسط:
1- شيك على البواجي وتأكد أنها نوع أصلي غير مقلد...
2- لآحظ مقاس الكفرات يجب أن يكون كمقاسات بلده.
3- عمل تصفية للماكينة وهذا مهم جدا للعزم - مثل تفقد أسلاك البواجي والسيور وصفاي البنزين وفلتر الهواء ..الخ.
4- أيضا نوعية البنزين الذي تستخدمه لسيارتك مهم جدا في العزم.
---
أتمنى أن أكونقد أفدتك...

[سوبر VTC]

الاخوان ما قصروا
اذا تحس ان الموتر قومته ضعيفه او فيه كتمه عليك بوزن الديلكو و يؤكد على ذلك لقلقلة البلوف و ايضا الحرارة الزائدة
***
عموما مر على الرابط لاخوي ADIL33 و راح ما يقصر معك
http://www.mekshat.com/vb/showthread.php?t=150687 (http://www.mekshat.com/vb/showthread.php?t=150687)




تحياتي

[تنوم]

تأكد من منظم الهواء وخرطوشه الي بينه وبين البخاخ مهم جدا جدا للعزم اسال مجرب

[سوبر VTC]

تأكد من منظم الهواء وخرطوشه الي بينه وبين البخاخ مهم جدا جدا للعزم اسال مجرب

الله ينور على قلبك و كل مسلم
معلومة فاتت علي اذا كان خرطوش القربة اللي راكب بالكبليتر به تنسيم او شق بسيط راح يضعف عزمه و يصير به تقطيع و اكثر اهل الباترول يحطون الشطرطون العريض الاسود
تحياتي

[مخيل البارق]

يعطيكم العافيه جميعا ماقصرتم

[عاشق السيل]

الشباب كفوا ووفوا الله يعطيهم العافية ،،،

حبيت أضيف : لايضيق صدرك الباترول من 98 إلى 2001 كلها ضعيفة بالعزم وخاصة بالظروف اللي قلتها يعني هذا شي طبيعي !!

وتقبل مروري يالغالي ....

[adil33]

ضعف العزم له اسباب كثيرة لكن خلنا نختبر سيارتك ونشوف
ابيك اخوي والسيارة واقفه عشق على النمرة الثالثة وحركها وشوف تطفي معاك ولالا
ان طفت معاك الله يعينك اكشف على صحن الكلتش والديسك والفحمة لو لقيت الصحن رايح بدون ما تردد غير طقم كامل صحن وديسك وفحمة
اما اذا لقيت الصحن طي بما فيه شيء وهذا يدل عليه حركة سيارتك بالنمرة الثالثة وبدون ما تطفي
ابيك تعمل تضبيط لانظمة الكهرباء الميكانيكية عندك مثل البواجي واسلاك البواجي شيك عليها زين وطبعا هذه الاعطال الكهربائية تكون عادة واضحة حتى لو السيارة واقفة مو شرط طلوع عالي
والله اعلى واعلم

[المميـز]

ضعف العزم له اسباب كثيرة لكن خلنا نختبر سيارتك ونشوف
ابيك اخوي والسيارة واقفه عشق على النمرة الثالثة وحركها وشوف تطفي معاك ولالا
ان طفت معاك الله يعينك اكشف على صحن الكلتش والديسك والفحمة لو لقيت الصحن رايح بدون ما تردد غير طقم كامل صحن وديسك وفحمة
اما اذا لقيت الصحن طي بما فيه شيء وهذا يدل عليه حركة سيارتك بالنمرة الثالثة وبدون ما تطفي
ابيك تعمل تضبيط لانظمة الكهرباء الميكانيكية عندك مثل البواجي واسلاك البواجي شيك عليها زين وطبعا هذه الاعطال الكهربائية تكون عادة واضحة حتى لو السيارة واقفة مو شرط طلوع عالي
والله اعلى واعلم


ماشاء الله :good: