تكفون يااخوان فزعتكم والكلام للجميع الفزعة الفزعة

[saadtaher]

خربت علي مكينة الفتك موديل 2004 وتبغا لها عمود كرنك وبساتم وغيرها ويوم رحت ابي اشتري لي عمود كرنك بس قالوا لي ب 7000 ريال مسكت راسي وزين اللي مااغمي علي
قلت اشتري لي ماكينة تشليح وقالوا ب17000 ريال واردى وحدة قالوا ب 13000 ريال
اللي يخبر لي ماكينة رخيصة ولا حتى لو مكسرة بس ابس اخذ منها عمودها وبساتمها يقول لي الله يبيض وجهه
ولا اللي يعرف لي طريقة اغير ماكينة نوع ثاني يقول لي تراني مااعرف افك حتى البوجي
ولايقول لي غير ماكينة بالمبلغ هذا
لأن السيارة ماتسوى حتى قيمة ماكينة مخربقها المعجون من كل مكان
تكفون يالربع لا تخلونني ترا السيارة بالورشة والميكانيكي شاب علي يقول لاتخلي السيارة عندي جب لها قطع غيار ولا جب لك ماكينة
اخوكم ابو فيصل 0555244915

[ابو صقر992]

انشالله الشباب مهب مقصرين معك وانشالله تلقا مكينه لك ولزمن وبسعر رخيص

[saadtaher]

فال خير يابوصقر ان شاءالله
تحياتي لك وشكرا لمرورك

[حامى الخبرا]

أنا يخوك والله حاضر بلى أقدر عليه بس والله ترا هلمكينه صعب أنك تلقالها قطع أما كامله ولا أنسا هذى على حد علمى بلكويت وأنا مارعلى السكراب (تشليح)ولقيتهن على 1500دك أى مايعادل21الف ريال بس بحاولك على قدر المستطاع (أنت بوجهى وأنا بوجه الله)وأن لقيت أبشر بلى يجيبلك القطعه لحد عندك وين ماكنت..... تقبل مرورى

[مواسي الطعوس]

اول مره اسمع ان ماكينة 4800 نزلت عن 19000 الف .

اللي اعرفه ان سعرها فوق 20 الف .

** انت باي ديره شكل ديرتكم مايصلونها اهل الترهيم ولا اهل الامارات.

[عاشق الهجوله]

فيه مخارط تعدل العمود او تخرط عمود جديد في الطائف

[راعي شلهوب]

والله ياذيب الي عينتها 17000 كامله و الي 13000 كامله اشترررررررررررر
ولا تشاور اخذ الحكي من اخوك ببلاش وانا واقف على مكينه بالكهرب الظفاير وغيره
قالي مسيومه 28000 وحدي 30000 او ازود بشوي موديلها 2004 بتشليح الدمام

[saadtaher]

الأخوان :
حامي الخبرا :
قدها وقدود يالذيب (وجهك ابيض و ونعم بالله ) اشهد بالله انك نشمي الله يكثر من امثالك ويطول بعمرك:good: :good: :good:


مواسي الطعوس :لااسعارها نزلت لكن سيارتي ماتستاهل ماكينة بها السعرحتى ماكينة بسعر 10000 ريال ماتستاهلها
تحياتي لك وفالك الطيب :no2:

عاشق الهجولة : ياليت تدلني عليها او تذكر لي عنوانها بس يبقى هناك مشكلة
اللي هي هل ابي القى سبايك تركب على العمود اذا خرطناه علماً بأنه سبق خرطة قبل على درجة 60كما قال لي الميكانيكي يعني الظاهر لازم تغير عمود كرنك جديد تحياتي لك وفالك الفنجال وعلوم الرجال:confused:

راعي شلهوب : الله يسسسسسسسسسسسسسستر هذا اللي انا خايف منه خبرك عتيج يالطيب تحياتي لك اخوي وفالك الخير بوجهك :eek: :eek:




الجميع مشكورين على تفاعلهم وبيض الله وجيهكم

[السارب]

مافكرت تركب مكينةLs1 تقريبا بحدود 13000 ريال واقوى لك

[saadtaher]

مافكرت تركب مكينةLs1 تقريبا بحدود 13000 ريال واقوى لك


والله ياخوي السارب لقيت ماكينة نفس ماكينته مركبه جاهزة ب 13000 ريال بس مثل ماقلت للأخوان قبلك السيارة ماتستاهل حتى مكينة ب5000 ريال
والترهيم خبرك يبي تغيير ظفيرة كاملة ووووو وامور ماتخفاك يعني اذا تراخصت الماكينة وشريتها بمبلغ رخيص صدقني مع الظفيره والترهيم وتغيير الصحن ووو بتكلف اكثر من ال13000 يعني كنك يابو زيد ماغزيت
وانا كان اخلي السيارة واذبها ماعندي فيها لين الله يفرجها وتزين الامور لكن راعي الورشة شب علي الا لازم يااجيب لها قطع غيار او ماكينة او بيطلع السيارة برا وخبرك ان طلع السيارة برا مايجي لها شهر الا وهي مشلحة ماقطعة مع قطعة

[سوبر VTC]

للاسف هالحين صارن يباعن من 18000 وطالع
سوق سوداء
و يودونهن للامارات و يباعن هناك ب 30000الف
تحياتي

[أبو فهد11]

كان الله في عونك ويسر الله أمرك

والله يا اخوي لو لي خبره كان أفيدك

لكن إن شاء الله يفيدونك الشباب

ويرزقك الله بمكينة رخيصه نظيفه

[بدوي جنوبي]

يا ابو فيصل
العمود عندك مكسور منتهي مره ما ينفع ؟

[احلى مزاج]

الله يكون بعونك

واحد من العيال

كل ما اخذله يوميين بكره المكينه ترتخي

وصار البلاء من العمود وقيمته 4500 وبعد الخصم 3700 مدري 3600
وخرطه ومشي الحال

[الجندي2005]

الله يعينك نبي دور لك ,,,,,,,,,,,,,,,,,,,,,,

[saadtaher]

الاخوان :
سوبر vtc
ابوفهد 11
احلى مزاج
الجندي 2005
تحياتي الحارة لكم جميعاً ومشكورين على تفاعلكم مع الموضوع اقصد الفزعة لكن ياسوبر vtc اللي اعرفه ان المكاين في الامارات ارخص من عندنا وجميع المكاين المستعمله تجي عن طريق الامارات مادري عن صحة كلامي هذا
اخوي بدوي جنوبي :
تحياتي لك اخوي بدوي جنوبي وأنا من اشد المعجبين بمواضيعك وبخاصة موضوعك عن طريقة فك ووزن الكارونة ويشرفني مرورك على هذا الموضوع
اما بالنسبة للعمود فيقول الميكانيكي انه سبق خرطة على 100 (عاد مدري وش معنى 100) ولا يمكن خرطه مرة اخرى - لكن الأكيد انه غير مكسور والماكينة ماعظت ولا شي بس اول الخراب سمعنا فيه طقطقة للسبيكة ووديناه للورشة ويمشي بعد ماحملناه على سطحة ولاشيء

[بدوي جنوبي]

الاخوان :

اخوي بدوي جنوبي :
تحياتي لك اخوي بدوي جنوبي وأنا من اشد المعجبين بمواضيعك وبخاصة موضوعك عن طريقة فك ووزن الكارونة ويشرفني مرورك على هذا الموضوع
اما بالنسبة للعمود فيقول الميكانيكي انه سبق خرطة على 100 (عاد مدري وش معنى 100) ولا يمكن خرطه مرة اخرى - لكن الأكيد انه غير مكسور والماكينة ماعظت ولا شي بس اول الخراب سمعنا فيه طقطقة للسبيكة ووديناه للورشة ويمشي بعد ماحملناه على سطحة ولاشيء

الله يعينك تبحث عنه عمود مستعمل
واذا ما لقيت اشتر عمود جديد اوفر لك .

[خالد الحريص]

الله يعينك اخوي ونبي نشوف ان شاءالله
ملاحظه لاصاحب الفتك يوجد مسمارين جوا المكينك وسط الثلاجه هذ المسامير مع مرور الوقت ينحلن ويطحن وصط المكينه.
المطلوب تلحيم هذه المسامير عشان تضمن المكينه اسئلو مجرب وكلها ساعة زمان
الي يلحم مضبوط ورشة الخضير القصيم

[سوبر VTC]

لكن ياسوبر vtc اللي اعرفه ان المكاين في الامارات ارخص من عندنا وجميع المكاين المستعمله تجي عن طريق الامارات مادري عن صحة كلامي هذا


كلامي سابقا
اللي قالي رجال من اهل التشاليح
تحياتي

[saadtaher]

http://www.mekshat.com/vb/images/frames/11_cur.gifhttp://www.mekshat.com/vb/images/frames/11_cul.gif
الأخوان:
بدوي جنوبي
ابو وليد الرس
سوبر vtc
مشكورين على المرور والرد واعلمكم اني قد اشتريت ماكينة مستعملة ب13000 ريال ( الله لايخسر -مجبر اخاك لابطل - ااما طاعك السوق ولا طعه)




ايضاً تحية معطرة بالورود والدعاء لهم بطولة العمر وصلاح الذرية للأخوين ابو خالد من الكويت -لا اتذكرالمعرف - والذي تكبد عناء البحث في التشليح هناك وايضاً الأخ ابو محمد من المدينة المنورة- ايضاً لااتذكر المعرف اللي يخصه- والذي اهتم بالموضوع كما لوكانت السيارة تخصة فبارك الله بهما واطال بعمرهما وجعل الجنة مثواهما

[سوبر VTC]

عموما الله يطعمك من خيره و يكفيك شره
المكينة و الموتر
***
اهم شي شيك على ادتير الماء واحد من الربع مهمل الاديتر عنده متلطس و احتمى الموتر و خبطت المكينة
تحياتي

[بدوي جنوبي]

الله يعوضك خسارتك وان شاء الله ان المكينة ستاندر
ونشكر الاخوان ابو خالد من الكويت
والاخ ابو محمد من المدينه

وهذا يدل علي حبهم لفعل الخير
الله يوفقهم ان شاء الله

تحياتي لك