استفسار عن الدينمو

[راعي عنيزة]

سلام علاكم يا معشر الربع

هل دينمو السياره يشحن البطاريه اذا كنت موقف وشغلت المكينه
او لازم تمشي السياره ؟
وكم الوقت الكافي لشحنها ؟

افيدونا جزيتم خيرا

[السمح]

هذا وأنت راعي عنيزة وكل يوم بام دباب ما تدري .. ماصارت !!!

نعم يعبي الدنمو وأنت واقف مهوب لازم تمشي السيارة .. يكفي إنك تشغل المكينة وتنتظر ويعبي البطارية ... طبعاً إن أخذت مشوار على السيارة تكون التعبئة أفضل ..

تقبل تحياتي ...

[راعي عنيزة]

تسلم لي يا احلى ابو تروك بذي الدنيا :D

وكم من الوقت يكفي لتعبئة البطاريه يا ايها الجهبذ الهبنطقي (اي العلامه) ;)

[السمح]

عب تانكي السيارة بنزين وشغل .. :D وإذا خلص التانكي ترى البطارية تعبت :D

شكلك دردغانه (أي الذكي) ياخوي ...

:D :D :D

[الشاهين600]

الاخ / راعي عنيزة

بارك فيك والله يجزاك خير على هالموضوع 0000
وعندي اضافة على سوالك اذا سمحت 00

هل من الممكن اضافة بطارية اضافية على الدينمو ويستفاد منها للاغراض الكهربائيه مثل لمبات وغيره ؟ شرط انها لا تتدخل في كهرباء السياره اي يمد لها سلك سالب فقط للتعبئه من الدينمو ؟
وسبب السؤال اني فكرت ان اضيفها على دينمو شاص واضع لها مكان في الصندوق لكي استفيد منها في لمبات او اي شي كهربائي ولكني متخوف ان تتسبب في مشاكل كهربائيه للسياره 000
ارجو منكم الافاده ولكي تعم الفائده للجميع 0000


تحياتي وتقديري
اخوك الشاهين

[راعي كيف]

هلا والله بالربع
1-نعم الدينمو يشحن البطاريه إذاشغلت السيارة سواء تمشي أو تاقف أو إنك تزود الدوسه بدال المشيه ، وللمعلوميه إن الدينمو يشحن البطاريه حتى تاصل الحد أو تعبي الكهرب الكافي له وبعدين يجيك عطي الله ( الكتاوت ويفصل الشحن )على شان ماتعبي كهرب زيادة وبعدين تنفقع البطاريه .
وما على كلام إخوي أبو تركي تعليق (أحسنت).
3-الوقت الكافي طال عمرك دوستين بس يعني شغل السيارة لين تحس إن الدينمو عبأ البطاريه دقيقة دقيقتين .


الشاهين600 اما بنسبه لسؤلك يمكنك إضافة بطاريه مع البطاريه الثانيه ويكون الدينمو هو الى يعبي كل البطاريتين وتحط للجديدة كتاوت بحيث إنه إذا بغت كهرب عباله من الدينمو عند تشغيل السيارة ويمكن أن تحط بينهن رابط يعني سلك بحيث إذا عيت البطاريه الرئيسيه تشغل السيارة تطق الفا صل الى بينهن وتعطي البطاريه الثانيه كهرب للأولى وتشغلك السيارة بأذاً الله .


هذا والله أعلم


تحياتي وأشواقي

[راعي عنيزة]

# السمح
تقول اذا خلص البنزين تصير البطاريه امتلت
طيب واذا كانت سيارتي ديزل شلون يخلص البنزين يا ايها القمشعري ( اي العبقري :P)
حلها عاد ;)


# الشاهين
هلا بك اخوي وسؤالك اثرى الموضوع واضاف له قيمه كبير وبالفعل اركب بطاريه ثانيه لكن خفت من التأثير على كهربا السياره



# راعي البطاريق :P
يعطيك العافيه يا خلفهم مشكور بالحيلات كثيرات ويا حمبيلك
بس دقيقتين هي كافيه فعلا ؟؟ تقل شويه ولا انا واهم :rolleyes:

[إحسان]

عندي مشكلة بالدينامو، دائماً يتعطل وهو الكتروني من نوع Delphi، ما هو السبب برأيك ؟ هل يمكن أن يكون هناك مشكلة في كهرباء السيارة، علماً أن السيارة من نوع Opel Vectra

[فلان بن عفتان]

أخوي إحسان

أنت مغير نور الوكاله أو مركب نظام صوتي