المساعد الشخصي الرقمي

مشاهدة النسخة كاملة : [ تصفية مكينه ] وش رايكم احسن ورشه وييييين ؟


أبوعمران
17/09/2008, 03:18 AM
السلام عليكم ورحمة الله وبركاته

حي الله المشايخ جميعا .. :)

تقبل الله منا ومنكم صالح الاعمال ..

يالحبايب , واحد من اخوياي موتر ماهوبصافي يعني اذا الموتر واقف ممكن الوضع هين شوي لكن اذا حطه بالدي وهو ماسك فرامل يبدا الموتر يتفتف ويتراجف تقل بيطفى .

وتعرفون انتم ان شغلة تنظيف البخاخات وتصفية المكينه بشكل عام مايظبطه اي واحد , يعني لو ماظبط وزنية البخاخ يبدا الموتر يدخن .


انصحوني الله يحفظكم ويرعاكم , افضل ورشه وييييييين ؟؟؟؟ [ والله خويي كره موتره ]

موتره باترول مديل 2005 او 2006 والله ماني متأكد


دمتمت لمحبكم :)
مستكشف الدروب
17/09/2008, 03:27 AM
اتوقع يحتاج وزن بلوف فقط والاخوان يفيدونك اكثر ان شاء الله
أبوعمران
17/09/2008, 03:41 AM
هلا والله اخوي مستكشف الدروب , والله ياخوك البلوف موزونه عنده يعني مالها صوت

شاكر لك مرورك :)

في انتظار الاحبة :)
adil33
17/09/2008, 03:49 AM
بلغه يخفض سرعة الماكينة واذا ما ضبط بلغه يغير منظم الهواء وباذن الله تنتهي مشكلته
4800VTC
17/09/2008, 07:37 AM
حدد موقعك الاخ /ابوعمران
عشان الشباب يفيدونك
فتى الوادي
17/09/2008, 11:22 AM
إذا أنت في الرياض .. ودها للبازعي على طريق خريص ...

فحص كامل بـ 250 ريال

ويصفون لك المكينة تمام ..
خلفهم
17/09/2008, 01:07 PM
به ورشه بمخرج 10 إلي عطاني الوصف أخوي الساهر الله يحفظهـ
كان معي باث صارلي مثل الحركه وزود إذا جيت أشغل كود أعطيه دعسه عشان يشتغل
الورشه إذا جاك مخرج عشر اتجه كنك رايح لجامعة الملك سعود ابتل إلين تجيك أول أشاره ديور وامسك الخدمه تجيك على طول على اليمين اسمها ورشة السعيد

موفق ..
أبوعمران
17/09/2008, 05:02 PM
الله يبيض وجيهكم يالربع , وموقعي الرياض :)
مطلع
17/09/2008, 05:54 PM
إذا أنت في الرياض .. ودها للبازعي على طريق خريص ...

فحص كامل بـ 250 ريال

ويصفون لك المكينة تمام ..

ياليت اخوي توصف لنا مكانها بالضبط .. طريق خريص طويل

الله يعطيك العافية
أبوعمران
18/09/2008, 07:05 AM
للرفع الله يرفع قدركم , زيدونا من العلم الله يبيض وجيهم ويحرمها عن الناار