المساعد الشخصي الرقمي

مشاهدة النسخة كاملة : طرمبه الجمس و اليوكن 1998


bonaser
16/09/2008, 04:34 AM
السلام عليكم
عندي استفسار للي ركبو طرمبه بانزين ترهيم على جموسهم و اش احسن نوع و للي جرب كم طولت معاك الطرمبه الجديده التكلفه التقريبه

انصحوني بطرمبه الاندكروزر 8 سلندر و قالو اتطول لمده 5 سنوات :confused: و ممكن اكثر حسب الكرف
و صل صحيح انها تنباع بروحها بدون العوامه


و انا ناوي اركب فلتر او صفايه خارجيه للتاكي مثل مات الطراريد تمسك الوصخ لايروح للطرمبه



ابي نصايحكم و توجيهاتكم

علما باني ركبت الاصليه و كلفتني حوالي 85 دينا من غير شغل ايده حوالي 1000 ريال و ردت اختربت بعد سنه و شوي :mad:



شل حل


و شكرا مقدما :D
بدوي جنوبي
16/09/2008, 05:20 AM
عليكم السلام
اخي بو ناصر نصيحتي لك ابعد عن الترهيم
هذا بنزين وفيه خطر
ركب طرمبة دلفي سعرها 220
تركيبها ب 150 او 180
ان شاء الله ارفق لك صورتها

بالتوفيق
بوبتول
16/09/2008, 06:36 AM
انا جربت مشوره بعض الشباب الله يعطيهم العافيه

ركبت بعض الطرمات الي تجي بدون عوامه

وتترهم وتركب وتشتغل السياره وتمشيك فتره تمام

لكن بعد فتره بالطرق السريعه وبعد وقت حدود الساعه تقطع السياره حدود ثلاث او اربع ثواني وترجع تمشي من جديد لوحدها

فحصنا ضغط الطرمبه وطلع ضعطها تمام

طبعا ما اقولك على كلام الورش
الي قال تصفيه
والي قال من البواجي
والي قال من كلشات القير ههههههه

المهم اني رحت واخذت طرمبه جديده من الوكاله بسعر اكثر شوي عن سعر الاصلي بمحلات قطع الغيار

ياطويل العمر هذا الكلام قبل تقريبا اربع او خمس شهور
وطلعت بالسياره من الشرقيه الى سوريا والحمد لله

لا قطعت ولا وقفت وياي وماشيه مثل الحلاوه

هذا الكلام طبعا على يوكن موديل 2001

واذا مصر على الترهيم

رهم شي الماني لانه هو الافضل بالنسبه للتحمل اكثر من الامريكي والياباني

ولا تنسى تتاكد كم ضغط طرمبه الشد بلد وتحاول ترهم طمبه ثانيه بنفس الضغط او على الاقل قريب منها

اتمنى اني افدتك اخوي
سوبر VTC
16/09/2008, 08:07 AM
اذا تبي تعيش الطرمبة معك غير الفلتر كل 25000الف كيلو او حتى 30000الف لضمان عدم خراب الطرمبة ايضا لا يفضي التانكي الى النهاية لانه كل مرة يفضي راح يؤدي الى ان الطرمبة تحتمي كل مرة ثم تخرب بسبب ان الطرمبة تدور بوش
و البنزين هو اللي يبرد الطرمبة
ايضا تنظيف فلاتر الطرمبة الداخليه بداخل الطرمبة نفسه
***
الطرمبات طب و تخير :D
طرمبة مرسيدس + بي ام دبليو + فكسار + فورد كلهن يركبونهن للجمس
انا موتري جمس 2001 و ضغط الطرمبة عندي 60 و هو يشتغل
***


على العموم تبي معلومات عن اعطال الطرمبة شرفني الى مواضيعي التالية


جميع اعطال طرمبة الجمس بالصور
http://www.mekshat.com/vb/showthread.php?t=149483 (http://www.mekshat.com/vb/showthread.php?t=149483)
***
معانتي مع الجمس واقع لا خيال
http://www.mekshat.com/vb/showthread.php?t=146219 (http://www.mekshat.com/vb/showthread.php?t=146219)
***
فك طرمبة البنزين بالصور
http://www.mekshat.com/vb/showthread.php?t=150274 (http://www.mekshat.com/vb/showthread.php?t=150274)



تحياتي
bonaser
16/09/2008, 03:21 PM
اخ بدوي جنوبي , ابو بتول , سوبر فتك اشكركم من صميم قلبي على ردكم السريع و الي يبرد القلب:D
اخي الكريم جربت الاصليه و ما كملت سنه و شوي وبدت تسوي مشاكل فودي ابعد عنها
و للاخ سوبر فتك طرمبه المرسدس خارجيه ما اضن انها تركب على الداخلي و لا جربت موديلات معبنه انا عندي e class طرمبتها خارجيه وبلنسه للفلتر انا ما مشيت 13 الف و اخربت مع العلم اني استخدم بانزيين ممتاز من محطات الكويت وما سمعت عنه مشاكل مثل الغش او لخلط اذن هو نظيف;)
لذالك ودي ارهم بس الطرمبه و ما ارهم وايرات او اموور لها علاقه بلتانكي فممكن تكون خطره بجانب البنزيين:no:
و الي يغث انه البانزيين عمره ما نزل على النص ليش تخترب مادري:confused:
بعد المقدمه الطويله السؤال للاخوه
بدوي جنوبي
الدلفي وين القاها و كم طولت معاك
بوبتول
لاتركب الا الاصلي و لا رهم شي ياباني و ابتعد عن الورش:no2: لانه نصهم مايدون وش السالفه
سوبر VTC
شلون اعرف باسهل طريقه ضغط الطرمبه انا قريت الموضع الي انت كاتبه و مافهمت , اخوي الطرمبه الي ركبتاه تخص اي سياره تحديدا ؟



و يعطيكم 10000 عافيه على الردود
سوبر VTC
17/09/2008, 08:29 AM
شلون اعرف باسهل طريقه ضغط الطرمبه


عزيزي
يوجد بلف مثل بلف الفريون الذي يستخدم لتعبئة الفريون او غاز المكيف عند المكينة يتم من خلاله قياس ضغط الطرمبة
و هذه صورته طبعا موجود بموضوع جميع اعطال الجمس بالصور طبعا انت افحص ضغط البنزين و السيارة تشتغل عند اقرب محل فريون


http://www.mekshat.com/pix/upload02/images80/mk53291_uigoug1212.jpg





اخوي الطرمبه الي ركبتاه تخص اي سياره تحديدا ؟



جمس صالون م2001




انا قريت الموضع الي انت كاتبه و مافهمت


شنو اللي ما فهمته :)


تحياتي