المساعد الشخصي الرقمي

مشاهدة النسخة كاملة : اللي عنده حل ياشباب تكفون


ماجد 2003
20/01/2004, 05:26 PM
السلام عليكم ورحمة الله وبركاته

عندي مكشلة ؟
وهي كيف أغطي الأغراض والعزبه والفرش عن المطر والغبار في الصندوق ( صندوق داتسون4x4 غمارتين ).
مع العلم ياأخوان إني ما أبغي أحط علي الموتر شـــــد وحنايا .

فاللي عنده حل (عملي وسهل ومجرب) ياأخوان يلحقنا به.

شاكر لكم جميعا
عبدالله الصالح
21/01/2004, 03:09 AM
السلام عليكم ورحمة الله وبركاته
هلا اخوي ماجد اما بالنسبة الاغراض الي انت تقول فهاذي حلها انشاء الله سهل
عيك بتركيب العفش كلة وثم اشتر لك شراع او شراع الي يصلحون منة العزب وافضل
جلد علشان مايخر مع الوقت ولا يتوسخ بعد ومن ثم غطة وبكذا انتهيناء عساي اكون افتك.
اخوك القصمنجي...
محمد العنزي
22/01/2004, 07:17 AM
أخوي ماجد 2003

فيه طريقه لكن مدري احد جربها ولا لا

وهي انك تحط طبق من خشب على حد الصندوق ويكون مفصل عليه شراع بسحاااب ... بحيث انك اليا سكرت الطبق تسحي السحاب ... وخاصة من قدام لأنه اغلب شي المشكله بالمقدمه ...

والفكره بالراس لكن تطبيقها يبي له حرّيف ويفهم مو هندي او بنقلا ...

وان شاء الله اجيب الصوره والتطبيق ....

لكن خلني الين اشوف احد معه ونيت وراعي بر صح وما يهمه التكاليف ...

وتحياتي
:good:
جميل جمال
23/01/2004, 01:50 PM
السلام عليكم ..

اخوي ماجد ..

السنيدي يبيع شراع خاص لجميع انواع المواتر الحوض ..

من شاص الى دتسن الى هايلكس .

وفكرته ..

هو شراع وفيه مساكات مطاط تمسك بالشناكير حقت الصندوق .

ويكون على مستوى الصندوق .

على العموم هو عملي جدا ومجرب انا اذكر كان معنا هايلكس وجانا مطر ولا دخل على العفش ولا قطرة مطر ..

على العموم اتمنى اكون افدتك .