a7a7
16/09/2008, 10:46 PM
أخواني الأعزاء تحيه طيبه تقبل الله منا ومنكم صيام رمضان وقيامه ؛ انا اشهد ان هذه الخيمه قمة في المنفعه ولكن الطريق الجديده والتي أري مناسبتها ويتم تعديل النقاش بناء عليها علي النحو التالي.
الطريقه القديمه المستخدمه بالخيمه كالتالي : انا عندي العيب الفلاني صوت في المكان الفلاني أو العلاني
الحل : فك عمود الكرنك واربط المساعدات وغير اسلاك البواجي واوزن الذراع وكله في الصناعيه يالله من فضلك في الديره ماعليك الا العافيه .
لكن السؤال ؛؛؛؛؛؛؛ انا علي الخط وتعطل الموتر مثل حالتي وانا ماشي من الرياض الي صلاله 2000كم وقبل صلاله ب 300 كم تعطل الموتر وانا أمشي 130 من يوم تفتت الموتر وانا مطلع يدي أشر مابعد وقف الموتر ماقلت أنتظر وافتح كبوة الموتر الي مثل كذا ودك مايفكر يمسك خط ولا يتعدي الديره علشان ماينشب ويدبل سبود الناس ويمكن العطل مايسوي وعقبها قلت لازم أتعلم الآمور الضروريه الي لازم يعرفها كل صاحب سياره يحب الخطوط والا امسك أرضي.
العضو رحال الخير شفت له مقابله بالتلفزيون وطريقه أعداد السياره الي يستخدمها للتنقلات درج كامل مجهزه للعده لاصلاح السياره كامله مثل عدة الشاهي والطبخ هذا الي رح معه وارقد .
وانا أري والله أعلم أن يكون الطرح عن طريق التالي:
اولا : ذكر العطل مثلا السير أنقطع ؛ تغيير البواجي ؛ طرمبة البنزين والاعطال التي من الممكن أصلاحها وانت مسافر والجهل بها يكون سبب في توترك وأنزعاجك وتخليك تهاوش عيالك وتنكد عليهم وانت السبب بجهلك.
ثانيا : طريقة الاصلاح خطوه خطوه يذكرها العضو للاعضاء الاخرين وينفذها كل واحد في حوش بيته علي راحته لين تعود يديه علي أصلاح هالعطل
ثالثا : وضع الصورللعطل وطريقة أصلاحه ممكن الواحد يطلع علي الصور ويطبق.
رابعا : كلا يدلو بدلوه بحكم خبرته والاعطال التي من المهم ان يعرفها كل صاحب سياره يهوي التمتع بالسفر برا.
ومع الوقت بأذن الله يتخرج من هذه الخيمه مهره ينافسون الخيام الاخري كلا في تخصصه ونطلع مثل الاسود نمسك الخط بعد ذكر دعاء السفر مهوب الواحد يقعد ينتفض كل ماسمع صوت وهو علي الخط قال : الظاهر خربت السياره
هذا والله أعلم والعذر علي الاطاله وعسي الله ينفع بها الموضوع ويكون للجميع نصيب من الدعاء لكل من استفاد وافاد بهالموضوع
الطريقه القديمه المستخدمه بالخيمه كالتالي : انا عندي العيب الفلاني صوت في المكان الفلاني أو العلاني
الحل : فك عمود الكرنك واربط المساعدات وغير اسلاك البواجي واوزن الذراع وكله في الصناعيه يالله من فضلك في الديره ماعليك الا العافيه .
لكن السؤال ؛؛؛؛؛؛؛ انا علي الخط وتعطل الموتر مثل حالتي وانا ماشي من الرياض الي صلاله 2000كم وقبل صلاله ب 300 كم تعطل الموتر وانا أمشي 130 من يوم تفتت الموتر وانا مطلع يدي أشر مابعد وقف الموتر ماقلت أنتظر وافتح كبوة الموتر الي مثل كذا ودك مايفكر يمسك خط ولا يتعدي الديره علشان ماينشب ويدبل سبود الناس ويمكن العطل مايسوي وعقبها قلت لازم أتعلم الآمور الضروريه الي لازم يعرفها كل صاحب سياره يحب الخطوط والا امسك أرضي.
العضو رحال الخير شفت له مقابله بالتلفزيون وطريقه أعداد السياره الي يستخدمها للتنقلات درج كامل مجهزه للعده لاصلاح السياره كامله مثل عدة الشاهي والطبخ هذا الي رح معه وارقد .
وانا أري والله أعلم أن يكون الطرح عن طريق التالي:
اولا : ذكر العطل مثلا السير أنقطع ؛ تغيير البواجي ؛ طرمبة البنزين والاعطال التي من الممكن أصلاحها وانت مسافر والجهل بها يكون سبب في توترك وأنزعاجك وتخليك تهاوش عيالك وتنكد عليهم وانت السبب بجهلك.
ثانيا : طريقة الاصلاح خطوه خطوه يذكرها العضو للاعضاء الاخرين وينفذها كل واحد في حوش بيته علي راحته لين تعود يديه علي أصلاح هالعطل
ثالثا : وضع الصورللعطل وطريقة أصلاحه ممكن الواحد يطلع علي الصور ويطبق.
رابعا : كلا يدلو بدلوه بحكم خبرته والاعطال التي من المهم ان يعرفها كل صاحب سياره يهوي التمتع بالسفر برا.
ومع الوقت بأذن الله يتخرج من هذه الخيمه مهره ينافسون الخيام الاخري كلا في تخصصه ونطلع مثل الاسود نمسك الخط بعد ذكر دعاء السفر مهوب الواحد يقعد ينتفض كل ماسمع صوت وهو علي الخط قال : الظاهر خربت السياره
هذا والله أعلم والعذر علي الاطاله وعسي الله ينفع بها الموضوع ويكون للجميع نصيب من الدعاء لكل من استفاد وافاد بهالموضوع