المساعد الشخصي الرقمي

مشاهدة النسخة كاملة : انتبه .. صور لمشكله ( الباث فايندر) -مسامير المكينه !! ملاك الباث مهم دخولكم


Y A S S E R
14/09/2008, 02:25 PM
السلام عليكم ..


حبيت انبه كل شخص عن



مسامير ثلاجه مكينه الباث فياندر ..


أرجو من الجميع الانتباه لها ..


العيب المصنعي موجود من موديل
2003 الى 2005


والله ياهي خطيره مرة مرة ..


راح اشرح لكم شرح بسيط وسريع عن مشكلتها ..



اولا ليش يتم تغيير المسامير ؟



المسامير جايه من الوكاله صغيره مرة جدآ أقرب حجم لها
تقول كأنه مسمار مسجل أوحجم المسمار قريب لفشق ام صتمه اسرع وصف:D


وظيفة المسامير هي تمسك شرايح الـ6 الموجوده داحل ثلاجه المكينة والمشكله مع كثره الاستعمال يرتخي المسمار وتسقط واحده من الشرائح داخل البساتم !!:mad: وبعدها يحدث صوت الطقطقه بقووة .. وبعدها المصيبه الكبرى وهي


تخبيـــط المكينه :rolleyes:


الحل هي أنك تغير المسامير بحجم أكبر منها بقليل


ولاتحاول تدور مكانيكي اي كلام


شوفوا فيه ورش تصلحها بـ 250 ريال بس :no:


ماعندك خبره ..


أنا صلحتها بـ 400 ريال عند واحد:good:
اسمه رشيد
والله انه أجودي


اللي يبي رقمه على الخاص يجي ماودي انشر دعايه


لذا آمل منكم الانتباه لها ..


الحمدلله غيرتها بالوقت المناسب ..


شوفوا الصورة كيف شكل المسامير .//


http://www.mekshat.com/pix/upload02/images80/mk57772_016yasser.jpg




والى اللقــاء ..


لولا حرصي عليكم لما نزلت هذا الموضوع :)
اخوكم


Y A S S E R





@@
رجـ الصدى ـع
14/09/2008, 03:26 PM
جزاك الله خير على حرصك ونصحك لإخوانك ..
صورة واضحة وتفي بالغرض ..
بارك الله فيك ..
Y A S S E R
14/09/2008, 03:39 PM
جزاك الله خير على حرصك ونصحك لإخوانك ..
صورة واضحة وتفي بالغرض ..
بارك الله فيك ..

هلا بك ..

أنور الموضوع بزيارتك :)
أبو فهد11
14/09/2008, 03:47 PM
مشكور على هذا الموضوع أخوي ياسر

وورشة رشيد اللي في الصناعيه القديمه إذا كانك تقصده

فأنا أشتغلتها عنده وشغله بصراحه مضبوط مع أنه غالي شوي

وبالتوفيق لك
Y A S S E R
14/09/2008, 04:58 PM
مشكور على هذا الموضوع أخوي ياسر

وورشة رشيد اللي في الصناعيه القديمه إذا كانك تقصده

فأنا أشتغلتها عنده وشغله بصراحه مضبوط مع أنه غالي شوي

وبالتوفيق لك


هلا بك ..


ايه وصلت له هي الورشه ;)


صراحه شغله مضبوط ..


ولا تضيع مع هال***** ماتدري من الصالح فيهم أزيد 100 ريال واطلع مرتاح :cool:


تم التعديل بواسطة المشرف
Y A S S E R
14/09/2008, 09:15 PM
Up
يرفع للفائده :)
escape_man
14/09/2008, 09:49 PM
الله يجزاك خير

المشكلة صارت لي قبل اسبوعين

سمعت قرقشة بالمكينة وطفيت الموتر .. وبسطحة للوكالة

وفعلا صار مسمار طايح على البستم وخذو شغل يد مع

مسامر 910 ريال

فمهي خسارة 400 ريال بالاخ رشيد اذا شغله صح
سوبر VTC
14/09/2008, 09:53 PM
الله يجزاك خير اخوي ياسر
و هذا انما دل يدل على حبك لخدمة الغير
***
انا اللي اخبر انا اللي يطيح بخانة البستم المسمار يعترض بمجرى البستم ثم يكسر البستم و ليست الشرائح اضف لذلك ان الشرائح هي تسمى عند اغلب الميكانيكين لهاة و اللهاة ما تسقط بخانة البستم اطلاقا لانة فتحة بلف الهواء صغيرة فاذا فتح البلف سقط مسمار اللهاة و هذا اللي يحصل بمكينة الباترول و بعض البواترل من حظ اصحابها طلع المسمار مع الشكمان لانه لما فتح بلف العادم سقط المسمار و طلع للخارج
***
هذا رابط نزلته عن مسامير لهاة ثلاجة الباترول بالصور قبل شهرب تقريبا


http://www.mekshat.com/vb/showthread.php?t=150676 (http://www.mekshat.com/vb/showthread.php?t=150676)


المهم احد الا خوان قدم لي الشكر على هذا الموضوع



الله يجزاك بالخير ياوخيي على هالجهد الجبار
انا مع الحزب الي آمن بقضاء الله وقدره مسبقا وآثر ترك المكينة شد بلد
وقد قولبتها براسي يمين وشمال وقلت اكيد ان هالمسامير ماتنحل الا مع استخدام سيء والحمد لله
استخادمي استخدام حشمة



نفس الرجال معه باثفندر بعد تقريبا اكثر من اسبوعين رد على في نفس موضوع الباترول




الحمد لله على كل حال

والحمد لله الذي لايحمد على مكروه سواه
باث فايندر استعمال حشمه .. اذكر اني قلت لواحد من الشباب .. ياخي الباث مايقطع .. ماقد سمعته يقطع
قال .. بلاك ماتقرص له .. مدلعه دلع .. وشلون تبيه يقطع
اليوم وانا راجع من المزرعة .. واسمع قرقشة بالمكينة وكن الموتر مهوب صافي
واذكر كلامكم واسفط على جنب واسمع الصوت .. الا هو صوت حسب خبرتي المتواضعة .. شي يقرقش
في البستم
واطفي الموتر واحمله سطحة واوديه للوكالة
هذا امر الله كاتبه مع اني محافظ جداً على الموتر ومع ان موديله 2005 توه قاطع 90 الف
تتوقعون ان شاء الله وهذا من باب التفائل ان الموتر به رجا وماراح على البستم
ارائكم واقتراحاتكم على عجل ياخواني .. انا بعد شوي باروح للوكالة يمكن يدخلونه مباشرة بدون موعد
وش اقول لهم .. دردشو علي شوي
اقولهم المسامير هذي جدعوهن ومعاد ابيهن
البارح راح علي بليزر واليوم الباث ويارب لك الحمد .. اهم شي سلامة البدن وان الانسان ينجح بايمانه بقضاء
الله وقدره ..
الي عنده علم ياجماعة فيطرحه هنا او يرسلي رقم جواله او يطلب جوالي



عسى الله يعوضه خير ان شاء الله
علما ان دخل موتره الوكالة شغل يد 850 و المسمار 60
***
افضل حل للمسامير
انك تبرشم المسمار يصير مثل الكبس و باذن الله ما يطيح ابد
تحياتي
سوبر VTC
14/09/2008, 09:55 PM
الله يجزاك خير



المشكلة صارت لي قبل اسبوعين


سمعت قرقشة بالمكينة وطفيت الموتر .. وبسطحة للوكالة


وفعلا صار مسمار طايح على البستم وخذو شغل يد مع


مسامر 910 ريال



فمهي خسارة 400 ريال بالاخ رشيد اذا شغله صح



اضحك الله سنك :D
جالس لي حول 10 دقائق اجهز رد و اثرك سبقتن :)
تحياتي لك
escape_man
14/09/2008, 10:24 PM
فضحتني ياوخيي

جبت السالفة بخويطها :)

هذا دليل حرصك على توثيق المعلومة عسى تسلم لنا يالمميز
مواسي الطعوس
14/09/2008, 11:09 PM
صح النوم. ياكثر اللي كتب ليتك كتبته مع احد المواضيع اللي سبق تثبيتها.

يقولون سامي الجابر اعتزل .هو صحيح.
متعب القويعي
15/09/2008, 01:06 AM
باالله عليك ياسر ابي رقم رشيد المكيانيكي

وابي اسالك اذا تعرف الحد يصلحها بحائل ولا باالقصيم,,,,واذا ماتعرف الشكوى لله ابي اروح للرياض عشان اصلحها
ابوعبدالله678
15/09/2008, 04:07 AM
الاخ Y A S S E R السلام عليكم

الله يجزاك خير على حرصك ، لو تكرمت عطنا وصف محل رشيد وجواله على الخاص
وشكراً لك
Y A S S E R
15/09/2008, 05:39 AM
الله يجزاك خير اخوي ياسر

و هذا انما دل يدل على حبك لخدمة الغير



يامال العافيه ..

افدت واكملت الموضوع واستفدت أنا بعد ..:p

الله يوفقك ان شاء الله لكل خير
Y A S S E R
15/09/2008, 05:46 AM
الاخ Y A S S E R السلام عليكم



الله يجزاك خير على حرصك ، لو تكرمت عطنا وصف محل رشيد وجواله على الخاص

وشكراً لك



هلا بك ..

ما اقدر أرسلك رساله ..
أنت ملغي استقبال الرسائل
Y A S S E R
15/09/2008, 05:50 AM
الله يجزاك خير



المشكلة صارت لي قبل اسبوعين


سمعت قرقشة بالمكينة وطفيت الموتر .. وبسطحة للوكالة


وفعلا صار مسمار طايح على البستم وخذو شغل يد مع


مسامر 910 ريال



فمهي خسارة 400 ريال بالاخ رشيد اذا شغله صح



اووووف ..

الله يعيينك ..

والله شغله جيد .,

بس اقولك غويلي شوي حقه 300 ريال
سوبر VTC
15/09/2008, 06:28 AM
باالله عليك ياسر ابي رقم رشيد المكيانيكي

وابي اسالك اذا تعرف الحد يصلحها بحائل ولا باالقصيم,,,,واذا ماتعرف الشكوى لله ابي اروح للرياض عشان اصلحها

عن اذنك اخوي ياسر :)
اخوي متعب
اذا اردت ورشة بالقصيم سأرسلك ارقام ورشات مختصة بالباترول و الجيوب
خصوصا ورشة الخضير و ورشة الصمعاني
تحياتي لك
سوبر VTC
15/09/2008, 06:30 AM
يامال العافيه ..

افدت واكملت الموضوع واستفدت أنا بعد ..:p

الله يوفقك ان شاء الله لكل خير


الله يعافيك افا عليك
حنا بالخدمه طال عمرك تامر امر :)
و اياك جزاك الله خير
اجل شرائح :D
تحياتي
سيف الظفير
15/09/2008, 02:27 PM
ادفع 1000 و لا ينكد على الجيب ابد يا اخووووووووووي





وبارك الله فيك يا القرم
SE.3500
15/09/2008, 03:07 PM
يا أخ Yasser

ابيك الله لا يهينك ترسل لي رقم رشيد عالخاص أو تحطه هنا بالموضوع
لأني يوم جيت أرسل لك رسالة قل لي لا يمكنك الإرسال باقي لك 21 مشاركة حتى يتم الارسال
لو سمحت عطني رقم الرجال.
متعب القويعي
15/09/2008, 03:41 PM
عن اذنك اخوي ياسر :)



اخوي متعب
اذا اردت ورشة بالقصيم سأرسلك ارقام ورشات مختصة بالباترول و الجيوب
خصوصا ورشة الخضير و ورشة الصمعاني


تحياتي لك


أيو الله أخوي سوبر أذا ماعليك أمر أبي ارقامهم ,انا موتري باثفيندر,,,مانستغني عنك اخوي سوبر
SE.3500
15/09/2008, 04:27 PM
أخوي ياسر اذا حصل ترد لي بأسرع وقت ياليت.
سوبر VTC
15/09/2008, 10:57 PM
أيو الله أخوي سوبر أذا ماعليك أمر أبي ارقامهم ,انا موتري باثفيندر,,,مانستغني عنك اخوي سوبر

هلا اخوي متعب
تامر امر و حنا بالخدمه لاهنت
ارسلتك الارقام على الخاص
تحياتي
سوبر VTC
15/09/2008, 11:23 PM
على كلام احد الاخوان (البرشام)
افضل حل لانه مثل الكبس يصير مكبوس مع الجهتين يعني راح ما يطيح او يرتخي باذن الله
هذه حلول مقترحة للمسمار
(((و هي مقترحات من العضو vip4800)))
1/// توجد مادة اسمه (لوك تايت ) احتمال توجد عند ساكو
توضع على
المسمار و السنه الداخليه ثم يشد المسمار بسرعه لكي لا
يجفالغراء
2///
انك تربط المسمار ثم تضربه بالمطرقه عشان يتك و لا يحل
3///
انك تضع مسمار طويل ثم اذا خرج مع الجهةالمقابلة
تضرب المسمار
يالمطرقة و تعوجه خفيف يسار او يمين و انس انه يحل
بمعنى اذا كان طول
مسمار اللهاة شد بلد 2سم تضع 4 او 5 سم و الزائد يعوج
خفيف (أنا ارتاح لهذه الطريقة)
4///
انك تحط صمغ جن و تشده بسرعه لكي لايجف
5///
انك تحط اي بويه سيارات منزل على المسماربالاضافة
للسنة الداخلية و
تربطه و عند جفاف البوية راح يمسك باذنالله
6/// انك تطول المسمار و تضع مع الجهة المقابلة صامولتين
لكل مسمار بحيث ان
الصامولتين تشدهن على بعض

تحياتي
متعب القويعي
16/09/2008, 12:11 AM
ألف شكر,,,أخوي سوبر وصلت الرسالة ياالغالي
Y A S S E R
16/09/2008, 12:33 AM
اجل شرائح :D




والله ياخوي يوم شفت كلامك استغربت


أجل وين الشرائح عن اللهاة :D شكرآ للمعلومه

شكرآ لردك
عنتره
16/09/2008, 02:35 AM
مساء الخير جميعا,,,,,,,,,,
ياليتي ياجماعه احد يعطيني وصف ورشه رشيد اذاامكن,,,,,,,,,,,,,,,, تحياتي
التميمي محمد
16/09/2008, 05:15 AM
تكفا يا اخوك الحقني عطني رقم صاحب الورشه معي باثفندر2003 توني شاريه
والله خوفتني
تكفا ترا تكفا تهر الرجاجيل
هاذا ايميلي m7md_124@hotmail.com
Y A S S E R
16/09/2008, 08:34 AM
0504423159
رقم رشيد


وياليت المشرفين مايحذفون الرقم ..

الفايده أهم
Y A S S E R
16/09/2008, 08:37 AM
مساء الخير جميعا,,,,,,,,,,
ياليتي ياجماعه احد يعطيني وصف ورشه رشيد اذاامكن,,,,,,,,,,,,,,,, تحياتي


تكفا يا اخوك الحقني عطني رقم صاحب الورشه معي باثفندر2003 توني شاريه
والله خوفتني
تكفا ترا تكفا تهر الرجاجيل
هاذا ايميلي m7md_124@hotmail.com (m7md_124@hotmail.com)


0504423159
رقم رشيد
Y A S S E R
16/09/2008, 08:40 AM
على كلام احد الاخوان (البرشام)

افضل حل لانه مثل الكبس يصير مكبوس مع الجهتين يعني راح ما يطيح او يرتخي باذن الله
هذه حلول مقترحة للمسمار
(((و هي مقترحات من العضو vip4800)))
1



يامال العافيه افدت ..

الله لايحرمنا مشاركاتك القيمه .:)
المميـز
16/09/2008, 09:36 AM
الله يجزاك خير وماقصرت
عنتره
16/09/2008, 09:59 PM
كفيت وفيت الله يعطيك العافيه .
التميمي محمد
17/09/2008, 02:22 AM
بيض الله وجهك عمي وماقصرت يا لبي قلبك
م.أبوإبراهيم
17/09/2008, 03:24 AM
السلام عليكم ورحمة الله وبركاته حبيت اقولكم انا عندي ورشة وشبه متخصص بالباثفايندرات وحبيت اقولكم حتى الان فكينا الشهرين الي راحن اكثر من عشرين باث فايندر ولله الحمد ولا ولا واحد منهم رجع وكلهم مبسوطين ولله الحمد واكثرهم من أعظاء مكشات وموقع ورشتي في صناعية الدائري مخرج 18 في الرياض وهذا رقمي لااستفسار 0554889337
مستكشف الدروب
17/09/2008, 03:37 AM
الله يجزاك خير


انا صارت لي وطاحن المسامير وكلفني 1200 ريال مع بعض القطع
الشاحوفة2008
17/09/2008, 03:47 AM
الله يسعد تايوتا بنزين وزيت وكفرات وامش
ابوعبدالله678
18/09/2008, 08:49 PM
الحمد لله لحقنا على السياره ، وديت الباث فايندر لورشة قريبه من المنزل وطلع بعض المسامير يبي لها شد شوي ,شديناها وحطينا عليها غراء


والحمد لله رب العالمين اللي صارت الامور الى خير (( التكلفه 180 ريال ))
سوبر VTC
19/09/2008, 02:19 AM
الحمد لله لحقنا على السياره ، وديت الباث فايندر لورشة قريبه من المنزل وطلع بعض المسامير يبي لها شد شوي ,شديناها وحطينا عليها غراء




والحمد لله رب العالمين اللي صارت الامور الى خير (( التكلفه 180 ريال ))



نصيحتي يابو عبدالله
ترى الغراء و اللحام يطيح واحد من ربعي معه فتك 20005 ماشي 90000الف و طاحن لانه ملحمن و انكسر اللحام
افضل حل البرشام اللي هو كبس مع الجهتين لك و للزمن
الله يطعمك خير المبروك و يكفيك شره
تحياتي
محمد12
19/09/2008, 05:54 AM
يا اخوان هل القير العادي فيه هالمسامير ولا... لا

انا سألت ورشة الخضير اللي في القصيم قال القير العادي مافيه مسامير بالثلاجه

هل الكلام صحيح ؟!!!!!!!!!
الضرغام11
19/09/2008, 07:34 AM
الله يجزاك خير اخوي ياسر على الموضوع القيم..
Y A S S E R
19/09/2008, 09:16 AM
الحمد لله لحقنا على السياره ، وديت الباث فايندر لورشة قريبه من المنزل وطلع بعض المسامير يبي لها شد شوي ,شديناها وحطينا عليها غراء




والحمد لله رب العالمين اللي صارت الامور الى خير (( التكلفه 180 ريال ))









الله يعينك ..

وارجو ان لايكون هذا الغراء مؤقت ويروج وتطيح المسامير !

:no2:

غير المسامير مرة وركب أكبر !
ابوعبدالله678
19/09/2008, 11:22 AM
جزاكم الله خيراً على حرصكم وتفاعلكم
Y A S S E R
14/10/2008, 02:53 AM
اهلا بمروركم جميعا ..

يرفع للفائده