رايكم في الاكبديشن اكس ال تي ... و اليوكون اكس ال

[طخيمان]

يا جماعة الخير انا والله نويت اشتري جمس للعايلة ومحتار بين الاكسبيدشن من فورد او اليوكن اكس ال من جي ام سي

بس والله خفت من اليوكون يقولون مشاكله واجد والوكالة خدماتهم مهيب

على ما تحب

والفورد عليه تخفيض هالأيام ويمدحونه ويقولون وكالته ازين من الجميح

وما نستغني عن رايكم الله يحفظكم

[ولد العويني]

الي اقدر اقوله لك من تجربه سابقه


كان عندنا يوكون 2005 دبل والله السياره زي الحلاوه تمام وبالبر تعجبك لكن بعد 3سنوات بدت تطلع مشاكل مثل الطبلون والكهرباء عموما

واخر شي استبدلناه بالبليزر 2008 دبل


وكانوا كلها من الجميح


اما الفورد ماعرف له




نصيحه نصيحه نصيحه نصيحه نصيحه نصيحه نصيحه لا تشتري من الجميح خذ من العيسى <=== كلهم تعبانين لكن العيسى افضل


ولو انا محلك باخذ نيسان ارمادا عز الله انه موتر


مبروك مقدما وقبل لاتاخذ شف التاهو Lt دبل

[هاوي الغماره]

والله وانا واخوك اليوكن من تاالي مشااكله بدت تكثر

اما الفور الاكس دبشن (( ما شاء الله )) عز الله انه موتر
ركبته حلو من دااخل ومن براا بس خذ لك الدفرنسين الدبل

وانا اشوف النااس بدواا يطيحون فيه من تاالي

اتمنى اني افدتك

[سوبر VTC]

ماش اخوي طخيمان :)
الفورد لا تحرص عليه مركبه نازل و خرابات و اقبح ما به الدفرنس الخلفي طبعا عكوس:mad: مهب دفرنس زي الجمس و يخرب حتى لو جديد
احرص على الدفرنس الخلفي سواءا يوكون جمس و الا تاهو و بعدين عند البيع اليوكون اقل خسارة من الفورد
عليك بالاستخارة
تحياتي

[ساري 111]

مميزات اليوكن
1.اقوى مكينه
2. اجمل شكل
3.له شعبيه ورغبه عند البيع
4. والواقع يقول ان اليوكن اقل خربات وهن كلهن رعيات خراب بعد خمس سنوات تقريباً

وانت استخر

موفق خير

[مساير الليل]

اليوكن وتوكل على الله

وتبي نصيحتي شف الأرمادا حلو وسعره حلوه

[السنع كله]

اليوكن لا يعلا عليه سعه متانة جمال رخص قطع الغيار

[turkiq]

اخوي الكريم :

اذا تدور راحة ركوب ------------------------- خذ يوكون
اذا تدور راحة بال (بدون مشاكل) ووسع داخلي مميز------ خذ ارمادا

و الاكسبيديشن ايضا خيار لابأس به واللي شروه مدحوه.

[woqaili]

اذا لك في شغل الشريطية
اشتر الي يرغبوه النصابين الشريطية
اما اذا ودك تستخدم وقطع غير متوفره واسعارها معقوله وشي يطرب قلبك فانا اقولك خذ الفرد، صراحه معي واحد اقل مواصفات اخذه 110000 ستاندرد بس صراحه ما شاء الله شي من جد يطرب
الارمادا من بعيد حليو بس عيبة الوكيل اخيس من الجميح انا اقول اذا بين الجميح ولا نيسان خذ الجميح ارخص وقطع غيار اوفر
رئ شخصي فقط

[.أبوعبدالرحمن]

وانا اخوك ارشح لك الفورد الاكسبدشن

الاسباب هي

الاكسبدشن ارفع واكيد انه بيكون ارسى في الخطوط وبحكم انه عكوس ايضا اوسع واشوف انه اجمل

ويالذات اللون الذهبي والكحلي وايضا لا تاخذ الا دبل هو الافضل لك ومن مميزاته بعد انه ارخص بواجد من

اليوكن الاكس ال والتاهو السوبر بان


ولا تنسى الاستخارة

[الجندي2005]

انا اقول : خذ سوبرمان لو انك ما رشحته ،،،،،،،،،،،،،،،،،،،
من قديم وهو سيارة العوائل عندنا بالسعودية (( قديمك نديمك لو الجديد اغناك ))

[الربذي]

بصراحه الامريكي عااق سواء محافظ عليه ولا تجلده جلد مايفرق 3سنوات وتبدا المشاكل 0
انا ارشح لك اليوكن لانه معروف والكل يرغبه ومتوفر ه قطعه
الاكسبديشن انا احبه بس احس انه كبير مره ارغبه لين اركبه واحس ماهوا حق بر

[هدير الموج]

يا جماعة الخير انا والله نويت اشتري جمس للعايلة ومحتار بين الاكسبيدشن من فورد او اليوكن اكس ال من جي ام سي

بس والله خفت من اليوكون يقولون مشاكله واجد والوكالة خدماتهم مهيب

على ما تحب

والفورد عليه تخفيض هالأيام ويمدحونه ويقولون وكالته ازين من الجميح

وما نستغني عن رايكم الله يحفظكم


السلام عليكم ياطخيمان

وانا خوك نصيحة لله خذ اي سياره الا الفورد اكسبيديشن أبعد عنه

ولا تفكر فيه بالمررره لو يقولون لك بريال

والفتك بعد لا تاخذه صيانتهم تعبانه

اذا تبي نصيحتي خذ التاهو اذا انت من عشاق الامريكي

والاندكروزر اذا تحب الياباني

وانت ابخص

ومبررررررررررررررررررروك مقدماً

دمت بحفظ الله ورعايته

[ابو هشام]

وانا خوك نصيحة لله خذ اي سياره الا الفورد اكسبيديشن أبعد عنه

ماقلت لنا عن السبب

هل لك تجربه شخصيه

[جزلا]

والله تبي الشور خذلك فورد تراه موتر اما الجمس والله خراباته كثر التراب
خاصه بعد ما تستخدمه بثلاث سنوات
واهم شيءأنك تستخير والله يوفقك

[طخيمان]

الله يعطيكم العافية وما قصرتوا

[أبو LAMeS]

قبل كل شي عليك بالاستخارة ثم الاستخارة ثم الاستخارة ...

إذا كان برأسك أمريكي لا يرخص عليك الفورد الاكسبدشين والظاهر الان في رمضان فيه عروض عليه عيبه الوحيد والذي لاحظته بطنه نازل يعني إذا كنت في البر جنبه المشجار ( الرمث وغيره )... أوف بس لو كان بطنه أرفع من كذا كان ما يعلى عليه,,,,,,, لكن وجه أرفع من اليوكن ...
واللي يقول عكوس وما أدراك ما عكوس أغلب السيارات عكوس الحين

واللي يقول خمس سنوات ويبدأ يطلب!!!! اللحين هذا سب أو مدح؟؟؟!! فيه سيارات سنة وحدة وتطلب وشف شكاوي الأعضاء معنا وشف وش هي سياراتهم وموديلاتها ..
كثر الله خيرها اللي تجلس خمس سنوات ما تطلب شي

وأنا أخوك أغلب اللي ردوا أنا متأكد إنهم ما جربوا والدليل على ذلك بعضهم يقول اليوكن أوسع ... شنطة الاكسبدشين إذا سفطت المرتبة الثالثة تشيل فيها يوكن من الوسع :d لكن أحب أقول لك والله يشهد على كلامي وحنا في رمضان أنا من الناس اللي عانوا من قير اليوكن 2007

أرجع وأقول لك أستخر والله يكتب لك الصالح
ومبروك أيا شريت والله يطعمك خيرها ويكفيك شرها

[هدير الموج]

ماقلت لنا عن السبب

هل لك تجربه شخصيه


السلام عليكم ابو هشام

الاكسبديشن سيارة تعيسه وعن تجربه مريره

دمت بحفظ الله ورعايته

[فاقد الديرة]

انا اقولك جيب Gxr ولا تدور غيرة

[بو جريس 73]

اخي العزيز اذا كنت ناوي استعمال فوق 5سنوات عليك بالفورد علما بأ موديل 2007و2008قد تمت عليه تعديلات كبيره بالجير حيث اصبح 6تباديل اي اقوى من موديلات 2004و2005و2006التي كان عيبها الجير والمكينه لاتحاتي ابد اخي عنده موديل 99واللحين ماشي ماشاء الله 228اللف كيلو ولايزال ضغط المكينه عال العال ولا عليه والله يوفقك وتاخذ اكسبدشن .

[ابو هشام]

السلام عليكم ابو هشام
الاكسبديشن سيارة تعيسه وعن تجربه مريره
دمت بحفظ الله ورعايت

مشكور وماقصرت أخوي الله يحفظك

[أبو LAMeS]

السلام عليكم ابو هشام

الاكسبديشن سيارة تعيسه وعن تجربه مريره

دمت بحفظ الله ورعايته

أخوي هدير الموج ممكن تفصل لنا التجربة ..
يعني تعطينا موديل السيارة ... هي أستخدام خليجي أو أمريكي ... وش صار معك بالضبط ؟ من باب الفايدة ولا تنسى أن الأخ طخيمان يسأل عن الموديل الجديد

شكرا لك

[ابو هشام]

ياشباب ننتظر ردودكم لازم تساعدونا ناخذ القرار نشتري الاكسبيديشن ولا لا

[المطلوب]

تبي نصيحتي ابعد عن الامريكي,, وخلك على الياباني.... تويوتا او نسيان,
المستعمل من الياباني اطلق من جديد الامريكي..

[أبو LAMeS]

للمرة الثانية أقول اللي برأسه إكسبدشين لا يرخص عليه... والظاهر اللحين عليه عرض مغري
إكسبيدشين XLT وريح مخك والله يستاهل قيمته وأكثر
ولا تنسون الاستخارة




http://up5.m5zn.com/photos/00264/nls2xvhc3rdr.jpg (http://up5.m5zn.com/photos/00264/nls2xvhc3rdr.jpg)
http://up3.m5zn.com/get-9-2008-hbk2qsx1zzg.JPG (http://up3.m5zn.com/showimage-9-2008-hbk2qsx1zzg.JPG)

[يزن2000]

ياشباب ننتظر ردودكم لازم تساعدونا ناخذ القرار نشتري الاكسبيديشن ولا اليوكن احسسسسسسسسسن

[حرنتش]

السلام عليكم

حبيت اعرف الاكسبديشن كم علبه زيت ياخذ عند التغيير مع الفلتر للموديلات 2007 و2008 .
XLT-4x4

[محمد ولد منير]

نصيحه لوجه الله بخصوص زيت المكينه لاتسال الاالوكاله