المساعد الشخصي الرقمي

مشاهدة النسخة كاملة : الجدره بكفوف الطير شعلاجها


خشف.
15/09/2008, 06:13 AM
السلام عليكم ورحمة الله وبركاته
مبارك عليكم الشهر الفضيل والله يعينا على صيامه وقيامه
وبعد
يالربع طيري حر وبكفوفه جدره شعلاجها
وشاكر تعاونكم
@قرناص@
15/09/2008, 06:50 AM
,,

مآعندي علم..

يفيدونك الربع..

,,
وحش حر
15/09/2008, 06:52 AM
انشاء لله الربع مايقصرون
راعي دهام
15/09/2008, 07:06 AM
.


علاجها بسيط طال عمرك ..

رح للصيدليه البشريه وخله يعطيك دوى للثالول , غرشه صغيره
موصل في غطاها ميل مثل حق المكحله ..
والطريقه طال عمرك انك تاخد شوي ديتول وتخلطه مع ماء وتمسح
مكان الجدره واذا نشف حط عليه من دوى الثالول مدة كم يوم بتشوف
الجلد يتقشر وتروح الجدره بأذن الله ..

الدوى اذا حطيته ونشف راح يكون لونه ابيض ..

واتمنى من الله ان يشفي طيرك ويبارك لك فيه ..



تحيتي وتقديري ..



.
الطبشي
15/09/2008, 08:22 AM
ماقصر راعي دهام ...والله ينفع به انشاء الله ......
مدماك
15/09/2008, 08:44 AM
ما قصر البطل دهاام
بوخالد الكعبي
15/09/2008, 11:09 AM
عن تجربه والله -- ادوى البزران للثالول
قلب ذيب
15/09/2008, 11:20 AM
اذا كانت الجدره متمكنه , وسم الطير مطرق صغير اعلى باذرة الطير عند حد الريش , وبأذن الله يقوم طليق عقال .
وخل بالك من النامس ( الباعوض ) هو سبب ظهور الجدره , بالسلامه ان شاء الله .
راعي شلهوب
15/09/2008, 01:50 PM
.


علاجها بسيط طال عمرك ..

رح للصيدليه البشريه وخله يعطيك دوى للثالول , غرشه صغيره
موصل في غطاها ميل مثل حق المكحله ..
والطريقه طال عمرك انك تاخد شوي ديتول وتخلطه مع ماء وتمسح
مكان الجدره واذا نشف حط عليه من دوى الثالول مدة كم يوم بتشوف
الجلد يتقشر وتروح الجدره بأذن الله ..

الدوى اذا حطيته ونشف راح يكون لونه ابيض ..

واتمنى من الله ان يشفي طيرك ويبارك لك فيه ..


تحيتي وتقديري ..



.
عطاك العلم المضبوط واذا في احد حولك يكوي تراه علاج زين بعد
بن مسعود
15/09/2008, 02:01 PM
أخوي خشف السلام عليكم ورحمة الله وبركاته العلاج بسيط وعن تجربة حتى لو كانت الجدرة متمكنه من الطير وذالك عن طريق وضع البنزين على مكان الجدرة ثلاث مرات يومي أستخدم القطن في دهنه .
اعقاب
15/09/2008, 02:12 PM
ماقصرو الاخوان
بالنسبه اذا كانت في البدايه
ينفع معها دواء الثواليل
وحاول تكون يد الطير جافه
بعيده عن الماء
اما اذا كانت متمكنه منه الجدره
فعلاجه الكوي
وينقسم الى نوعين
1- كوي بالنار (مسمار صغير او مشهاب عود ويكون الراس صغير)
والفائده من صغر اداه الكوي عدم تشويه الطير.
2- كوي بالكهرب (هناك جهاز كوي يستخدم لعلاج الامراض الجلديه وهو موجود في عيادة العرين في البحرين واذا كانت الجدره صغيره وتستخدم الكوي بالكهرباء مايبين في الطير شي)
وانا استخدمت الجهاز اكثر من مره
وشريت لي جهاز كوي
واذا محلك حول الشرقيه حاضر وممنون
الله يشفي طيرك
الرجل الطموح
15/09/2008, 04:01 PM
الله يشفي طيرك
لعّاب المنايا
15/09/2008, 04:06 PM
ما قصروا الاخوان ,,
المان العرب
15/09/2008, 06:10 PM
ما قصروا الاخوان ,,
GX2007
15/09/2008, 06:56 PM
ماقصرو الاخوان
فهد الميموني
15/09/2008, 07:19 PM
انا استخدمة في الكوي الة لحام الاجهزه الالكترونيه ممتازه جداً خصوصاً في كوي جدرة المنخر لها راس صغير ولاتنكسر داخل منخر الطير مثل عود الرمث ورخيصه ومتوفره في اغلب المكتبات .
وبالنسبه للمواد -علاج الثواليل-جاب نتائج طيبه معي .........تقبل مروري
جارح العين
15/09/2008, 07:33 PM
الله يشفيه انشاء الله
خشف.
16/09/2008, 08:03 AM
راعي دهام
يعطيك العافيه وما قصرت يالذيب


الطبشي
شاكر مرورك



مدماك
شاكر مرورك


بو خالد الكعبي
يعطيك العافيه وما قصرت
خشف.
16/09/2008, 08:07 AM
قلب ذيب
يعطيك العافيه وما قصرت



راعي شلهوب
شاكر مرورك



بن مسعود
شاكر مرورك
خشف.
16/09/2008, 08:08 AM
اعقاب



يعطيك الف عافيه وما قصرت بس ودي ابدا معه بدواء الثالول اولاا
وشكراا لك
خشف.
16/09/2008, 08:10 AM
الرجل الطموح
الله يجزاك خير


لعاب المنايا
شاكر مرورك


المان العرب
شاكر مرورك




gx2007
مشكور وما قصرت
خشف.
16/09/2008, 08:11 AM
جارح العين
الله يجزاك خير



فهد الميموني
يعطيك العافيه وما قصرت
سلطان 1
16/09/2008, 08:24 AM
الكوي باليزر احسن شي ولا يبين نهائي 0 في مستشفى الطيور في الرياض
طير الهقاوي
16/09/2008, 09:16 AM
لاتعليق وتقبل مروري
سنجااار
16/09/2008, 11:27 AM
ماقصر الاخوان
لبا كبدش
16/09/2008, 10:50 PM
على طاري الجدره وش يكون شكله فالرجلين ولا وشهي قايله يالربع (لبا كبدش)==--- غشيم الله يزينهااا ":)
خشف.
17/09/2008, 09:07 AM
سنجار شاكر مرورك يالغالي
خشف.
17/09/2008, 09:08 AM
راعي فاروق
يعطيك الف عافيه وما قصرت



طير الهقاوي شاكر مرورك
اعقاب
17/09/2008, 10:33 AM
على طاري الجدره وش يكون شكله فالرجلين ولا وشهي قايله يالربع (لبا كبدش)==--- غشيم الله يزينهااا ":)

لبا كبدش
من اسمه يشبه الجدري
تكون نقاط صغيرة لونها احمر في البدايه مثل الحرار اللي يجي البزران
ويتحول الى اللون الغامق ويبدا يكبر
ويظهر في وجه الطير مثل حول المنسر والعيون
اتمنى اني وصلت المعلومه
رامي التراب
17/09/2008, 12:51 PM
اكوة بمسمار ولا بمالت الحام الاكترونيات ويطيب
سيل قطر
18/09/2008, 03:13 AM
حبيت اضيف شى لاهنتو الشمس لها دور كبير00
البراء آل عثمان
07/02/2009, 04:07 PM
صح الكلام الذي قاله أخي
اعقاب و راعي دهام
مع إعطائه مضاد حيوي واسع الطيف
لاسلكي 20009
07/02/2009, 05:11 PM
عندي سوال يااخوان العلاجات الي ذكرتوها هل تنفع لطير اذا كانت الجدره في وجهه ؟؟

لان طيري فيه جدره الان ولا عرفت العلاج

وشكرا لكمـ
ربع خالي
07/02/2009, 06:27 PM
حياك الله اخوي خشف ,,,
وحيالله كل من تجاوب معاك في طرحك .....
اما بالنسبه لي وعن تجربه اكثر من 25 سنه ,,,
ما اعالج الجدري الا بالكوي ... واسمها عندنا في الامارات (الباشه),,,
ولا افكر اني اعالجها بأي كريم , لأني جربته ولافاد مع طيري ,, وبه شباب استخدموا الكريمات وطابت طيورهم والشافي الله...
طريقتي في الكي ::: اجيبلي مسمار اصغر حجم واغرسه في اخشبه صغيره , واحطه على النار الين ياخذ حده من الحراره .. واكوي الطير بعقب المسمار الدائري لحد مايطلع القيح (اكرمكم الله) من حبة الجدري ...
والشافي الله,,,
تقبل مروري
تحياتي