يا شباب ممكن وصف روضة الحور [الأرشيف]

kobra159

21/01/2004, 06:09 PM

السلام عليكم ورحمة الله وبركاته
والله انا ان شاء ابطلع باالاهل بكرة الصباح لأحد المناطق اللي فيها ربيع ولكن ابي منطقه قريبه غير خريم لاني مليت منها. وذكرولي منطقتين يقولون انها قريبه للرياض حوالي 60 كيلو او اقل وكلها بطريق المزاحميه وحده منها اسمها روضه البره والثانيه روضة الحور
وياليت اجد الوصف للروضتين عندكم لالني تعبت وانا ابحث

ويا شباب اللي عنده اقتراح يفيدنا

ودمتم سالمين:D :D :D

كميت

21/01/2004, 08:25 PM

بسم الله الرحمن الرحيم
اخوي ( kobra159)اخوي الروضة تدعى روضة ( الأحور )وطريقها اخرج من مدينة الرياض بتجاه الغرب انزل مع نزلة ( القديه ) واتجة مع طرق ضرما من ناحية اليمين ( شمال )تجاوز مدينة ضرما ب(52 ) كلم سوف ياتيك بعد ذلك تقاطع البره وهي عند مفرق البرة للطريق المؤدي الى مدينة مرات وهي على يسار المتجه من الرياض الى مرات بعد خط ( الانابيب ) والمنطقة هناك تزهو بجمال الطبيعة وهي روضة ذات مساحة كبيره وتبعد عن مرات 42كلم وعن الرياض من عند حي السفارات
108 كلم بالضبط واحداثياتها ( N24.50.248 من جهةالشمال ) و(E45.48.422 من جهةالشرق )
وعلى نفس الامتداد تجد روضة( ام خفاس) وهي روضة مشهورة وكبيرة المساحة تبعد عن مدينة مرات 34كلم وعن مدينةالرياض من حي السفارات 116 كلم باضبط وهي على نفس الخط على يسار المتجة من الرياض الى مرات بعد روضة الأحور على نفس الامتدار واحداثياتها ( N24.53.729 من الشمال )
و( E45.45.181 من الشرق )
ولكن اخي الحبيب الروضتين في الوقت الحالي فيها مياه في اغلب ارجائها والباقي شبه طينية لذلك انصحك بالتريث كما لا انسى ان كلا الروضتين في مكان منخفض واذكر ان روضة ( ام خفاس ) حدث فيها غرقة عام 1418هـ وتم اخراج من علقوا فيها بواسطة طائرات هليكوبتر لذلك كن على حذر وهناك ايضامناطق جميلة حول الروضتين وخصوصا الجهات التي قبل هجرة ام سليم باتجاه مدينة مرات ولا تنسى انك كلما تعمقت داخل الروضة وخليت الخط وراك كلما زاد الجمال (((( وسلامتكم )))))

مغليك /// كمــيت