انا ازاود على السوم (تشخيص) واذا جا الصدق ؟؟

[راعي ساموده]

السلام عليكم ورحمة الله ,,

مع كثر ماتابع خيام البيع والمشترى خصوصا الصقور , لقيت ناس تدخل كثير في اغلب المواضيع وتزاود مزاود غير طبيعي ؟؟
انا مادري بس احس ان الموضوع مهوب رغبه في الشراء قد ماهي تشخيص (وياليت اصير غلطان ).

[هـدد]

أما في خيمة بيع السيارات فالعكس تبخس السلعة (واتمنى أن يتعدل الحال)

[قناص خلاوي]

وعليكم السلام ورحمة الله وبركاته
صادق أخوي
لا وزد على هذا بعد اللي يعرض سلعته ثم يطنش الردود ؟؟
واللي يعرض بضاعته عشان يشوف كم تجيب ولا هنا نية بيع ؟؟

[منور]

وعليكم السلام ورحمة الله وبركاته
صادق أخوي
لا وزد على هذا بعد اللي يعرض سلعته ثم يطنش الردود ؟؟
واللي يعرض بضاعته عشان يشوف كم تجيب ولا هنا نية بيع ؟؟
هذا لي حاصل وبعضهم يزاود ولهو شرائ

[قرناس حائل]

جبتها على الجرح

فعلاً البعض يحرمنا من الدخول بالشراء بأسعار خيالية

والبعض يزود لان الطير المعروض طير خويً له وهذي المصيبة

أتمنى من الادارة اجادة حلاً سريع لاأمثال هؤلاء..

[بوخالد الكعبي]

الصرااحه في طيور بعض الاعضاء يطيحون من قيمه و تلقاه يسومه 1500 !!!


والطير طيب وقطعه و صيد وشرط


و في طيور ماتسوى وتلقى ناس ترفع السوم فيهااا


الصراحه انا عن نفسي اذا لقيت شي يصلحلي ويستاهل بزيد لين اخذه بحقه اللى يستاهله الطير من مبلغ


والله يصلح الحال

[_الراسي_]

الصرااحه في طيور بعض الاعضاء يطيحون من قيمه و تلقاه يسومه 1500 !!!



والطير طيب وقطعه و صيد وشرط


و في طيور ماتسوى وتلقى ناس ترفع السوم فيهااا


الصراحه انا عن نفسي اذا لقيت شي يصلحلي ويستاهل بزيد لين اخذه بحقه اللى يستاهله الطير من مبلغ



والله يصلح الحال

كلامك عين الصواب :good: :good: :good: :good: :good: :good: :good:

[راعي شلهوب]

تشخيص انا مافهمت معناها بس يمكن بالمعنى الثاني تطفيف
انا مالاحظت الشي هذا بخيمه بيع وشراء الصقور والحق يقال لكن الطيور اسعارها معروفه
في ناس تشوفه يزاود مع الرياجيل ولا يزود الا بالعشره الاف
عادي الرجال عنده دراهم ولا عليه من اطلق شنب يخدمه رياله غصب
ولا قد سمعت بالمنتدى عن واحد زاود ووقفت عليه البيعه وطلع نصاب
وكلامي مجرد وجهه نظر

[طارق الحربي]

فتح الباب او بداية السوم مهو عيب ولا حرام حتى ولو بريال واحد

فهذا مزاد ماينزعل منه

المشكله ان نسبة المواضيع اللي تم بيع الطيور فيها قليله


تلقى 100 موضوع بيع 10 منها تم بيع الطير

بسبب مهايطيه السوم :)

[همس الرعد]

صدقت يا اخوي

[خيال الصبحا]

وعليكم السلام
يالربع مافيه عمل ناجح
الا يكون محارب ، خوذوها قاعدة
وبخصوص المشترى والبيع لا اخفيكم
انا شريت طيرين كلها عن طريق المنتدى
والحمد لله تياسير ، انت معك عيون ومعك عقل
قيم السلعة بنظرك الي تشوفها تستاهله وزاود للحد
الي تشوفه وان زادوا قل الله يبارك للبايع وللشاري،وان
كانك عرضت سلعة وشفت فلان يسوم على عماها قلها بوجهه
فلان سومه ملغي لو يسوم ب100.000ريال ، وشكرًا

[راعي ساموده]

وعليكم السلام
يالربع مافيه عمل ناجح
الا يكون محارب ، خوذوها قاعدة
وبخصوص المشترى والبيع لا اخفيكم
انا شريت طيرين كلها عن طريق المنتدى
والحمد لله تياسير ، انت معك عيون ومعك عقل
قيم السلعة بنظرك الي تشوفها تستاهله وزاود للحد
الي تشوفه وان زادوا قل الله يبارك للبايع وللشاري،وان
كانك عرضت سلعة وشفت فلان يسوم على عماها قلها بوجهه
فلان سومه ملغي لو يسوم ب100.000ريال ، وشكرًا

انا معكم ياأخوان ان اللي يبي يسوم يسوم بخراجه وعلى كيفه الرجال عنده دراهم ومايهمه ؟؟
لكن نجي عند اللي يبيع المسكين اخونا البطران زود السومه فوووووق وطيرالزبون الصامل وبالأخير قال استخرت (وهوغالبا ماكان ناوي يشتري) لاحظ بعض المواضيع تلقى راع السلعه حاده بسعر وتجيك سومات فوق الحد بكثير ؟؟ هل هذا منطقي؟

[راعي صدام]

الصرااحه في طيور بعض الاعضاء يطيحون من قيمه و تلقاه يسومه 1500 !!!





والطير طيب وقطعه و صيد وشرط


و في طيور ماتسوى وتلقى ناس ترفع السوم فيهااا


الصراحه انا عن نفسي اذا لقيت شي يصلحلي ويستاهل بزيد لين اخذه بحقه اللى يستاهله الطير من مبلغ



والله يصلح الحال

الله يرحم الحال يابوخالد انت اتقول 1500 وشرايك بالي يسوم بــ 50 ريال شتقول فيه

[جارح العين]

لا والله مانت غلطان
في ناس تسوم بس ولباعله قال شريت طير ولا مايرد
ويسوم سومه اغلا من الطير
والله يعطيك العافيه عالطررح

[الباتريوت]

شكرا موضوع جيد وانشالله نبي يقبل هل الاقتراح البسيط من قبلنا ادارتنا الواعية لو شافوا انه صالح
يكون متصفح البيع والشراء دائما مقتصر برقم سري خاص لاشخاص معروفين بالمنتدي وخاصة اذا بيشارك اي شخص في المزاد يقوم بارسال جميع معلوماته وجواله الي الادارة علي فاكس للمنتدي او الاميل ويقبل ويعطي رقم سري ويقدر يشارك باي وقت ويوضع ضوابط علي البايع والشارئ ان لايكون هناك غش او محباة لاحد ويكون ملتزما بالشروط التي يضيفها في القسم ويكون البيع والشراء بضوابط يوافق علية العضو المنتسب اليها
وبصراحة هذا المنتدي له يد بيضاء معي فأنا تعاملت مع بعض الاخوة بالبيع والشراء والحمدلله كانوا ونعم بالمسؤلية والصدق ومؤخرا بعت طير ماشالله عن طريق المنتدي بسعر طيب ولله الحمد وكان مكسبي يتعدي العشرة الاف في الطير
والان عندي طير معروض وقف علي سعر وجاتني اتصال من احدي الاعضاء للتفاهم وجاري التفاوض معه والله ولي التوفيق لانحتاج الا الي ضوابط فقط وتقبلوا تحياتي

[فهد الميموني]

هناك اعتقاد سائد ان مايعرض بالمنتدى الا الطيور الرديه علشان هالشي يسومون باقل من حقه على الرغم من وجود طيور طيبه مما جعل بعض الصقاقير يرفض عرض طيوره للبيع بالمنتدى ..............تقبل مروري

[بوخالد الكعبي]

الله يرحم الحال يابوخالد انت اتقول 1500 وشرايك بالي يسوم بــ 50 ريال شتقول فيه

ايش اقول فيه غرير ماعنده ماعند جدتي

هذا مهايط وبس والله لو توقف عليه السوم يختفى من المنتدى ولا يشتري ولا شي

لكن الله يهدي الجميع وانتمنى انهم مايخلون الاعضاء يفقدون الثقه بمصداقيه اهل المنتدى العريق هذا

[الباتريوت]

اخي فهد الميموني
اخالفك الراي واختلاف الراي لايفسد في الود قضية ليس هناك الا قلة ممن يعتقدون ان الطيور التي تعرض في منتدي مكشات بالذات رديئة لانه صاحب مصلحة مثل اصحاب الاسواق او اصدقائهم او الشريطية لن منتدي مكشات ماله اي فايدة سواء خدمة اعضائة وجميع ماعرض في المنتدي اعتقد انك معي من افضل الطيور ولكن هذه خدمة راقية جدا لمن يكون هناك بيع وشراء علي طريق النت
مثل تسديد الفواتير وانت ببيتك وطيرك تبيعة وانت في بيتك سيارتك وووالخ لكن مقولة انها رديئة بالعكس انا اعرف بعض منسوبي منتدي مكشات انهم خوياء واصحاب ووكلاء امراء وشيوخ ويتابعون هذا السوق في منتدي مكشات ويقومون بالاتصالات وافيدك بانني عرضة طير ووقف اعتقد علي 14 الف وشراه واحد عن طريق المنتدي 25 الف ريال وطبعا كان وكيل احدي الشيوخ هذا للتنوية ولك مني اطيب تحية وتقدير