لموتري جمس صحن ابي ورشه تربيط بالرياض وين القاها

[ضحية صمت]

الله لا يهينكم يا راعين الجموس واللي عندهم خبره بهالشئ

ابي لي ورشه صحح تعبت من هالورش كلهم نصب واحتيال وزرف فلوس على قلة دبره

ابي لي ورشه يفهم بتربيط الجمس من الصدام للصدام ...ابي ورشه صدقيه بالرياض

[عاشق z71]

ورشة الكدري هي الحل

1: يحطلك وز او لي داخل جلد البيبان لتمنع دخول الهوا
2: يدعم بعظ الاماكن الداخليه بالاسفنج مثل البيبان والاماكن الي انت تبيها
3: عندي بجمس حوظ الرفارف من تحنتها في صيج بلاستيك ماسكه بالحديد عن طريق كلبسات بلاستيك
هو يشيل هذي الكلبسات ويحط بدالها مسامير حديد لتماسك اكثر
4:وهو يربط تحت المورت وواجه عطل او اي شي خبان يدق عليك ويقولك لقينا القطعه الفلانيه خربانه تبي تغيرهها ولا نكمل شغل عادي
5: اذا مساعادتك مفقعه جبله المساعدات ويغيغرها من ظمن التربيط
بصراحه اكثر من كذا بس هذي اشياء ظروريه حبيت اقولك اياها

اسم الورشه ورشة الكردي بالصناعيه القديمه


تحياتي لك

[escape_man]

عاشق Z71

كمل جميلك .. الصناعية طويلة عريضة

عطنا وصوفك يالكردي ووين ورشته

ناوي عقب العيد ان ماحصل ترقية نتفرغ لهالخجمه

---------

عسى مهوب غالين :rolleyes:

[ضحية صمت]

اي والله وهو صادق كمل جميلك ووصف لنا وين محلها بالضبط
وكم يجلس وهو يربط فيها الوقت المقدر تقريبا ...والسعر الله لا يهينك بكم

[GMC79]

^^^^معهم معهم^^^^

[عاشق z71]

والله يابن غثيات بعطيهم الوصف كل واحد ع الخاص الا انت ماني معطيك الوصف :mad: << تراه يمزح

وراك تقول عن الجمس الخجمه :D << كلش ولا اجمس تراه عزيز على قلبي بجميع اشكاله وانواعه

بس ياخي مشكلتي اغليك واحبك << قويه ذي
واعزك حيل ولا اقدر ارفظلك طلب يابعدي ;)

وكلكم والله على راسي من فوق وتامرون امر

والوصف يعني بزعمكم نسيت اوصفلكم
كنت متذكر بس المشكله اني بالوصف ماعنك احد ابد خخخخخخ

عموما بسوي الي علي والباقي على الله


الصناعيه القديمه

تتجهلها لي جاك مخرج 16 تتعداه وتروح لمخرج 17

ادخل مع 17 يمين وابت ابتل بتل تعد الاشارات ابتل الين تجيك اشره فوقها كبري << الظاهر انه كبري الخرج


المهم ااذ وصلت ذا الاشاره الي فوقها الكبري تدوير وترجع < يو تيرن >
كذا يصير وجهك كنك راجع للمخرج

المهم اول ماتديور على طول تلف اول لفه يمين

تمشي تتعدا اول تقاطع واذا تعديته ابدا ناظر يسار تلاقي الورشه عليها لوحه اسمها ورشة العتيبي بس ركز زين لانها مهي باينه مره

اذا مالقيتها امشي الى التقاطع الثاني وتلاقيها على يسارك << ماني متاكد هي بعد اول تقاطع او ثاني تقاطع

اتمنى ان الوصف وافي

عموما هذا رقم عامل يشتغل عندهم الي يظيع يدق يساله :0552951319


وبالنسبه للوقت : اذا الموتر من تحت يبيله شغل مثل مساعدات واذرعه وجلد بدي يعني اذا فيه قطع واجده خربانه يبيله يومين واذا مافيه زود يوم كامل

انا ربط موتري عنده بــ650 ريال << السعر رخيص بالنسبه للنويصر وبن مرظاح بس والله شغله لايعلى عليه

طبعا انت اول ماتروحله بيصلخك يمكن يقولك 800 بس انت قله جايين من طرف راعي الجمس الغماره الاسود الي اغثاك بصوت الي بالطبلون :D انشالله بيرخصلك لاني ارسلت ناس واجد اذا ذكروه بسالفة الطبلون قعد يظحك خخخخخخخخخ


بعظ النصايح : 1: تراه يشتغل تدبيل مساعدات اذا تبيه يدبلك قله تطلع عليك ارخص بحكم انك بتربط عنده
2: اذا موترك مافيه قطع واجد خربانه وكان جمس حوظ لاتقبل بسعر اكثر من 650
3: قبل ماتروحله حاول تعين ااماكن الي بالسياره الي تطلع صوت وصرصره يعني مثلا انا يوم رحتله قلتله في صوت يطلع من الباب الفلاني وصوت من الكبوت وصوت من .... الخ
4: اذا اخذت السياره لاتفرح ان اغلب الاصوات راحت وبقي صوت بسيط وتتجاهله. ارجعله ولاتعطيه دراهم الا اذا الموتر عجبك واشرط عليه

5: بالنسبه للحوظ قولوله اذا فكيت الحوظ قله دبل الجلد الي تحت الحوظ لانه هو يقوم بفك الحوظ بالارظ ويحط جلد تحته اظافيه بس احيانا مايسويها عاد انت ذكره .

هذا الي يحظرني الحين واذا ذكرت شي انشالله بقولكم

واسف اسف جدا ع الاطاله :D

[ضحية صمت]

رايتك بيضاء يااخوي ما قصرت وصفك ما يخرررررررش الميه على قول اخوانا المصاريا ....

بروح له ان شاءالله ولا خلصت مربط من عنده بقول لك وش صار

تسلم والله ما تقصر

[عاشق z71]

رايتك بيضاء يااخوي ما قصرت وصفك ما يخرررررررش الميه على قول اخوانا المصاريا ....

بروح له ان شاءالله ولا خلصت مربط من عنده بقول لك وش صار

تسلم والله ما تقصر


اي والله تكفون اي واحد يربط ويخلص يقولي ويعطني انطباعه يستاهل العنوه ولا لا

تحياتي لكم جميعا :)

[dr_chart]

والله ان سعره زين ولكن الرياض بعيده علينا الله يعين........

شكرا صاحب الموضوع

[escape_man]

اخوي احمد

والله اني ابادلك نفس الشعور من المحبة والتقدير .. بل اكثر

ماشاء الله عليك خفيف نفس وهبة ريح عسى الله يتمها عليك من نعمة

انا عقب العيد ان كنا من الحيين .. بديت اطقطق على الجمس

[عاشق z71]

اخوي احمد

والله اني ابادلك نفس الشعور من المحبة والتقدير .. بل اكثر

ماشاء الله عليك خفيف نفس وهبة ريح عسى الله يتمها عليك من نعمة

انا عقب العيد ان كنا من الحيين .. بديت اطقطق على الجمس

حاظرين للطيبين يابعدي :)