طفاء علي الباترول ولا عاد يشتغل

[D I K T O O R]

سلام عليكم

مساكم الله بالخير

شباب وانا امشي بالصناعيه بدا الجيب ينتفض همر يطفى علي وجيت ابشغله مافيه امل رحت عبيته بنزين ونفس المشكله

تتوقعون المشكله من وين

انا اتوقع من الدلكو او الكويل وانتم وش رايكم

[شاص2007]

وعليكم السلام والرحمه وانا اخوك المشكله هذي حصلة مع واحد من الشباب وكان معه باترول 2002 وكان يدق سلف بس ما يشتغل قام وغير الحساس هذا الحساس تلقاه عند رجلك اليسار وانت تسوق تحت تلقا فيه غطا شيله وتلقاه ولونه اسود وتقريبآ بحجم كف اليد انشاء الله اكون افتدتك

[D I K T O O R]

مشكور يالغالي

الحساس قصدك مع الفيوز والا وشو ؟

[الجندي2005]

ليش كثرت مشاكل السيارات الحديثة ،،،،،،،،، بيدو العملية مقصوده ( تجارية)

[D I K T O O R]

مشكورين يالغالي

علماً ان الموتر موديله 2000 ربع

[شاص2007]

الضاهر انه الحساس حق طرمبة البنزين يعنني زي ما تقول منضم بس الصراحه ماني متأكد يعني لا تعتمد على كلامي واذكر انه بعد شال القطعه هذي وشبك الاسلاك دايركت ومشا نفسه به يومين لين لقى القطعه

[شاص2007]

وتعليقآ على كلامك يالجندى. عمي يقول كنا نصبخ بالسيارت تصبيخ ونبيعها وهي كنها جديده.. الحين رح لمحلات قطع الغيار وشف الناس وشلون تقول يبي يشرون خبز بالسروات على المحل والضاهر العله من الوكلاء الي عندنا ماهم مضبوطين والله اعلم

[ابوناصرالبدراني]

اتوقع ان الخراب من الدينمو

[D I K T O O R]

يا شاص 2007 بيض الله وجهك

انت قصدك الكويل ؟

[شاص2007]

لا الكويل يجي عند المكينه صح لا هذا جمب رجل السواق اليسرا على طول فيه فتحه بالديكور تشيله بعدين تلقاه

[D I K T O O R]

شاص 2007

قصدك بعلبة الفيوز ؟

[شاص2007]

لا الله يهديك علبة الفيوز فوق رجلك هذا جنب الكلتش

[adil33]

غير صفاية البنزين وباذن الله ترتاح

[D I K T O O R]

طيب عادل مشكور يالغالي

صفاي البنزين بكم سعره تقريباً

علماً بانه مو من صفاي البنزين لئنه انا كنت مشغل الموتر وبدا يرعش وطفاء واشغله مره ثانيه واشتغل وارتعش وطفاء والثالثه ثابته رحت جبت بنزين وعبيته وعلى ما اعتقد ان فيه بنزين بس مافيه فايده

وبعض الكهربائيين يقلون من الديلكو او الكويل

[D I K T O O R]

شاص 2007 بيض الله وجهك الجيب اللحين واقف بالصناعيه ان شاء الله بشوف اللي تقول جزاك الله الف خير

[شاص2007]

وياك اخوي واتمنا اني قدرت أفيدك

[D I K T O O R]

جزاك الله خير يا شاص 2007

[المميـز]

صفاية النبزين بـ 40 ريال تقريبا

وانا اتوقع مشكلتك من حساس الهواء

جايه غباااار وخرب من اللي جاه

جرب فكه ونظفه بس لازم تفصل اصبع البطاريه قبل لاتلمس الموتر

<<< اسأل مجرب

[أبو أسامة]

السلام عليكم ورحمة الله وبركاته
يا شباب الرجال يقول الموتر ربع باترول موديل 2000 يعني ما هو بخاخ يعني بالعربي مافيه الحساسات ...........لأنه كربريتر ...........

أخي الكريم : أنا كلامي من كلام الأخ عادل .......... يبيلك تغير صفاية البنزين ........

يا خوي أنا معي باترول موديل 79 كان مهبل فيني يشتغل مثل اللوز إذا هو بارد بس وأنا أمشي فجأة الموتر يطفى ولا عاد يشتغل لين يبرد ........ صراحة ما تركت أحد من الكهربائيين والمكانيكيين إلا أجيه وأشكيه له إللي قال غير الكربريتر وغيرته ولا نفع وإللي قالي غير الكويل وغيرته ولا نفع وإللي قال الديلكو وغيرته ولا نفع وطفى بي مره بالخلا تركته لين برد وأشغله وأروح به لأقرب ورشه بالخط ورشه صغيره لقيت فيها هاك الهندي العود يوم شاف الموتر على طول راح لصفاية البنزين ويغيرها بجديده طبعاً ما عنده صفاية نيسان قديم عطاني صفاية تايوتا لأني بالباحة هههههههههههه لكن الموتر من بعدها وهو تمام التمام والله أنا أول ما شفته قال يبي يغير الصفاية قلت ما عنده سالفه ......... لكن الحين أدعي له عسى الله يوفقه ريحني من ها المشكلة اللي أستمرت مع سنه ..........

[راعي الطلعات]

زين الحمدلله الله يوفقك بهالندي اي انقذك بس تبي نصيحه اخوي شيك كل 6 اشهر على كل حاجيات موترك صفايات سيفون بواجي اسلاك سيور ليات فلاتر مره كل هذي مع الكرف تنعدم شوي

والله يوفقك ويفق الجميع

[راعي الطلعات]

سلام عليكم

مساكم الله بالخير

شباب وانا امشي بالصناعيه بدا الجيب ينتفض همر يطفى علي وجيت ابشغله مافيه امل رحت عبيته بنزين ونفس المشكله

تتوقعون المشكله من وين

انا اتوقع من الدلكو او الكويل وانتم وش رايكم

شيك على كل كهرب السياره اقصد من الديلكو واسلكه والبواجي وشيك على طرمبة البنزين والصفيات والفلاتر مره علشان ترتاح وتعرف وش المشكله

[أبو أسامة]

الحمد لله

والله يجزيك الخير ........ لا عاد تخاف صرت حريص حتى على الصفاية .... اللي من قبل حاقرها .........

[ذيب عتيبه]

حيآك الله يالغالي


والله يسهل لك أمرك وانشاء الله الدعوى بسيطه


ياليت يالغالي لو تشيك على الاديتر فيه ماء ولا لا ؟؟ !! ولاتستغرب السؤآل ..

[D I K T O O R]

يالغالين مشكورين

يعني تتوقعون انه من صفاي البنزين علماً كان ماشي زي الحلاوه ماشاء الله

وياللي تقول الاديتر فيه ماء ايه يالغالي في ماء

خل نشوف رائي الشباب الثانين ان شاء الله نطلع بنتيجه

جزاكم الله الف خير

[خشيمان]

شيكت على الكتاوت ؟؟
http://www.mekshat.com/vb/showthread.php?t=136877

[D I K T O O R]

مشكور يالغالي

بس تتوقع انه من الكتاوت انكانه من الكتاوت بسيطه

الله يستر من غيرها ننتظر الشباب وردودهم

[D I K T O O R]

ووين الرجال مايردون

ماقصرو الرجال اللي ردو بس نبي اكثر

[D I K T O O R]

للرفع الله يرفع قدركم

[سوبر VTC]

اخوي لاهنت احد ربعي صارت له المشكلة و موتره ربع باترول م99 يقول فصلت البطارية ثم شبكته و اشتغل الموتر و احيانا لازم تفصل البطارية عدة ساعات
ذكر لي امور اخرى عن موتره في سبب عدم الاشتغال مثل مفتاح الشفرة السكيورتي حق الموتر و حتى انه طقطق الكتاوت و افصله و اشبكه و لا شتغل
عموما ابتاكد لك اليوم باذن الله بالتفصيل المملل :D
***
يسولف علي رجال كبير بالسن قبل شهرين و الرجال فسقان و معه باترول سوبر سفاري م2006
المهم يقول حنا كاشتين يقول يوم جينا نمشي من محلنا و اشغل الموتر و عي يشتغل يقول
و الى معنا (جذع شباب :D )
و قام على كتاوت الطرمبة و انا اصلا ما عرف مكانه يقول و يطقطق الكتاوت و يفصل و يشبكه
يوم انه اشتغل الموتر :D
***
طبعا مشكلة الكتاوت حل تفكه و تطقطقه لعل و عسى
انا سئلت امس
كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف قلت طيب وش يفرق
قال
كتاوت الطرمبة بداخله بليتين زي بليتين الددسن
اذا دقيت على طول يكربن مع الايام و تتكون عليه طبقة سوداء و بكذا ما يشتغل الموتر
***
انا اقترح انه يحط عليه شحم عشان ما يكربن
+
مثل ما قال الاخوان يحط سليكون من الخارج
***
هذا كلام لاحد الاخوان الباترول الفتك لكن لاعلم هل ينطبق على الكبليتر ام لا


والكلام هذا موجود في دليل المالك وأنا ماشي على الطريقه هذي من زماااااااااااااااااااااااان




أفتح السويتش من غير ماتشغل الموتر أنتظر ثواني حتى تختفي علامة ( At Check ) ضوء تحذري لفحص ناقل الحركه الأوتوماتيكي ثم شغل السيارة

وبالطريقه هذي تسلم من مشكلة الكتاوت




تحياتي لك

[D I K T O O R]

ايه تكفى يالليت تتاكد من خويك الله يرضاء عليك

الموتر بالورشه اللحين ويقلون فكينا الديلكو والكويل ونبي نشوف هل يشتغل مضبوط والا لا (( اختبار يعني ))

وانا انتظرك تاكد من خويك وقلي

جزاكم الله الف خير ياشباب

[الوايلي...501]

ما عندي علم

[سوبر VTC]

اخوي دكتور كلمت الرجال اليوم و موتره باترول ربع م99
و هذا رده
اذا كان موترك به لمبة السيكورتي اللي فوق الطبلون لمبة حمراء فاذا فتحت السويتش و كانت اللمبة تؤشر باستمرار فالمشكلة من حساس السكيورتي بكمبيوتر الموتر
طبعا انا الغيت هذا الحساس و كلف علي مع شغل اليد 250 ريال
و صار يشتغل موتري باي مفتاح عادي اللي هو بدون شريحة او مغناصيس
و الحل قمت وفصلت اصبع البطارية الكهرب و ايضا الماص لمدة ساعة او ساعتين ثم اشتغل الموتر
***
لاحقا مثل ما قلتلك الغيت السكيورتي و صار مفتاح عادي
***
تحياتي