كل يوم ادخل لمكشات وامتنى خبر عن الفقع والى الان ماشفت خبر فمن اول واحد يجيب الخبر

[سفاري]

فالله يجزاه خير الي يجيب لنا الخبر

[العبري]

اضم صوتي لصوتك ، وعلى العموم يبي له شوي لأن الريضان والفيض مليانه موية مجرد توقع

[دغيم الضحاوي]

الخير يبي يجي انشالله ياخوي السفاري




يقولون الشياب عد 75 يوم من اول مطره بالوسم





راح الكثير وباقي القليل انشالله

[جهام القصيم]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

اقول وبالله التوفيق ان بداية الفقع بأذن الله تعالى سوف تكون في نهاية شهر ذي الحجة ومن اماكن الفقع
1- بعد محطة الحفنة على اليمين المنطقة تشتهر بالفقع
2- الصمان بشكل عام
3- طويق وبتحديد من عشيره الى الغاط لان المنطقة ظربة سيل طيب

[المستريح]

لا أهالى الحفر ورفحة والشمال عامه

منطقة كريم
وهذه المنطقة وجد فيها الفقع بس نزل المطر فغطى الفقع
ننتظر أن يجف المطر في هذا المكان
وبالله التوفيق

[راعي الحزم]

اليوم نزل بالسوق شوي فقع يقول راعيهن انه لاقطهن من أبان ( جبل يقع الى الغرب من الرس )
وهن شويات وسيمن منه 200 ريال
وانا لقيت بدايه للفقع هوبر بحزوم الرس وننتظر الارض تجف بعد الامطار وابشر بسعدك

[مهلاش]

[size=5] السلام عليكم ورحمة الله وبركاته[/size

وصبحكم بالخير ، حبيت اقولكم حاجه ابشرو بالخير هالسنه من الفقع والربيع والصيد وكل العلوم تبى تزين انشاء الله ، واحب اضيف معلومه أورده عن الشباب الي عندي أحم أحم (العواده) ;) لاتسألون عن الزبيدي الي من 20/12 ورايح وتبا تعينون خير أنشاء الله .

والسلام خير ختام،،،

[سهيل واحد]

السلام عليكم ورحمة الله وبركاته...

أقول يا شباب زي ما قالوا الاخوان في مرات سابقه اذا ذكرت المنطقه إذكر إحداثيتها وإذا ما تعرف الاحداثيه اذكر الموقع وين.

الاخ ....... المستريح .......... ذكر منطقه كريم وهي تقع على خط الشمال و إنت رايح من الحفر الى رفحا بعد تقريبا 120-130 كم, تجيك محطه على يمينك ... كريم هي المنطقه الواقعه خلف المحطه (والله من كثر اجوال القط .. قط ... "كان انا ادري..!؟". صحح لي يا المستريح كان فيه غلط لا هنت.


الاخ ..... جهام القصيم ... يقول "1- بعد محطة الحفنة على اليمين المنطقة تشتهر بالفقع" ؟؟؟؟ وإنت جاي من دوار الصمان الى الرياض..؟ و إلا و إنت رايح للحفنه من المفرق ..؟ جهام القصيم.. الله يهديك إعتبر الي يقراء كلامك ما يعرف المنطقه.
المنطقه اللي ذكر الاخ جهام القصيم إسمه " صيهد منيف " وهي المنطقه اللي على يمينك وإنت رايح لدوار الصمان وتارك مفرق الحفنه على يسارك ومفرق الرمحيه على يمينك.

تحياتي والا تزعلون علي يا المشرفين.

والسلام ختام.

[بايعها]

السلام عليكم ورحمة الله وبركاته

ذكر لي أحد الأخوان إنه بجنب شبك المطار ( مطار الملك خالد ) بالرياض
كل سنه من مطرة الوسم بعد 75 ليلة يروح هناك ويجمع من هالفقع بكراتين
الخضار الصغيرة , وكذلك ذكر لي عن مكان أسمه ( خبيب الريم ) على الطريق السريع
وأنت متجه للقويعية قبل مزارع الخالدية يوجد فيه فقع كذلك ...

السؤال هنا هل أحد منكم عنده خبر عن صحة هالكلام ... ؟

ولكم تحياتي ...

0
0
0
بايعها

[ابو خالد 2006]

اخي الحبيب

لقطوا الفقع في شعبة نصاب ( 140كم ) عن رفحاء وذلك صباح الثلاثاء 27/11

وسمعنا انهم وجدوا في رفحاء

والخير جايك باذن الله بعد العيد

[كميت]

بسم الله الرحمن الرحيم
اقول وبالله التوفيق الفقع هاسنة احتمال انه يطلع ولكن في اماكن متفرقة وبشكل محدود على منطقة نجد
والمكان المعروف بشكل اكبر هو ما قاله اخي (( جهام القصيم ))
في منطقة تدعى (( ام الحيــــران )) وهي منطقة كبيره وواسعة تمتد من الخط المؤدي للتنهات بعد مفرق الحفنه عند المحطة الى نفود الدهناء
والوصف سهل اتجة مع طرق الثمامة كانك متجه للمجمعة وتعدى الجنادرية ونادي الفروسية بحيث تكون
نفود بنبان على يسارك وجبال العرمة على يمينك ( خشوم الثمامة ) سوف ياتيك مفرق على اليمين مكتوب عليه ( الصمان ، التنهات ، الطوقي ) اتجة معة باتجاه اليمين ( شرق ) اقطع المسافة وبعد مدة تجد مفرق
( تقاطع ) على اليمين ( الرمحية ) وعلى اليسار ( الحفنة ) ويوجد بالتقاطع محطة على اليسار تسمى محطة الحفنه تجاوز التقاطع وكانك متجة نحو التنهات او الصمان سوف تلاحظ ان المنطقة الي على اليمين مستوية وواسعة وهي المنطقة المسمات( بام الحيـــــران ) وهي ارض الفقع ولكنني لا اعلم ان كان المطر جاها في اخر الوسم ام لا يا جماعة الفقع يبيلة مطر مطر قوي مصحوب بالرعد وفي الوسم والله اعلم يمكن يطلع فيها الفقع او لا مع انها منطقة معروفة بالفقع
ارجوا ان يكون الوصف واضح ;) ;) ;)

مغليكم /// كمــــــــيت

[راعي الحزم]

[QUOTE]Originally posted by كميت
[B][align=center][color=660000][size=5] بسم الله الرحمن الرحيم
اقول وبالله التوفيق الفقع هاسنة احتمال انه يطلع ولكن في اماكن متفرقة وبشكل محدود على منطقة نجد
والمكان المعروف بشكل اكبر هو ما قاله اخي (( جهام القصيم ))
في منطقة تدعى (( ام الحيــــران )) وهي منطقة كبيره وواسعة تمتد من الخط المؤدي للتنهات بعد مفرق الحفنه عند المحطة الى نفود الدهناء
والوصف سهل اتجة مع طرق الثمامة كانك متجه للمجمعة وتعدى الجنادرية ونادي الفروسية بحيث تكون
نفود بنبان على يسارك وجبال العرمة على يمينك ( خشوم الثمامة ) سوف ياتيك مفرق على اليمين مكتوب عليه ( الصمان ، التنهات ، الطوقي ) اتجة معة باتجاه اليمين ( شرق ) اقطع المسافة وبعد مدة تجد مفرق
( تقاطع ) على اليمين ( الرمحية ) وعلى اليسار ( الحفنة ) ويوجد بالتقاطع محطة على اليسار تسمى محطة الحفنه تجاوز التقاطع وكانك متجة نحو التنهات او الصمان سوف تلاحظ ان المنطقة الي على اليمين مستوية وواسعة وهي المنطقة المسمات( بام الحيـــــران ) وهي ارض الفقع ولكنني لا اعلم ان كان المطر جاها في اخر الوسم ام لا يا جماعة الفقع يبيلة مطر مطر قوي مصحوب بالرعد وفي الوسم والله اعلم يمكن يطلع فيها الفقع او لا مع انها منطقة معروفة بالفقع
ارجوا ان يكون الوصف واضح ;) ;) ;)

الاخ كميت كلامك :good: وشكرا لك

[فتى ثادق]

أبشرو بالعز يا اخوان

والله انه تم التقاطه اليوم الأثنين3 / 12 في مدينة ثادق

وهاكم رابط الخبر

ابشركم تم التقاط الفقع في ثادق (http://www.mekshat.com/vb/showthread.php?s=&threadid=15764)

[صفوان]

السلام عليكم ورحمة الله وبركاته

ابشروا بسعدكم.. بس كم تدفعون على الاخبارية اللي توها طازة :good:
-
-
-
-
ها وش قلتوا؟:rolleyes:
-
-
-
-
ترا ابا روح خيمة المقناص.. وبا شوف سومهم كم!;)
-
-
-
-
على العموم.. والله ما تدفعون شيء.. هاكم الاخبارية:
بالأمس تاريخ 5/12/1424هـ
رحت للشرقية مع واحد صوب السفانية تبعد من الخفجي حدود 60 كيلوا قريب من النعيرية"هذا حسب علمي لأني ما ني بهاك الديار" ولكن لقطت لوحة الكيلوات..
وأبشركم الربيع مربع.. والأرض كنها ملعب كورة خضراء "ماشاء الله تبارك الله"
ويوم حنا نتجول بالأرض وجدنا آثار نبش في الأرض داخل إحدى الشبوك
ويوم ناظرنا إلا والله الرقروق بدا يطلع.. الأرض ممطورة قريب
ولقطنا واحد عدد فقع من نوع الخلاصي تقريباً حجمها كبر فنجان القهوة الصغير.. والباقي صغير جداً تركناه يكبر! بس المشكلة غيرنا مهو تاركه :(

يبي له إن شاء الله اسبوعين أو ثلاثة.. باذن الله يغدي كبر الكف.

واسمحوا لنا ماكنا مرتبين للكشتة والكيمرا.. بس غدوة مجانين "زيارة":D

هذا وتقبلوا تحيات أخوكم
صفوان