المساعد الشخصي الرقمي

مشاهدة النسخة كاملة : عدم ثبات القير .. وتحويل السيارة لـ 2007 ؟


مطلع
16/09/2008, 10:24 AM
السلام عليكم

سيارتي لاندكروزر جي اكس ار حديثة الشراء ..

لاحظت اهتزاز في القير اثناء النتوءات والمطبات في الشوارع .. طبعا القير اتوتوماتيك

لا اعلم اين المشكلة .. هل هي في كراسي القير ..

آمل مساعدتكم في ما يلي

ماهي الورشة التي تختص في الجيوب في الرياض .. او الميكانيكين المحترفين في اعطال الجيوب

السؤال الثاني .. كم يكلفني تغيير طبلون السيارة وارضية القير من 2002 الى 2003 وأعلى ؟ وماهي الورشة المتخصصه في ذلك ( في الرياض او الشرقية ) ..


هذا ولكم مني فائق الاحترام وجزيل الشكر مقدما
E7saas
16/09/2008, 10:50 AM
اخوي

بالنسبه للقير هذا طيبعي من يوم ماطلعت السيارة الا الحين وهي كذا
ارقد وامن

هم حاطين ربلات علشان ما يشد وينكسر شي زي كذا بس هي طبيعي

اما انك تقلب الموتر والله مالب خبر بس اشوفهم بالغرابي بالرياض يبيعون الأشياء الي برا السيارة من خطوط ولمبات وغيرها <<
مطلع
16/09/2008, 11:09 AM
اخوي

بالنسبه للقير هذا طيبعي من يوم ماطلعت السيارة الا الحين وهي كذا
ارقد وامن

هم حاطين ربلات علشان ما يشد وينكسر شي زي كذا بس هي طبيعي

اما انك تقلب الموتر والله مالب خبر بس اشوفهم بالغرابي بالرياض يبيعون الأشياء الي برا السيارة من خطوط ولمبات وغيرها <<

يا هلا ومرحبا

انا يوم احط يدي على القير وانا ماشي في الطريق .. عند المطبات الصغيرة جدا حتى المتوسطه .. الاحظ ان القير ماهو ثابت .. يرفع يدي وينزلها .. ما اعتقد هالشي في الجيوب الأعلى موديل .. يمكن ناقص كراسي قير والا شي ...

الله يعطيك الف عافية ويجزاك الجنه
مطلع
17/09/2008, 12:57 AM
يا اخوان مافيه احد يفيدني في هذا الشي هل هو طبيعي ام لا ؟

وكم يكلفني تغيير الطبلون واين اغيره في الرياض ؟
هـدد
17/09/2008, 01:42 AM
يا اخوان مافيه احد يفيدني في هذا الشي هل هو طبيعي ام لا ؟

وكم يكلفني تغيير الطبلون واين اغيره في الرياض ؟

السلام عليكم وحمة الله وبركاته
أولاً مبروك السيارة والله يطعمك خيرها ويكفيك شرها
ثانياً إنكانك شريته من المعارض أو من شخص لاتعرفه فلابد من فحص السيارة قبل الاستخدام مثل الفرامل وتصفية الماكينة وتشييك سوئل الدفرنسات والقير والدبل وكذلك فحص الإطارات
أما عن هزة عصى القير فهي شبه طبيعية إلا إنكان فيه هزة قوية أوعند تقويم السيارة تسمع طقة فقد يكون كرسي القير
على كلٍ أنصحك تمر مركز البازعي على طريق خريص( لو أن شهادتي فيهم مجروحة ) على الاقل افحص عندهم ويفيدونك .
وبالنسبة لتغيير الطبلون من موديل الى موديل ماأنصحك بالشي هذا إذا الطبلون سليم ولايخدمك بشي بس خساير وخل حرصك وخسايرك بالصيانة والمحافظة افضل من تجديد الموديل لأن الموترالنظيف :good: افضل من الموتر المجدد مهما كان تجديده


وتقبل مروري
مطلع
17/09/2008, 04:26 PM
السلام عليكم وحمة الله وبركاته

أولاً مبروك السيارة والله يطعمك خيرها ويكفيك شرها
ثانياً إنكانك شريته من المعارض أو من شخص لاتعرفه فلابد من فحص السيارة قبل الاستخدام مثل الفرامل وتصفية الماكينة وتشييك سوئل الدفرنسات والقير والدبل وكذلك فحص الإطارات
أما عن هزة عصى القير فهي شبه طبيعية إلا إنكان فيه هزة قوية أوعند تقويم السيارة تسمع طقة فقد يكون كرسي القير
على كلٍ أنصحك تمر مركز البازعي على طريق خريص( لو أن شهادتي فيهم مجروحة ) على الاقل افحص عندهم ويفيدونك .
وبالنسبة لتغيير الطبلون من موديل الى موديل ماأنصحك بالشي هذا إذا الطبلون سليم ولايخدمك بشي بس خساير وخل حرصك وخسايرك بالصيانة والمحافظة افضل من تجديد الموديل لأن الموترالنظيف :good: افضل من الموتر المجدد مهما كان تجديده



وتقبل مروري


يا هلا ومسهلا اخوي اشهب مطور

الله يعطيك العافية على الافادة ولا يحرمك الأجر

بالنسبة للطبلون .. هل يوجد مشاكل عند تبديله ؟؟


ولا زال السؤال قائم .. كم يكلف تغيير الطبلون من 2002 إلى 2003 فأعلى .. واين الورش التي تقوم بذلك ؟
مطلع
18/09/2008, 09:07 PM
يا جماعة ,,, ماودي اضرب المشوار للشرقية .. انا سمعت ان هناك ورشة تسوي هالأشياء ... ابغى واحد يريحني من هالمشوار ؟؟
مطلع
20/09/2008, 02:16 AM
وين الاجاويد
مطلع
22/09/2008, 08:26 AM
لا لليأس :)
سوبر152
22/09/2008, 08:50 AM
وبالنسبة لتغيير الطبلون من موديل الى موديل ماأنصحك بالشي هذا إذا الطبلون سليم ولايخدمك بشي بس خساير وخل حرصك وخسايرك بالصيانة والمحافظة افضل من تجديد الموديل لأن الموترالنظيف :good: افضل من الموتر المجدد مهما كان تجديده
الوعب
22/09/2008, 09:56 AM
السلام عليكم ورحمة الله و بركاته

نفس رد الاخ اشهب طور 100%
ولكن لاعلم كم يكلف
مطلع
22/09/2008, 02:39 PM
وبالنسبة لتغيير الطبلون من موديل الى موديل ماأنصحك بالشي هذا إذا الطبلون سليم ولايخدمك بشي بس خساير وخل حرصك وخسايرك بالصيانة والمحافظة افضل من تجديد الموديل لأن الموترالنظيف :good: افضل من الموتر المجدد مهما كان تجديده


السلام عليكم ورحمة الله و بركاته

نفس رد الاخ اشهب طور 100%
ولكن لاعلم كم يكلف

وعليكم السلام ورحمة الله وبركاته

اشكركم اخواني على الرد .. والله يغفر لي ولكم في هذا الشهر الكريم

سؤالي .. هل هناك مشكلة بأن تكون نظيفة ومجدد .. يعني مثلا , واحد سوى صيانة لسيارته كاملة , وبقي معه مبلغ يريد ان يجددها .. هل هذا يسبب مشاكل للسيارة ..

اذا كانت الاجابة لا .. وهذا ما اتوقعه .. من يقول لي , كم يكلف و وين الورشة اللي تسويه ؟


هذا والله يسعدكم دنيا واخره
book00
23/09/2008, 04:12 AM
اذا كانت الاجابة لا .. وهذا ما اتوقعه .. من يقول لي , كم يكلف و وين الورشة اللي تسويه ؟


هذا والله يسعدكم دنيا واخره

يا أخ مطلع والله اني رحمتك من كثر ماتعيد السؤال ولا يجاوب احد

جاوبوه ياجماعة !!!!

طيب طيب الجواب /
حتى انا ماأدري والله هههه
بصراحة ودي اني ادري علشان اجاوبك يالغالي لكن السموحة على القصور
مطلع
06/10/2008, 11:04 AM
يا أخ مطلع والله اني رحمتك من كثر ماتعيد السؤال ولا يجاوب احد

جاوبوه ياجماعة !!!!

طيب طيب الجواب /
حتى انا ماأدري والله هههه
بصراحة ودي اني ادري علشان اجاوبك يالغالي لكن السموحة على القصور

مشكور اخي book00

اشكر لك هذا الشعور الأخوي

والاخوان ان شاء الله ما يقصرون وأنا لا زلت انتظر
مطلع
07/10/2008, 02:01 PM
للأعلى

اعلى الله شأن الجميع .. اعضاء مكشات القروم خاصة
مطلع
09/10/2008, 05:41 PM
للأعلى

اعلى الله شأن الجميع .. اعضاء مكشات القروم خاصة
ابوعبدالهادي
09/10/2008, 10:39 PM
طيب وين الورشة اللي بالشرقية وانا اجيب لك الخبر اليقين هل تقوم بطلبك

اللي أخبر يسوون لك تخشيب الوكالة + فتحة بالسقف

لكن تغيير طبلون ماسمعت بها
just1love
09/10/2008, 10:52 PM
انصحك يا مطلع إذا تبي الزين تروح الشارقة يخلوها مثل بلادها ولا احد يعرف شي عنها
جيب الربع
10/10/2008, 09:02 AM
السلام عليكم ورحمة الله وبركاته بنسبه العصاء القير حركتها طبيعيه جدا والطبلون اذا بتغيره رح التشليح واتفق معه على ان يخذ طبلونك ويعطيك طبلون الى تبى وتزيده مبلغ بسيط وبس
مطلع
10/10/2008, 09:29 AM
طيب وين الورشة اللي بالشرقية وانا اجيب لك الخبر اليقين هل تقوم بطلبك

اللي أخبر يسوون لك تخشيب الوكالة + فتحة بالسقف

لكن تغيير طبلون ماسمعت بها

ابو عبدالهادي .. اشكرك على حب المساعدة

ما وضحته مبني على ما ادلى به اخي ( لعاب المنايا ) في المشاركة على الرابط التالي http://www.mekshat.com/vb/showpost.php?p=1711504&postcount=11

وقد راسلته على الخاص وانتظر منه الاجابة .. وان شاء الله سيحدد لي مكان الورشة واخبرك بها

شاكر ومقدر لك


انصحك يا مطلع إذا تبي الزين تروح الشارقة يخلوها مثل بلادها ولا احد يعرف شي عنها

تصدق اخي just1love كنت في الشارقة .. وكنت ارى كثير من السيارات نفس موديل سيارتي يقومون بتغيير الطبلون .. وسألتهم وكان ذلك في رمضان .. ولكنهم قالو انها تأخذ يوم على الأقل وانا في عجلة من امري

وانا استغرب .. وكأني عندما رأيتهم يقومون بذلك ان العملية لا تحتاج معدات وكانوا يفكون الطبلون يدويا .. وكانت الورش على قد الحال .. فلماذا لم اجد في الرياض ولم يخبرني احد عن ورشة تقوم بذلك !!

واذا لزم الأمر راح اسافر الشارقة .. ولكن ذلك يتطلب اجازة وجهد سفر وتكاليف اقامة .. وودت من احد الأخوان لو اراحني .. فليس من المعقول انه لا يوجد في السعودية ورشة تقوم بذلك !!

جزيل الشكر


السلام عليكم ورحمة الله وبركاته بنسبه العصاء القير حركتها طبيعيه جدا والطبلون اذا بتغيره رح التشليح واتفق معه على ان يخذ طبلونك ويعطيك طبلون الى تبى وتزيده مبلغ بسيط وبس

جيب ربع .. اشكرك جزيل الشكر على ردك .. يعلك على القوة دايم

المشكلة يا اخوي ماهي في الطبلون .. المشكلة من اللي يركبه لي بالشكل الصحيح .. وانت تعرف ان ادنى لخبطة أو تقصير تسبب تشوه في الطبلون ومشاكل كهربائية

الف شكر اخوي
مطلع
25/12/2008, 12:06 AM
تخيلو .. للحين احتري

وتخيلو بعد .. لفيت كم ورشه في الصناعية القديمة ولا لقيت


:)
كشيته
25/12/2008, 01:30 AM
بالنسبه لاهتزاز القير
هذا طبيعي وهو سبب الخلوص يعني الفراغ الموجود لان القير يتحرك ومع المطبات
يعني لاتشيل هم
اما اذا كان يتحرك بشكل كبير فهذا يتطلب ان تبحث عن السبب قد يكون من كراسي القير
مطلع
28/12/2008, 11:36 PM
بالنسبه لاهتزاز القير
هذا طبيعي وهو سبب الخلوص يعني الفراغ الموجود لان القير يتحرك ومع المطبات
يعني لاتشيل هم
اما اذا كان يتحرك بشكل كبير فهذا يتطلب ان تبحث عن السبب قد يكون من كراسي القير

اخوي كشيته

مشكلة القير عرفنا لها

لكن المشكلة في ترهيم الطبلون , معقوله مافيه في السعودية احد يسويه , والامارات مليانه محلات تسويه ؟!!

ما تلاحظ انها غريبة على دولة كبيرة كبر الامارات عشر مرات في السكان والمساحة وما يوجد فيها هالشي ؟

الله يعطيك العافيه