انصح اصحاب الباترول ببنزين 95 ل 3 اسباب :

[اذكر ربك]

السلام عليكم ورحمة الله وبركاته



بالنسبه لي كنت اعبي بنزين 91 وكنت اعاني من شيئين :

1... صرفيه زياده عن اللزوم .
2... صورت قرقره اذا كانت النمره ثقيله ابتدائا من النمره 3 وحتى 5


فشار علي واحد من الشباب الله يجزاه خير اني اعبي بنزين 95
وفعللا من اول تعبأته تقريبا لاحظت التالي :
1... بدت يروح الصوت لين صرت ما اسمعه نهائيا الحمد لله.
2... صارت صرفيه البنزين اقل من اول .
3... العزم برضو صار اقوى من اول .



علما انه معي باترول قير عادي 2006


تحياتي للجميع وبالتوفيق



سبحان الله وبحمده سبحان الله العظيم

[سليمان 10]

اليك الزبده بعد التجربه البنزين 91 اجعله في السفر لانه رخيص ولانه يكون الاحتراق اكثر في السفر بسبب السرعه والسير المستمر ولايكون فيه ترسبات الكربون التي تسبب اللقلقه اوالطقطقه اما البنزين 95 فاجعله داخل البلد لكثرة التهدئه الوقوف وتغيير النمر ولصعوبة ترسب الكربون الا بعد فتره طويله 000

[طحنون]

ياليت يرجعون الرصاص لو بنسبه بسيطه علشان الاحتراق يصير افضل ويعطي مفعوله للمحركات وتقل الصرفيه

[عاشق السيل]

وإليكم تجربتي :

أنا معي سوبر سفاري 98 ولاحظت الفرق لصالح 91 لأنه أوفر بكثير من 95 ( أرخص وأطول مدة ) أما من ناحية العزم لم ألاحظ أي فرق !!

فالنتيجة إذا وحسب ماسمعت كثير من الآراء إن الفرق بين السيارات ذاتها وليس البنزين والله أعلم ،،،

[عاشق النفود 111]

وعليكم السلام ورحمة الله وبركاته
عندي سياحي 2008بصراحه كنت اعبي أخضر كان واضحه الطقطقه في المكينة
والآن أعبي أحمر لا صوت ولا شيئ
وكأن فيه فرق بسيط في الاقل صرفيه لصالح الاحمر

كل الشكر أخي الفاضل

[شامخ ألهيلا]

لم الاحظ على 91 اي شي ونحمد الله عليه

انا احطه في ددسن ولاند كروزر