مشكله حدثت في الgxr 2006 And Gxr2007

[شبيه سهيل]

قبل اسبوع تقريباً حدثت مشكله ل جي اكس ار 2006 و2007

وكان واحد من الربع يمشي بسيارته باليل وفجاه سهمت وطفت السياره حاول يشغلها مافيها فايده

شالها على صطحه وداها للورشه وبعد ماشيك عليها المهندس حصل المكينه خبطت

نفس المشكله حصلت لواحد اعرفه بعد المشكله الاول بيوم واحد وكان موتره Gxr 2007

طفى وهو يمشي وبعد ماوداه للورشه حصل مكينته مخبطه وقال المهندس ان هذا عيب في موديل 2006و2007

ولا ادري وش صار لسيارات نعتبرها افضل سياره عندنا في الخليج

[راعي شلهوب]

والله جايز المشكله من خويك
حنى طال عمرك نسمعل الاند كروزر من الثمانينات الى 2009
كل سنه نشري 2 او 3 للشيبان و الشباب ماقد احد شكى منها وال 2006 و 2007
من الا فضل المديلات زي 96 - 97 في مهما حصل ومهما يحصل يبقى هو الاوووووووول
اسمحلي وترى مجرد وجهه نظر و رأي شخصي

[قف وناظر]

السلام عليكم اخوي شبيه سهيل
والله فعلا غريبة لكن ليش ماودوهها للوكالة اذا كانت على الظمان
واكيد انها عيب مصنعي والا كثير من الناس معهم مديل 2006 و2007 ومنهم نسيبي ومعه خليجي شاريه من البازعي ولا فيه مشكلة ولله الحمد واصلا اللاند من 98 اعتقد انه نفس الماكينة حتى 2007 مع تغييرات في الديكورات بخلاف كلام المهندس اللي قال ان 2006 و 2007 بها مشكلة
والله اعلم

[kk999]

انا سامع ان المشكله في طرمبة الزيت تخرب بسرعه ولاتدفع الزيت فتخبط المكينه بس انا سمعت ان هالمشكله في موديل 2006 فقط اما 2007 ماعندي فكره بصراحه

[AMAZ]

طيب الله لا يهينك ممكن تسئل المهندس الى يقول انه دايم تخرب ايش السبب الى يخليها تخرب القطعة التي تتسبب في تخبيط المكينة من شان الواحد يصلحه قبل يوقع الفاس بالراس وبعد كم كيلو ممكن تخرب هذه القطعه .
واغلب الضن ان المهندس هذا ماعنده سالفه لانه هذه السيارات منتشره بكثره مع الناس ولو كان فيها عيب كان طلع لانه مضى عليها ثلاثة سنوات بالسوق وبعضها يمكن مشي حتى 300 الف ويمكن اكثر .

[ابو انس2006]

أحتمال كبير في طرمبة الزيت تخرب بسرعه ... وما عاد تضخ زيت

انت اسأل خويك قبل حدوث المشكلة هل وقت تشغيل السيارة صوتها طبيعي ام يطلع صوت مع التشغيل ثم يروح

[system]

اول مره اسمع بهالمشكله ........

اتوقع لو تروح للوكاله حتى لو الضمان منتهي اكيد يشفون لك حل لان هذا عيب مصنعي مهو سوء استخدام.

[سندباد الخليج]

والله غريبه

كثير من الناس معهم نفس الموديلات وماشيه صح ماشاء الله تبارك الله

الامر غريب

[.أبوعبدالرحمن]

اكثر الموديلات مبيعا في اللاندات من 98 الى 2007


هي الموديلات 2001 و 2006 و 2007


ولا قد احد اشتكى منها ابدا

[أبو الحارث 4]

أنا أؤيد الإخوة أن هذه الموديلات موديلات قوية ومتينة وعملية ولم أسمع بهذا الخبر قبل ذلك، شف وش السبب الحقيقي.

[غضنفر]

تأكد يا اخوك
عن سبب تخبيط مكاينهم
لأن هاذي مهب عوايد الــ 4500
قد تكون مثل ما ذكر
- خلل بطرمبة الزيت
أو
- نقص في زيت المكينة ( نتيجة تهريب من الكرتير او تبخيير او مشي واجد اكثر من 20 الف دون تغيير الزيت)

[شبيه سهيل]

مرحبا بالجميع واشكر لكم المرور واثراء الموضوع

كل على حسب معرفته ودرايته

وللمعلويه ان ماذكرت المشكله لاقل من شان Toyota

لان مالي مصلحه من ذلك لاني ماني ب نيسان حت اسب في تويوتا

وللمعلوميه انا معي جي اكس ار 2007 خليجي والحمدلله مافيه اي شي

اللي ماهوب نبير الزيت اقراته ماهي صحيحه

واما بالنسبه للسبب فالمهندس يقول ان هذا من طربه الزيت وتحدث دايم خاصه موديل 2006

تحياتي للجميع

[ابو ساره 999]

اقول استرح بس وتقبل مروري العنيف هذا بس راعي الورشه يمكن انه مكثر فمتو ولا تانج اما 2006 فيه عيب كان ماوصل سعره 140 الحين تقبل مروري مره اخرى

[myking]

أنا أتوقع انها حمله شرسه من أصحاب النيسان للإطاحة بسمعة التويوتا :p

[فارس الفرسه]

انا معي Gx-r 2003 تماتيك ماشي فوق 300 الف وماشي زي الحلاه ماشاء الله
اغير الزيت كل عشره الا ف كليو

[بواسامه]

ولله الحمد حول 400 الف
وطلب شنبر فقط وماشفت منه شر