الفتك ياهل الفتك

[قنا ص الغزلان]

بسم اللة الرحمن الرحيم

السلام عليكم واللة عندي سؤال معي موتر نيسان 2006
جنط 17 ومحتار ايش اركبلة كفرات انصحوني
وانشاءللة منسأل ماخاب


وشكرا:d

[أبو أسامة]

وعليكم السلام ورحمة الله وبركاته

أنصحك بالدانلوب بس خذه من عند الوكيل عشان تضمن أنه ما هو إماراتي لأن منشتر بالسوق الإماراتي ومكتوب عليه أنه ياباني ويبيعونه بنفس سعر الياباني على أساس أنه ياباني .... وللمعلومية أنا لا أعرف كيف التفريق بينهم لكن رح للوكيل أضمن .......

[قنا ص الغزلان]

مشكور على المرور
وجزاك اللة خير

[خيال الغلبا]

بيرجستون رائع .............

[قنا ص الغزلان]

بس برجستون ينفع فالبر

[أبو ربيعان]

نفس المعاناة :(

بس مدري أحس إن استعمالك هو اللي يخليك تفاضل بين نوع ونوع آخر
يعني إنت تبيه استعمال بر ؟ خطوط ؟ بالديرة ؟

من ناحية انك تبي تستعمله بالبران فأشوف إن اليوكوهاما عليه اقبال حلو
خاصة إن وطيته أكثر افتراشاً للأرض

أما من ناحية إنك تبي استعمال عادي
أشوف الدنلوب الـ 17 يمدحونه واجد وانتشاره حلوو


بس لا تغلط غلطتي طقيت له خمس تواير ميشلان على اساس ( الزين غالي لكن الأزين أغلى )
وللأسف كان خيار فاشل
بالرمل أسوأ من البرجستون وغير كذا تتمسح أسرع منهن ..

[أبوعمران]

والله ياخوي لاتتعدا البريجستووون

[سوبر VTC]

اغديك مجرب البالون :)
ان بغيته للديرة و للرمل و للحصى
غرضك
و ميزته اذا بنشر ما يصلخ و يعدم عليك الرفرف
لانه نايلون بدون اسيام
تحياتي

[shaheenshah]

الدنلوب زين

[صالح 707]

امس الاربعاء ركبت الكفرات ( دنلوب)
لكن أحرص لايكون خليجي
والفرق..استكر الخليجي أبيض موضح عليه مواصفات الكفر ولايوجد أستكر حق بن زقر المربع وإن وجد يكون بدون كتابه
والدنلوب الأصلي الإستكر الموجود على الكفر حق أي كفر دانلوب وأي مقاس أحمر على برتقالي (استكر موحد لأي كفر دنلوب) وتحته استكر أبيض مربع حق بن زقر موضح عليه الواصفات بالإنجليزي
أتمنى إن شرحي واضح
لكيت الأسعار متفاوته من 600-675 للكفر 275-65-17